ۇلتتىق كەڭەستىڭ ءبىرىنشى وتىرىسىنا دايىندىق ماسەلەلەرى بويىنشا ۇيىمداستىرۋ كەزدەسۋى ءوتتى. ۇلتتىق كەڭەستىڭ باعىتتارى ايقىندالىپ، ناقتى جۇمىس توپتارى قۇرىلدى. ەندى 6 قىركۇيەك كۇنى پرەزيدەنت قاسىم-جومارت توقاەۆتىڭ توراعالىعىمەن ۇلتتىق كەڭەستىڭ العاشقى وتىرىسى وتەدى. وسىعان بايلانىستى ۇلتتىق كەڭەستىڭ جۇمىسىنا قاتىستى ويىممەن بولىسسەم:

1). مەملەكەت ارى قاراي تۇراقتى دامۋى ءۇشىن ساياسي پليۋراليزم ماسەلەسىن قولعا الۋ قاجەت. سونىمەن قاتار قوعامنىڭ ساياسي مادەنيەتتى دامىتۋدى دا ويلاۋ كەرەك. ويتكەنى، ساياسي مادەنيەتتى دامىتپاي الەۋمەتتىك جاڭارۋ كۇن تارتىبىنە كوشۋ مۇمكىن ەمەس. وسى ورايدا، ۇلتتىق كەڭەستىڭ ميسسياسى جاڭا ساياسي مادەنيەتتى قالىپتاستىرا ءبىلۋ;

2). باستىسى ىشكى رەگلامەنتتەر جۇمىس توپتارىندا تالقىلانىپ، بەكىتىلدى. ەندى ءار جۇمىس توبى ءوز بەتىنشە، سودان كەيىن ول توپتار بىرلەسىپ ناتيجەلى جۇمىس كورسەتۋى ماڭىزدى. وسى جاعدايدا جۇمىس توپتارىنىڭ ىشىندە دە، جۇمىس توپتارى ءبىر-بىرىمەن دە ساياسي ۇپاي جيناۋ ءۇشىن باسەكەلەسىپ، بىتپەيتىن ايتىس-تارتىسقا ءتۇسىپ كەتپەۋى ءتيىس. توپتاردىن جۇمىسىنا جەكە امبيتسيالار مەن ءتىل تابىسا بىلمەۋدەن تۋىندايتىن قارىم-قاتىناستاردىڭ سالقىنىڭ تيگىزبەي ءوتۋ كەرەك;

3). ۇلتتىق كەڭەس وتىرىستارىنىڭ مادەنيەتى قالىپتاسقانعا دەيىن (بۇعان شامامەن 3-4 وتىرىس كەرەك) پرەزيدەنتتىڭ رەسمي سايتىندا ۇلتتىق كەڭەستىڭ العاشقى وتىرىستارىنىڭ ناتيجەلەرى جاريالاناتىن بيۋللەتەندەردى ءىلىپ وتىرۋ كەرەك دەپ سانايمىن.

ءانۋار شوتباەۆ

Abai.kz