ءبارىمىز بىلەتىندەي تۇڭعىش پرەزيدەنتىمىز - ەلباسى نۇرسۇلتان نازارباەۆ 2018 جىلعى 5 قازانداعى جولداۋىنىڭ ەكىنشى تاراۋىندا  "قازاقستاندىقتاردىڭ تۇرمىس ساپاسىن ارتتىرۋ" كەرەك ەكەنىن ايتقان. اتالعان تاراۋدىڭ   مەكتەپكە دەيىنگى ءبىلىم بەرۋ ساپاسىن تۇبەگەيلى جاقسارتۋ كەرەكتىگى ايتىلعان.

جولداۋداعى وسى تارماقتىڭ ەكىنشى بولىمىندە مەكتەپكە دەيىنگى ءبىلىم بەرۋ ساپاسىن تۇبەگەيلى جاقسارتۋ كەرەك دەپ تاپسىرما بەردى ەلباسى. جولداۋدا "بىلىكتىلىك تالاپتارىن، وقىتۋ ءادىسىن، تاربيەشىلەردىڭ جانە بالاباقشاداعى باسقا دا قىزمەتكەرلەردىڭ ەڭبەگىنە اقى تولەۋ جۇيەسىن قايتا قاراۋ قاجەت" ەكەنى انىق كورسەتىلدى.

ەلباسى تاپسىرماسىنا وراي جالپى ەل كولەمىندە مەكتەپتەر مەن وقۋشىلارعا جان-جاقتى بۇرىنعىدان دا كوپ كوڭىل بولىنۋدە. سول باعىتتا اۋقىمدى جۇمىستار قولعا الىنىپ، ىستەلۋدە. ماسەلەن، بالاباقشا، مەكتەپ سالۋ، مەكتەپتەردىڭ تەحنيكالىق مۇمكىندىكتەرىن ارتتىرۋ دەگەن سەكىلدى يگى باستالمالاردىڭ كوبەيۋى ءبىلىم سالاسىنىڭ قارىشتاپ دامۋىنا مۇمكىندىك بەرىپ وتىر.

مىسال رەتىندە ايتايىق، بيىل قىزىلوردا وبلىسىندا مەكتەپ تابالدىرىعىن اتتايتىن وقۋشىلاردىڭ سانى كورنەكتى تۇردە ارتىپ وتىر. ماسەلەن، بىلتىر مەكتەپكە بارعان وقۋشىلاردىڭ سانى بيىل 2200 وقۋشىعا ارتقانى بەلگىلى بودى. انىقىراق ايتقاندا، 2019 جىلى 21 600 وقۋشى ءبىرىنشى مەكتەپ تابالدىرىعىن اتتادى.

«الداعى 2019-2020 وقۋ جىلىندا ءبىرىنشى سىنىپقا 21 600 وقۋشى بارادى دەپ جوسپارلانۋدا. بۇل وتكەن جىلمەن سالىستىرعاندا 2200 وقۋشىعا ارتىق. بيىل سىر وڭىرىندەگى بارلىق 293 مەكتەپتە 164 مىڭنان استام وقۋشى ءبىلىم الادى. بيىل 1 ماۋسىمىنان باستاپ 1-سىنىپقا قابىلداۋ پروتسەسى اۆتوماتتاندىرىلعان جۇيەگە قوسىلدى. قازىرگى تاڭدا ولاردىڭ مولتەك اۋداندار بويىنشا مەكتەپتەرگە ورنالاستىرۋ كارتاسى دايىن»،-دەدى وبلىستىق ءبىلىم باسقارماسىنىڭ باسشىسى مايرا مەلدەبەكوۆا.

ەلباسى نۇرسۇلتان نازارباەۆتىڭ تاعى ءبىر باستى تالاپتارىنىڭ ءبىرى بارلىق مەكتەپتەردىڭ ساپالى بولۋى. ماسەلەن، تىكەلەي ەلباسىنىڭ باستاماسىمەن ەلىمىزدە ءجۇز مەكتەپ، ءجۇز اۋىرۋحانا سالۋ ناۋقانى وتكەنىن ءبارىمىز بىلەمىز. سول باعىتتا تاۋەلسىزدىك العالى ەلىمىزدە كوپتەگەن جاڭا ءبىلىم وردالارى بوي كوتەردى.

ءوزىمىز ءسوز ەتىپ وتىرعان قىزىلوردا وبلىسىنىڭ وزىندە سوڭعى جىلدارى اپاتتىق جاعدايداعى مەكتەپتەردىڭ سانى مۇلدە ازايىپ كەتتى. ايماقتاعى بارلىق وقۋ ورادالى جاڭادان سالىندى نەمەسە كۇردەلى جوندەۋدەن ءوتتى. وبلىستا الداعى جىلى جاڭاقورعان اۋدانىنداعى №169 مەكتەپ پەن جالاعاش اۋدانىنداعى №34 مەكتەپ جاڭا عيماراتتارعا كىرەدى دەپ جوسپارلانىپ وتىر. بۇل مەكتەپتەردە قۇرلىس جۇمىسى ءجۇرىپ جاتىر. بۇعان قوسا، قىزىلوردا قالاسىنىڭ وزىندە 600 ورىندىق جاڭا مەكتەپ سالىنىپ جاتىر. بۇل وقۋ ورنى بيىلعى جىلدىڭ قازان ايىندا پايدالانۋعا بەرىلەتىن بولادى.

تاعى ءبىر ەرەكشە ايتا كەتەرلىگى، وڭىردە مەملەكەتتىك «اۋىل ەل بەسىگى» باعدارلاماسى اياسىندا ءۇش بىردەي مەكتەپكە رەسپۋبليكالىق بيۋدجەت ەسەبىنەن كۇردەلى جوندەۋ جۇمىستارى جۇرگىزىلىپ جاتىر. سونىمەن قاتار، ءسوز باسىندا ايتقانىمىزداي، مەكتەپكە دەيىنگى بىلىممەن قامتۋ باعىتىندا دا جۇمىستار ءجۇرىپ جاتىر. قازىرگى تاڭدا وبلىستا بىرقاتار بالاباقشالار دا جوندەلدەن وتۋدە.

انىقتاپ ايتقاندا، قازىرگى تاڭدا ارال جانە قازالى اۋداندارىنان 85 ورىندىق ەكى جەكە بالاباقشا، قىزىلوردا قالاسىنىڭ وزىنەن 140 ورىنعا ارنالعان ءبىر مەملەكەتتىك بالاباقشا اشىلعانىن ايتا كەتۋ كەرەك. بۇعان قوسا، قىزىلوردا قالاسىندا تاعى ءبىر مەملەكەتتىك-جەكەمەنشىك ارىپتەستىك نەگىزىندە 320 ورىنعا ارنالعان بالاباقشا قىركۇيەك ايىندا ىسكە قوسىلادى.

ءبىز ۇنەمى ايتاتىن جاقسى ءبىر ماتەل بار: "مەكتەپ - ءبىلىمنىڭ استاناسى، بالالاردىڭ باسپاناسى". سول ءۇشىن ەگەمەن ەلدىڭ ەرتەڭى ءۇشىن ءبىلىم جۇيەسىن دامىتىپ، جاستارىن جان-جاقتى ءبىلىمدى ۇراپ ەتىپ تاربيەلەۋ جولىندا تىنباي ەڭبەك ەتۋ كەرەك. سول باعىتتا ەلباسىنىڭ بەرگەن ناقتى تاپسىرمالارى مەن جولداۋلارىندا ۇسىنعان جولدارىنا ساي مەملەكەت تاراپىنان جۇمىستار تىنباي ءجۇرىپ جاتىر. الداعى ۋاقىتتاردا بۇل قىزمەتتەر ءوز جالعاسىن تابارى ءسوزسىز.

Abai.kz