ەلىمىزدە وسى جىلدىڭ باسىنان بەرى الەۋمەتتىڭ ءالسىز توپتارىن قولداۋعا بارلىق جاعداي جاسالىپ وتىر. ونىڭ دالەلى – مەملەكەت تاراپىنان كوپبالالى وتباسىلارعا قولداۋ مەن جاردەماقى تاعايىنداۋ تۇرعىسىندا ايتارلىقتاي جەڭىلدىكتەر قاراستىرىلدى. سونىمەن قاتار، جىل باسىنان باستاپ مۇگەدەك بالا اسىراپ وتىرعان وتباسىلارعا دا مەملەكەت تاراپىنان ايرىقشا كومەكتەر قاراستىرىلعان.

اتاپ ايتساق، مۇمكىندىگى شەكتەۋلى بالا باعىپ وتىرعان وتباسىلار مەملەكەت تاراپىنان ارنايى جاردەماقى الادى. سونىمەن قاتار ولاردىڭ تۇرعىن ءۇي الۋ كەزەگىنە تۇرۋدا دا ءبىرشاما جەڭىلدىكتەر قاراستىرىلعان. سەبەبى، ەلىمىزدە ەرەكشە كۇتىمدى تالاپ ەتەتىن بالالار الەۋمەتتىك قورعاۋعا مۇقتاج ەكەنى راس.

ەندى سول بالالار مەن اتا-انالارعا كورسەتىلەتىن كومەكتەرگە از-كەم توقتالىپ وتسەك. بىرىنشىدەن، مۇمكىندىگى شەكتەۋلى جانە ەرەكشە كۇتىمدى تالاپ ەتەتىن بالاسى بار انالارعا مەملەكەت تاراپىنان ءار بالا ءۇشىن 31 183 تەڭگە جاردەماقى تولەنەدى. سونىمەن قاتار، دۇنيەگە كەلگەننەن باستاپ 1-توپتاعى مۇگەدەكتىگى بار بالالاردىڭ كۇتىمى ءۇشىن دە وسى كولەمدە جاردەماقى تاعايىندالعان. سونداي-اق، ءار ايدا سول وتباسىنداعى ءار ادام باسىنا 15 498 تەڭگە قاراستىرىلعان. بۇل الەۋمەتتىك قولداۋ ماقساتىنداعى شارالار.

ودان بولەك، ءتۇرلى قيىن جاعدايعا تاپ بولعان، سول ءۇشىن ءتيىستى ءدارى-دارمەك پەن اقىلى مەديتسينالىق قىزمەت الۋ ءۇشىن ءار جىلدا ءبىر رەتتەن 32 825 تەڭگە كولەمىندە اقشا تولەنەدى. بقل دەگەنىڭىڭ – 13 ايلىق ەسەپتىك كورسەتكىشكە تەڭ. سونىمەن قاتار، مۇمكىندىگى شەكتەۋلى بالالاردى ۇيدەن وقىتۋ ماقساتىندا مەملەكەت تاراپىنان 16 413 تەڭگە كولەمىندە اقشا قاراستىرىلعان. ياعني، 6,5 ايلىق ەسەپتىك كورسەتكىش.

بۇل جاردەماقىلاردان بولەك، مۇگەدەك بالا باعىپ وتىرعان وتباسىلاردىڭ ءاربىر مۇشەسىنە مۇگەدەك بالا باعىپ وتىرعان وتباسى ستاتۋسى بويىنشا تۇرعىن ءۇي كەزەگىنە تۇرۋعا مۇمكىندىگى بار. سونىمەن قاتار، ءۇي كۇتىمىندەگى ستاتسيونار مەن جارتىلاي ستاتسيونار جاعدايىندا ارنايى الەۋمەتتىك قىزمەت كورسەتۋدى پايدالانۋلارىنا بولادى. ودان بولەك بۇل ساناتتاعى وتباسى مۇشەلەرىن الەۋمەتتىك قولداۋ ماقساتىندا قالالىق قوعامدىق كولىكتەردە تەگىن ءجۇرۋ دە قاراستىرىلعان.

ەندى مەملەكەت تاراپىنان مۇگەدەك جاندارعا بەرىلەتىن جاردەماقى كولەمىنە توقتالىپ وتسەك. 1-توپتاعى مۇگەدەك جاندارعا  - 57 021 تەڭگە تولەنەدى. 2- توپتاعىلارعا – 45 438 تەڭگە، 3-توپتاعى مۇگەدەك جاندارعا – 30 886 تەڭگە  كولەمىندە جاردەماقى قارارستىرىلعان.

ال، ەرەكشە كۇتىمدى قاجەت ەتەتىن بالاسى بار اتا-انالارعا بەرىلەتىن جاردەماقى كولەمىنە توقتالساق.

16 جاسقا دەيىنگى مۇگەدەك بالاسى بار اتا-انالارعا 41 578 تەڭگە تولەنەدى. ال، ءبىرىنشى توپتاعى مۇگەدەك بالاسى بار اتا-انالارعا  - 57 021 تەڭگە، ەكىنشى توپتاعىلارعا  - 47 220 تەڭگە، ءۇشىنشى توپتاعى مۇگەدەك بالاسى بار اتا-انالارعا – 35 638 تەڭگە كولەمىندە جاردەماقى قاراستىرىلعان.

ودان بولەك، ءبىرىنشى توپتاعى مۇگەدەك جاندارعا – 3 763 تەڭگە، ەكىنشى توپتاعىلارعا – 3 763 تگ، ءۇشىنشى توپتاعىلارعا – 1 616 تەڭگە كولەمىندە مەملەكەت تاراپىنان بەرىلەتىن ارنايى جاردەماقى قاراستىرىلعان.

ايتا كەتەيىك، مەملەكەت تاراپىنان ەل ازاماتتارىنىڭ تابىسىن ارتتىرۋ سونىمەن قاتار، تۇرمىس ساپاسىن جاقسارتۋ ءۇشىن بىرقاتارا شارالار قابىلدانعان. سونىمەن قاتار، كوپبالالى وتباسىلاردى الەۋمەتتىك جاعىنان قولداۋ شارالارانى كۇشەيتۋ ماسەلەلەرى دە نازاردان تىس قالمايدى. ول ءۇشىن جىل باسىندا ۇكىمەت جانىنان ارنايى كوميسسيا دا قۇرىلعان بولاتىن.

قورىتا ايتقاندا، مۇمكىندىگى شەكتەۋلى جاندار دا،  ەرەكشە كۇتىمدى قاجەت ەتەتىن  بالاسى بار وتباسىلار دا مەملەكەت تاراپىنان جان-جاقتى قولداۋعا يە. ونى ءار جىل سايىن ەلباسى ءوز جولداۋىندا دا نازاردان تىس قالدىرعان ەمەس. الداعى ۋاقىتتا دا، پرەزيدەنتتىڭ الەۋمەتتىك الەۋەتىن ارتتىرۋعا باعىتتالعان شارالارى نەگىزىندە دە ءبىراز ىرگەلى جۇمىستار اتقارىلماق. سەبەبى، مەملەكەت ءوز ازاماتتارىن قاشان دا جان-جاقتى قولداۋعا دايىن.

Abai.kz