سىر وڭىرىنە سوڭعى جىلدارى كەلۋشىلەر سانى 62,2% جانە ىشكى ءتۋريزمنىڭ كەلۋشىلەر سانى 69,1% كوبەيگەن،- دەپ حابارلايدى اباي-اقپارات.

قازاقستان رەسپۋبليكاسىنىڭ تۋريستەندىرۋ كارتاسىنا قىزىلوردا وبلىسىنان 3 نىسان ەنگىزىلدى. اتاپ ايتقاندا، «قامىستىباس» دەمالىس ايماعى، «جاڭاقورعان» شيپاجايى، «بايقوڭىر» ويىن-ساۋىق تۋريستىك ايماعى. ەرەكشە توقتالاتىن جايت، «بايقوڭىر» ويىن-ساۋىق تۋريستىك ايماعىن قۇرۋ جوباسى ەلىمىزدىڭ تۋريستەندىرۋ كارتاسىنىڭ العاشقى توپ-10 نىساندار تىزىمىنە الىندى. بۇگىنگى تاڭجا اتالعان جوبا وبلىستىق بيۋدجەتتەن ءتيىستى قاراجات ءبولىنىپ، قازىرگى تاڭدا جۇمىستار جۇرگىزىلۋدە. جوبا بويىنشا ويىن-ساۋىق تۋريستىك ايماعىندا ساۋدا ورتالىعى، الەمدىك ستاندارتتارعا سايكەس قوناق ءۇي، مەيرامحانا، جاڭا تەلەكوممۋنيكاتسيالىق بايلانىسپەن جابدىقتالعان كينو جانە ويىن-ساۋىق زالدارى، بوۋلينگ، بيليارد، ءارتۇرلى تەحنيكالىق ارنايى ەففەكتىلەرى بار عارىشتىق اتتراكتسيوندار، «hi-tech» تەحنولوگيالارىمەن، زىمىرانداردىڭ ىسكە قوسىلۋىن باقىلاۋعا ارنالعان زاماناۋي قوندىرعىلار، SPA-ورتالىقتار، اكۆاپارك، ۇلتتىق كادەسىي ونىمدەرىنىڭ دۇكەندەرى، ەتنواۋىل، عارىش مۇراجايى سالىنباق.

قازىرگى كۇنى «قامباش» كولىنىڭ جاعالاۋىندا تۋريستتىك ينفراقۇرىلىمدى دامىتۋ بويىنشا جالپى ينۆەستيتسيا كولەمى 105 ملن.تەڭگە بولاتىن 90-نان استام نىسان ىسكە قوسىلدى. سونداي-اق تۋريستەر كاتەرلەردى، جەل قايىقتارىن، كاتامارانداردى جانە گيدروتسيكلدەردى پايدالانا الادى. ايتا كەتەتىن جايت، تۋريستىك نىسان بايقوڭىر قالاسىنىڭ تۇرعىندارى اراسىندا ەرەكشە سۇرانىسقا يە جانە دەمالىس تۋرلارى اياسىندا دامىپ كەلەدى. 2018 جىلى قامباش كولىنە 89 000-عا جۋىق ادام كەلگەن ەدى.

ال جاڭاقورعان شيپاجايىنا جىل سايىن ەلىمىزدىڭ تۇكپىر-تۇكپىرىنەن الىس-جاقىن شەت ەلدەرىنەن كەلۋشى تۋريستەردىڭ سانى ارتقان. مۇندا 88 ورىنعا ەسەپتەلگەنجاڭا زاماناۋي شيپاجايدىڭ قۇرىلىسى باستالىپ، جىل سوڭىنا دەيىن ىسكە قوسىلۋ جوسپارلانۋدا.

وبلىستا «باتىس ەۋروپا – باتىس قىتاي» اۆتوكولىك جولى بويىنداعى جول بويى قىزمەت كورسەتۋ نىساندارىن سالۋ ءۇشىن قىزىلوردا وبلىسىنىڭ بولىگىندە 44 نۇكتە بەلگىلەنگەن.

Abai.kz