بىراق سول جاۋىز ادامدار اڭ بىتكەندى قويىپ، ادامدى دا قىرىپ جاتىر. قاراپايىم حالىقتىڭ كەيدە ءتيىن مەن بۋرۋندۋكتان ايىرماشىلىعى شامالى. وزىنە تيەسىلى ۇلەسى ءبىر ارسىز جەگىشتىڭ قالتاسىندا، ياكي تويىمسىز اشكوز پاراقوردىڭ ءاميانىندا كەتىپ جاتادى. بۇل ادىلەتسىزدىككە شىداماعان كەي جاندار، ءتيىن مەن بۋرۋندۋكتىڭ جولىن قايتالايدى.

ارينە، ءسۋيتسيدتىڭ سەبەبى وتە كوپ. پسيحولوگيالىق اۋىتقۋ، ىشكى ەموتسيانى تەجەي الماۋ جانە ت.ب. الايدا، مەنىڭ ويىمشا باستى سەبەپتەردىڭ ءبىرى ول الەۋمەتتىك جاعداي.

باسپانانىڭ بولماۋى، بالا-شاعانى دۇرىس كيىندىرىپ، قاجەتتىلىگىمەن ءجۇز پايىز قامتاماسىز ەتە الماۋ، ەرتەڭگى كۇنگە دەگەن سەنىمسىزدىك پەن ءۇستى-ۇستىنە قوسىلعان قارىزدار مەن نەسيەلەر، اي سايىن كەلىپ تۇراتىن سالىقتار، پاتەر اقىسى، وقۋ اقىسى، ءبىر كىرگەن قارجىلىق قيىندىقتىڭ تورىنان شىعا الماۋ - وسىنىڭ ءبارى ادامداردى ءتۇرلى ويعا جەتەلەيدى. ءبىرى قىلمىسقا بارادى، ەندى ءبىرى وسى ماسەلەلەردىڭ بارىنەن وزىنە قول جۇمساپ قۇتىلماق بولادى. كەيدە ادامدار تىعىرىقتان شىعۋدىڭ جالعىز جولى قىل ارقان، بيىك عيمارات، قۇتى تولى ءدارى نە كەسىلگەن تامىر دەپ ويلايدى. ايانىشتى ارينە...

بۇل جاعدايدى رەتتەۋدىڭ جولى ء"دىن ارقىلى ۋاعىز ايتۋ كەرەك، جان دەگەن امانات، وعان قيانات جاساماۋ لازىم" دەگەن پىكىر ايتىلىپ جاتىر. كەلىسەمىن، بىراق ونى شەشىم سانامايمىن. ءسۋيتسيدتى ازايتۋدىڭ باستى شەشىمى حالىقتىڭ جاعدايىن كوتەرۋ دەپ ويلايمىن. ول ءسۋيتسيدتى جويىپ جىبەرمەيدى، بىراق ايتارلىقتاي تومەندەتەدى.

2008 جىلعى داعدارىستان كەيىن، ءبىراز كاسىپكەردىڭ وزدەرىنە قول جۇمساعانىن وقىپ ەدىم. ولاردىڭ كەيبىرى ء"وي، دجيپپەن جۇرگەن ماكەڭ تاكسيمەن ءجۇرىپ قاپتى", "انانىڭ بيزنەسى كۇيىپ كەتىپتى", "مىناۋ بانكروت بوپتى" دەگەن ءوزارا باقتالاستىقتا ايتىلاتىن پونتتىق ەگودان تۋىندايتىن اڭگىمەگە شىداماي قول جۇمساپتى. ولار بايلاردىڭ ءسۋيتسيدى.

ال ەندى ايلىعى ءبىر اپتاعا ارەڭ جەتەتىن قاراپايىم حالىقتىڭ قانداي پسيحولوگيالىق كۇيدە جۇرگەنىن ويلاي بەرىڭىز. ونىڭ پسيحولوگياسىن قوعامداعى ادىلەتسىزدىك تومپەشتەپ جاتقانى تاعى بار.

اسحات قاسەنعاليدىڭ facebook پاراقشاسىنان

Abai.kz