«ساقتانساڭ، ساقتارمىن!» دەمەكشى، ەگەر ءاربىر ادام ءوز مۇلكىنە ساقتىقپەن قاراسا، كوپ جاعدايدا ۇرلىقتىڭ الدىن الۋعا بولار ەدى.

بۇگىنگى كۇنى وبلىس اۋماعىندا قالتا ۇرلىعى تولاستار ەمەس. اعىمداعى جىلدىڭ 7 ايىندا 175 قالتا ۇرلىعى تىركەۋگە الىندى.

قالادا ۇرلىق قىلمىسى نەگىزىنەن قوعامدىق جەرلەردە ورىن الىپ جاتادى. قوعامدىق كولىكتىڭ سالونى، بازار،  سۋپەرماركەتتەردە ازاماتتارعا وزدەرىمەن بىرگە جۇرەتىن زاتتارىنا وتە مۇقيات بولۋ كەرەكتىگى تالاپ ەتىلەدى. اتالعان جەرلەرگە كىرگەن كەزدە سومكەلەرىن، پاكەتتەرىن، ت.ب. قولعا ۇستايتىن زاتتارىن كوزدەن تاسا قىلماۋى كەرەك، كيىمدەرىنىڭ قالتاسىن جاۋىپ، ۇيالى تەلەفون مەن اقشانى جانە باسقا دا باعالى زاتتاردى كيىمنىڭ ارتقى نەمەسە جان قالتاعا سالماۋى قاجەت. بانك كارتوچكالارىن پين-كودتارىمەن  (كارتوچكاعا جازىلعان نەمەس قاعازعا جازىلعان) ساقتاۋعا مۇلدەم بولمايدى.  قوعامدىق كولىكتەردە ۋاقتىلى زاتتارىنىڭ بار-جوعىن تەكسەرىپ وتىرۋ قاجەت. مۇنداي قاۋىپسىزدىك شارالارى بازارلار مەن دۇكەندەردە قولدانىلىپ وتىرعانى ءجون. ۇيىمدار مەن مەكەمەلەردىڭ كيىم شەشەتىن بولمەلەرىندە تاپسىرعالى جاتقان كيىمىڭىزدە باعالى زاتتار مەن قۇجاتتاردى قالدىرۋعا بولمايدى. سونداي-اق، كوپشىلىكتىڭ كوزىنشە ءامياننان اقشا ساناماعان ابزال. سۋپەرماركەتتەردە كورزينا ىشىنە جەكە زاتتاردى دا سالماي، ساقتىق شارالارىن قولدانۋ ءسىزدىڭ قىلمىس الەمىنەن الشاق بولۋعا سەپتىگىن تيگىزەدى.

اتالعان قىلمىستارعا مىسال كەلتىرەر بولساق، جۋىردا شىلدەنىڭ 31 كۇنى كۇندىزگى ۋاقىتتا بەلگىسىز بىرەۋ قالاداعى ساۋدا ۇيلەردىڭ بىرىندە 1967 ج.ت. ازاماتشانىڭ سومكەسىنەن جاسىرىن تۇردە «كاسپي گولد» بانكومات كارتاسىن ۇرلاپ كەتكەن. قولدانىلعان شارالار بارىسىندا 1980ج.ت. ازامات انىقتالىپ، ۇستالدى. سونداي-اق، وسىعان ۇقساس جاعداي شىلدەنىڭ 21 كۇنى قالاداعى مۇحيت كوشەسىنىڭ بويىنداعى «بەرەكە» دۇكەنىنىڭ جانىندا ەركىن تۇردە 50 جاسار قالا تۇرعىنىڭ سومكەسىنەن «حالىق بانكى» بانكومات كارتاسىن قولدى قىلىپ، ارتىنان سول كارتا ارقىلى ەسەپ شوتىنان 11 مىڭ تەڭگە اقشاسىن شەشىپ العان. جەدەل-ىزدەستىرۋ ءىس-شارالارى ناتيجەسىندە 1993ج.ت. ازاماتشا انىقتالىپ، ۇستالدى. ۇرلانعان زات تاركىلەندى.

اتالعان ەكى فاكتى بويىنشا قر قك-ءنىڭ 188-بابى 1-بولىمىنە سايكەس قىلمىستىق ءىس قوزعالدى. تەرگەۋ جۇرگىزىلۋدە.

قۇرمەتتى وبلىس جانە قالا تۇرعىندارى، ەگەر ءبىر جوقتىڭ بارىن سەزگەن ساتتە دەرەۋ پوليتسياعا حابارلاسقان ءجون، بۇل قىلمىستىڭ بەتىن «ءىزىن سۋىتپاي» اشۋىنا سەپتىگىن تيگىزەدى. تەك بىرلەسكەن جاعدايدا عانا ۇرلىقپەن ءتيىمدى تۇردە اشۋعا بولادى. اتالعان قاراپايىم ەرەجەلەردى ساقتاۋ  قالتا ۇرلىعى نەمەسە بوتەننىڭ مۇلكىن ۇرلاۋ قىلمىسىن ازايتۋعا مۇمكىندىك بەرەدى.

بقو پد ءباسپاسوز قىزمەتى  

Abai.kz