شىمكەنت قالاسىنىڭ اكىمى عابيدوللا ءابدىراحىموۆ قىزمەتىنەن كەتتى. 

"مەملەكەت باسشىسىنىڭ جارلىعىمەن عابيدوللا راحمەتوللاۇلى ءابدىراحىموۆ شىمكەنت قالاسىنىڭ اكىمى قىزمەتىنەن بوساتىلدى", - دەلىنگەن جارلىقتا.

عابيدوللا راحماتوللاۇلى ءابدىراحىموۆ 1975 جىلى 23 قاڭتاردا وقو وبلىسى كيروۆ اۋىلىندا دۇنيەگە كەلگەن.

1996 جىلى ەكونوميست-بۋحگالتەر ماماندىعى بويىنشا قازاق مەملەكەتتىك اگرارلىق ۋنيۆەرسيتەتىن، 1999 جىلى "بولاشاق" باعدارلاماسى بويىنشا مەملەكەتتىك باسقارۋ نەمىس جوعارعى مەكتەبىن بىتىرگەن.

ەڭبەك جولىن 1996-1997 جىلدارى قازاق مەملەكەتتىك اگرارلىق ۋنيۆەرسيتەتىنىڭ اسسيستەنتى بولىپ باستاعان.

1999-2008 جىلدار ارالىعىندا قازاقستان رەسپۋبليكاسى مەملەكتەتىك قىزمەت ىستەرى اگەنتتىگىنىڭ مامانى، ءبولىم باستىعى، توراعا كەڭەسشىسى، توراعاسىنىڭ ورىنباسارى جانە توراعاسى لاۋازىمىنا دەيىن قىزمەتتەر اتقارعان.

2008 جىلدان باستاپ قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسى بولىپ تاعايىندالدى.

ال، 2013 جىلدان بەرى قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى قىزمەتىن اتقارىپ كەلدى.

قازاق، ورىس، اعىلشىن جانە نەمىس تىلدەرىن جەتىك مەڭگەرگەن. وتباسىلى. ەكى بالاسى بار.. قازاق، ورىس، اعىلشىن جانە نەمىس تىلدەرىن بىلەدى.

Abai.kz