قازسات -2, قايىرىن بەرسىن قازاققا!
16-ءنشى شىلدە كۇنى تاڭعا جاقىن قازاقستاننىڭ «قازسات-2» عارىشتىق بايلانىس قۇرىلعىسىن تيەگەن رەسەيدىڭ «پروتون - م» زىمىران تاسىعىشى بايقوڭىر عارىش ايلاعىنان امان-ەسەن ۇشىرىلدى. «قازسات -2»-ءنىڭ عارىشقا ساپارىن ۇكىمەت باسشىسى كارىم ءماسىموۆ مىرزا ارنايى بارىپ، ءوز كوزىمەن كورىپ قايتتى.
قازاقستاننىڭ عارىشتىق ەلدەر قاتارىنان كورىنۋگە ۇمتىلۋى ءھام جەكە عارىشتىق قۇرىلعىسىن ۇشىرۋى قاي جاعىنان الىپ قاراساق تا قۇپتارلىق ءىس. ءارى وسى مەملەكەتتىك ماقساتتى جۇزەگە اسىرۋدا ءوز جەرىندە عارىش ايلاعى بار قازاقستان وزگەلەردەن ءبىر ساتى جوعارى مۇمكىندىككە يە دەۋگە نەگىز بار.
عارىش - قازىرگى شاشاسىنا شاڭ جۇقپاي دامىپ بارا جاتقان الەمدە تۇتاس قاۋىپسىزدىكتىڭ، تەحنولوگيانىڭ، ارزان بايلانىس ونىمدەرىن تاعى باسقا تولىپ جاتقان دۇنيەلەردىڭ شەشۋىن شىعارار جول. بۇل - اڭگىمەنىڭ كۇنگەي جاعى.
«قازسات -2»-گە ىشتەي ءسات-ساپار تىلەپ تۇرىپ، «اعاسى «قازسات - 1»-ءدىڭ اياعىن قۇشىپ، قاڭعىپ كەتپەسە ەكەن» دەپ تە دۇعا قىلدىق. اعاسى دەيتىنىمىز، قازاقستاندىق ەكى عارىشتىق قۇرىلعى دا رەسەيدىڭ حرۋنچەۆ اتىنداعى مەملەكەتتىك عىلىمي-وندىرىستىك ورتالىعىندا جاسالعان. ونىڭ العاشقىسىنىڭ جايى بەلگىلى بولدى. سوڭعىسى - شەكسىزدىككە ەندى اتتاندى.
16-ءنشى شىلدە كۇنى تاڭعا جاقىن قازاقستاننىڭ «قازسات-2» عارىشتىق بايلانىس قۇرىلعىسىن تيەگەن رەسەيدىڭ «پروتون - م» زىمىران تاسىعىشى بايقوڭىر عارىش ايلاعىنان امان-ەسەن ۇشىرىلدى. «قازسات -2»-ءنىڭ عارىشقا ساپارىن ۇكىمەت باسشىسى كارىم ءماسىموۆ مىرزا ارنايى بارىپ، ءوز كوزىمەن كورىپ قايتتى.
قازاقستاننىڭ عارىشتىق ەلدەر قاتارىنان كورىنۋگە ۇمتىلۋى ءھام جەكە عارىشتىق قۇرىلعىسىن ۇشىرۋى قاي جاعىنان الىپ قاراساق تا قۇپتارلىق ءىس. ءارى وسى مەملەكەتتىك ماقساتتى جۇزەگە اسىرۋدا ءوز جەرىندە عارىش ايلاعى بار قازاقستان وزگەلەردەن ءبىر ساتى جوعارى مۇمكىندىككە يە دەۋگە نەگىز بار.
عارىش - قازىرگى شاشاسىنا شاڭ جۇقپاي دامىپ بارا جاتقان الەمدە تۇتاس قاۋىپسىزدىكتىڭ، تەحنولوگيانىڭ، ارزان بايلانىس ونىمدەرىن تاعى باسقا تولىپ جاتقان دۇنيەلەردىڭ شەشۋىن شىعارار جول. بۇل - اڭگىمەنىڭ كۇنگەي جاعى.
«قازسات -2»-گە ىشتەي ءسات-ساپار تىلەپ تۇرىپ، «اعاسى «قازسات - 1»-ءدىڭ اياعىن قۇشىپ، قاڭعىپ كەتپەسە ەكەن» دەپ تە دۇعا قىلدىق. اعاسى دەيتىنىمىز، قازاقستاندىق ەكى عارىشتىق قۇرىلعى دا رەسەيدىڭ حرۋنچەۆ اتىنداعى مەملەكەتتىك عىلىمي-وندىرىستىك ورتالىعىندا جاسالعان. ونىڭ العاشقىسىنىڭ جايى بەلگىلى بولدى. سوڭعىسى - شەكسىزدىككە ەندى اتتاندى.
اۋەلدە «قاتىردىق» دەپ بەرگەن «قازسات - 1» ەلەس بولىپ كەتسە دە، «اۋزى كۇيگەن ۇرلەپ ىشەدى» دەگەندى ساندىراققا بالاپ، ورىسقا قايتا بارىپ «قازسات - 2»-ءنى جاساتتىق. ال، الدىڭعى عارىشتىق قۇرىلعىنىڭ وتەماقىسىنىڭ ارتى سۇيىلىپ كەتتى. «ءاي، وسى مەملەكەتتىك اقشاسى-اۋ، ازاماتتاردىڭ تابان ماڭداي تەرىمەن تاۋىپ، مەملەكەتى ءۇشىن تولەگەن سالىعى-اۋ، وسىنى قايتارماساق بولماس»، دەپ ويلاعان ءتىرى جان بولمادى. بىرەر رەت ماجىلىستە ءسوز بولىپ ەدى، دەپۋتاتتار عارىش اگەنتتىگىنىڭ توراعاسى تالعات مۇساباەۆتان «ءمات بولدى، ءشات بولدى» دەگەن سىرعىتپا جاۋاپ الدى. زاۋدە عالام «قازسات - 2»-ءنىڭ قادامى وڭ بولىپ، جۇمىس ىستەي باستاسا، وتەماقى تۋرالى اڭگىمە تاريحقا اينالاتىن شىعار.
سونىمەن، «قازسات - 2» گە ناعىز اقجول، قازاققا قايىرىڭ ءتيسىن!
ايتپاقشى، «قازسات -1»، «قازسات - 2» -ءى تۋرالى پورتالىمىز تالاي مارتە ماسەلە قوزعاپ، ماقالالار جاريالانعان بولاتىن.
http://old.abai.kz/content/deuren-kuat-kazsat-kaida-barasyn
http://old.abai.kz/content/erzhan-rakhmetov-deputat-kazsat-2-kazsat-1-din-kebin-kiyui-m-mkin
http://old.abai.kz/content/omirzhan-ebdikhalykyly-koshtaskym-kelmeidi-kazsat-2
«اباي-اقپارات»
رەداكيتسيادان ەسكەرتۋ!
ينتەرنەت-كونفەرەنتسيامىزدىڭ كەزەكتى قوناعى جانگەلدى شىمشىقوۆ مىرزا وقىرماندارىن ساۋالىنا جاۋاپ جازۋ ۇستىندە. جاۋاپتار كەلىسىمەن جاريالايتىن بولامىز.
