گەرولد بەلگەردىڭ كۇندەلىگىنەن:

احمەتوۆتى قابىلداعان نازارباەۆ ونىڭ ميىن تۇزەگەن بولدى. تاۋەلسىز ەلدىڭ پرەزيدەنتى مەن پرەمەر-ءمينيسترى — ەكەۋى دە قازاق — كوپ الدىندا ورىسشا سويلەسەدى. ءبىرتۇرلى وعاش، انايى كورىنىس، ۇيات. مۇنداي تومەنشىكتەۋ جەر جۇزىندەگى باسقا بىردە-ءبىر ەلدە جوق ەكەنىن نەگە ويلامايدى ەكەن، شىركىندەر؟

وسىنداي بولا ما؟ الدە، بۇلارى ۇلتارالىق تاتۋلىق ساقتاۋدىڭ نىشانى ما؟ قازاق ەلىندەگى قاي ۇلت پەن ۇلىس وكىلدەرى ولارعا نەگە ءوز تىلدەرىندە سويلەسەسىڭدەر دەي قويار ەكەن؟ نامىس كانە؟ الەمدەگى قاي مەملەكەتتى الساڭ دا كوپۇلتتى، ءتىپتى، باز ءبىرى قازاقستاندى جولدا قالدىرادى ەمەس پە؟

ماسەلەن، گەرمانيادا قازىر كەمى 6 ملن تۇرىكتەر بار. قىتاي، كارىس، جاپون، قازاقتار دا بىقىپ ءجۇر. انە، نەمىسشە بىلمەسە، الگىلەردىڭ بىردە-ءبىرى وندا جەر باسىپ جۇرە المايدى. قايدا دا ەل مەن جەر يەلەرىنىڭ ۇستەم بولۋى تابيعي قۇبىلىس. جانە زاڭدى.

قازاقتارعا نە بولعان؟ جالتاق پا، سورلى ما؟ قازاقتاردىڭ وندايعا جۇرەكتەرى داۋالامايتىنى قىزىق. بۇكىل حالىق باسشىلارعا قارايدى. ءوز-ءوزىڭدى تۇقىرتا بەرمە. قارسىلىق جوق، وزگەلەرمەن ساناس، سىيلا، بىراق، ءجونى بولادى. سەن ءوزىڭدى سىيلاماساڭ، سەنى دە ەشكىم سىيلامايدى.

ويان، قازاق! بۇل سوزدەردى ايتىپ وتىرعان مەن، بەلگەر، نەمىس دەسەڭ نەمىس، قازاق دەسەڭ قازاق!

08.10.13 ج.

اسەت اقمولدانىڭ facebook پاراقشاسىنان

Abai.kz