بيىلعى جىلدىڭ 10 مامىرى كۇنى نۇر-سۇلتان قالاسىنداعى ەسىل وزەنىنىڭ بويىندا 12 جاسار قىز ءيتىن قۇتقارماق بولىپ سۋعا تۇسەدى. سول ساتتە وزەن جاعاسىندا بالىق اۋلاپ وتىرعان قر قك اۋە قورعانىسى كۇشتەرىنىڭ اسكەري قىزمەتشىسى ەرلان رايىمقۇلوۆ قىزدى كورىپ قالىپ، ءوز ومىرىنە تونگەن قاۋىپكە قاراماستان قىزدى جاعاعا شىعارىپ ۇلگەرەدى دە، ءوزى سول بويى سۋعا كەتتى.

ەرلاننىڭ ارتىندا ايەلى مەن ەكى بالاسى قالدى. اۋە قورعانىسى كۇشتەرى وتباسىنا ەرلاننىڭ جانقيارلىق ەرلىگى مەن باتىلدىعى ءۇشىن مەدال تابىستادى. سىن ساعاتتا، ءدال وسىنداي جىگىتتەر وزگەلەرگە قول ۇشىن سوزۋدان قاشپايدى.

وكىنىشكە وراي، ەرلان قازىر ارامىزدا جوق. دەگەنمەن، ءبىز باسقا ادامداردى قۇتقارۋ ءۇشىن ءوز ءومىرىن قيعان جانداردىڭ ەرلىكتەرى جونىندە وسكەلەڭ ۇرپاققا ايتىپ، ەسكە الىپ جۇرۋگە ءتيىسپىز.

Abai.kz