ويىندى كىم ويناتىپ وتىر؟
ەرمۇرات باپي وسدپ باسشىلىعىنان كەتتى. مەنىڭ ويىمشا بۇل ويىننىڭ ىشىندە تاعى ويىن بولۋى دا ابدەن مۇمكىن. كوپ شۋلاۋدىڭ قاجەتى جوق دەپ ويلايمىن. باقىلاپ وتىرعان ادامعا كەلەسى جۇرىستەرىنەن ۋاقىت وتە كەلە كورىنەدى ءوزى.
1. پاريجگە بارعاندا بىرەۋلەرمەن كەلىسسوز جۇرگىزدىڭ دەپ باسشىنى شىعارىپ، ورنىنا سول پاريجگە بارعان ەكىنشى ادامدى باسشىلىققا قويعانى قىزىق كورىنەدى.
2. حالىق اراسىندا تانىمال ەمەس جاس جىگىت پارتيا باسشىلىعىنا كەلدى. كۇماندى. نەگە ءالسىز كانديدات تاڭدالدى؟ الدە ترانزيتتىك كانديدات پا؟..
3. مەنىڭ ويىمشا بۇل ەلدىڭ ەموتسياسىندا ويناپ حالىقتى وزىنە تارتۋ ءۇشىن ءبىر ادامدى جەرتۆا جاساعان ساياسي ويىن بولۋى دا مۇمكىن. ادىلەتسىز كەتىردى دەگىزىپ باپيدان قاhارمان جاساۋ جولى بولسا دا تاڭ قالمايمىن. ەگەر سولاي بولسا وسى جەردەن "ويىندى كىم ويناتىپ وتىر؟" دەگەن ەكىنشى سۇراق تۋىندايدى. بيلىك جاساپ وتىرسا دەمەك ساياسي ارەنادا جاڭا پارتيا قۇرىلۋى ەكىتالاي. ول دەگەن ءسوز ۋلاتىپ-شۋلاتىپ، رەبرەندينگ جاساپ، سايلاۋعا باستى وپپوزيتسيا رەتىندە وسدپ-نى جاڭا فورماتتا شىعارۋ ءۇشىن جاسالىپ جاتقان ارەكەت تە بولۋى مۇمكىن. سايلاۋ ءوتۋى ءۇشىن بيلىككە دە وپپوزيتسيا كەرەك قوي ەندى... ءسال كۇتەيىك. قىزىق بولعالى تۇر. ينتۋيتسيام وسى جەردە بىردەڭە تازا ەمەس دەگەندى مەڭزەيدى
باۋىرجان سەرىكبايدىڭ facebook پاراقشاسىنان
Abai.kz
