اقش-تاعى تانىمال باسپادان اباي قۇنانبايۇلىنىڭ كىتابى باسىلىپ شىعاتىن بولدى. بۇل تۋرالى بۇگىن جازۋشى روللان سەيسەنباەۆ ايتتى.  

«الداعى جىلى اباي بابامىزدىڭ 175 جىلدىعى اتاپ وتىلمەك. بۇل ۇلكەن توي، ياعني ول ءبىزدىڭ مادەنيەتىمىزدىڭ، قازاق ءتىلىنىڭ تويى. اباي كىتاپتارى بۇگىندە كوپتەگەن شەت تىلدەرگە اۋدارىلدى. كەلەسى جىلى الەم كلاسسيكتەرىڭ قاتارىندا اقش-تا ۇلى اقىنىڭ كىتابىن جارىققا شىعارامىز»، - دەدى جازۋشى.

بۇگىن ەلوردادا اباي قۇنانبايۇلىنىڭ 175 جىلدىق مەرەيتويىن وتكىزۋ جونىندەگى مەملەكەتتىك كوميسسيانىڭ العاشقى وتىرىسى وتكەن ەدى. وسى جيىنعا قاتىسقان جازۋشى روللان سەيسەنباەۆ امەريكاداعى تانىمال باسپا ابايدىڭ كىتابىن باسىپ شىعاراتىنىن ايتتى.

ونىڭ ايتۋىنشا، باسپا اعىلشىن تىلىنە اۋدارىلعان كىتاپتىڭ شىعۋىن ءوزى قارجىلاندىرادى.

«الەم ابايدى وقىپ كەلەدى. ۇلى ويشىلدى بۇكىل الەمگە تانىستىرۋ ءۇشىن ءتيىستى جۇمىستاردى جۇرگىزۋ كەرەك، ياعني اباي مەكتەبىن بارشا الەمگە شىعارعان ماڭىزدى. 1995 جىلى لوندوندا «اباي ءۇيىن» اشقان ەدىم. وسىنداي ۇلكەن يدەيالارعا ۇكىمەت باستاماشىلىق ەتۋى كەرەك. بۇكىل الەمدە اباي مەكتەبى جۇمىس ىستەگەن جاعدايدا، قازاقتاردى بارشا الەم بىلەتىن بولادى»، - دەدى سەيسەنباەۆ.

ەستەرىڭىزگە سالا كەتەيىك، بۇگىن ەلوردادا اباي قۇنانبايۇلىنىڭ 175 جىلدىق مەرەيتويىن وتكىزۋ جونىندەگى مەملەكەتتىك كوميسسيانىڭ العاشقى وتىرىسى وتكەن ەدى. وندا اقىنىڭ مەرەيتويىن وتكىزۋدىڭ جوسپارى مەن ءىس-شارالاردىڭ جوسپارى تالقىلاندى. جيىن بارىسىندا كەلەر جىلى حالىقارالىق، رەسپۋبليكالىق جانە وڭىرلىك دەڭگەيلەردەگى ۇزىن-ىرعاسى 500-گە جۋىق شارا وتكىزىلەتىنى بەلگىلى بولدى.

Abai.kz