"سيريادا سوعىس شىنىمەن اياقتالدى. ەل قالىپتى تۇرمىس سالتىنا كوشە باستادى، بەيبىتشىلىك ورنادى. سيريا ۇكىمەتىنىڭ باقىلاۋىنان تىس ايماقتاردا، يدليب جانە ەۆفرات وزەنىنىڭ شىعىس جاعالاۋىندا عانا قاۋىپ بار", – دەدى ول "ترۋد" گازەتىنە بەرگەن سۇحباتىندا.

لاۆروۆتىڭ ايتۋىنشا، ەندىگى باستى ماقسات - حالىققا گۋمانيتارلىق كومەك كورسەتۋ جانە ەلدەگى ساياسي داعدارىستى رەتتەۋ.

قىركۇيەكتىڭ باسىندا رەسەيدىڭ سيرياداعى ءۇش ساربازى قازا تاپقانى اقپارات قۇرالدارىندا حابارلانعان. ولار جارىلعىش باسىپ كەتكەن دەلىنەدى. بىراق رەسەيدىڭ قورعانىس مينيسترلىگى بۇل اقپاراتتى جوققا شىعاردى.

2018 جىلى مامىردا سيريانىڭ دەير-ەز-زور پروۆينتسياسىندا ءبىر توپ رەسەيلىك مەرت بولدى. رەسەيدىڭ قورعانىس مينيسترلىگى قازا تاپقان ءتورت جاۋىنگەردى كۋتۋزوۆ جانە ەرلىك وردەندەرىمەن ماراپاتتاعان. بىراق مارقۇمداردىڭ تۋىستارى تاعايىندالعان سىياقىنى ءالى الا الماي ءجۇر.

Abai.kz