ءماجىلىس توراعاسى نۇرلان نىعماتۋلين ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ۇلت ازشىلىقتارى ىستەرى جونىندەگى جوعارعى كوميسسارى لامبەرتو زانەرمەن كەزدەستى.

تاراپتار ەكىجاقتى قارىم-قاتىناستى نىعايتۋدىڭ وزەكتى ماسەلەلەرىن تالقىلادى.

ن. نىعماتۋلين مەن ل. زانەر اسىرەسە، ۇلتارالىق كەلىسىمنىڭ بىرەگەي قازاقستاندىق مودەلى جانە ءبىزدىڭ ەلىمىزدىڭ تاجىريبەسىن الەمدىك دەڭگەيدە پايدالانۋدىڭ مۇمكىندىكتەرى تۋرالى سالماقتى ويلارىن ورتاعا سالدى.

ءماجىلىس توراعاسىنىڭ پىكىرىنشە، بۇگىندە قازاقستاندىق قوعامنىڭ ۇلتارالىق كەلىسىمى مەن بىرلىگى ەلىمىزدىڭ تۇراقتىلىعى مەن دامۋىنىڭ نەگىزى بولىپ سانالادى.

تاۋەلسىزدىكتىڭ العاشقى جىلدارىندا قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ باستاماسىمەن قۇرىلعان قازاقستان حالقى اسسامبلەياسى بۇگىندە تەڭدەسى جوق بىرەگەي ينستيتۋتقا اينالدى. قازىرگى ۋاقىتتا قازاقستاندا 100 دەن استام ەتنوستار مەن 18 ءدىني كونفەسسيا وكىلدەرىنىڭ تاتۋ-ءتاتتى تۇرىپ جاتىر.

پالاتا سپيكەرى قازاقستان ەقىۇ جانە ونىڭ ينستيتۋتتارىمەن ىنتىماقتاستىقتى نىعايتۋعا زور كوڭىل بولەتىنىن ايتتى.

سونىڭ ىشىندە، ەتنومادەني بىرلەستىكتەردىڭ اقپاراتتىق-كوممۋنيكاتسيالىق باعىتىن دامىتۋدىڭ ماڭىزدىلىعى زور.

ءوز كەزەگىندە ل. زانەر قازاقستاننىڭ ەتنوسارالىق مودەلى باسقالارعا ۇلگى بولا الاتىندىعىن، الداعى ۋاقىتتا قازاقستاننىڭ تۇراقتىلىق پەن بىرلىك جولىنداعى تابىستارى مەن باي تاجىريبەسىن ەسەپكە الا وتىرىپ، بىرلەسە ءىس-قيمىل جاساۋ قاجەتتىگىنە توقتالدى جانە «دوستىق ۇيىندە» بولىپ، ءارتۇرلى ۇلت وكىلدەرىمەن كەزدەسكەنىن ولارعا جاسالعان جاعداي مەن مۇمكىندىكتەر، مادەنيەت پەن تاريحي ۇندەستىك قىزىعۋشىلىق تۋدىراتىنىن جەتكىزدى.

تاراپتار ءوزارا سىندارلى ءىس-قيمىل ەقىۇ كەڭىستىگىندە قاۋىپسىزدىك ماسەلەلەرىنە سەرپىن بەرەتىنىنە سەنىمدى.

Abai.kz