قۇرمەتتى، ءاليحان سمايلوۆ مىرزا!

پەنسيا جاسىن ۇلعايتۋ دەگەن ۇسىنىسىڭىز، باسقا ەلدەر مەن سالىستىرۋىڭىز ءدال وسى جىلدار تۋرا كەلمەيدى.

شەت ەلدەرمەن سالىستىراسىزدار. شەت ەل ايەلدەرى سەكىلدى، ءبىر ءتۇيىر بالا تاۋىپ، قاقشاڭداپ جۇرگەن قازاق ايەلدەرىن، بۇگىنگى جاستار ەمەس، وسى 50 مەن 60 اراسىنداعى ايەلدى كوردىڭىزدەر مە؟ جوق ەڭ از دەگەندە بۇگىنگى پەنسيا جاسىنداعى ايەلدەر كەمى 4, 5 بالادان تاپقاندار.

شەت ەل مەن جاستى عانا سالىستىرماي، الاتىن پەنسيا اقشاسىن دا سالىستىرۋدى ۇمىتىپ كەتكەن سياقتىسىزدار. بىزدە شەكەسى شىلقىپ پەنسيا الىپ جۇرگەندەر، ساۋساقپەن سانارلىق قانا. ءبىزدىڭ تالاپ مىناۋ.
پەنسيا كوپ بالالى انالار 50 جاس. انالار 55 جاس. ەر ازاماتتار 60 جاس بولسا، سول بۇگىنگى ومىرگە ساي جانە لايىق.

ءبىزدى شەت ەلمەن سالىستىرماڭىز، وعان ءبىز دە، ءبىزدىڭ بۇگىنگى قوعام دا، كوزقاراس تا، تۇسىنىك تە باسقا. ءبىز ول دارەجەگە جەتكەن جوقپىز ءالى. 50 جاستاعى ايەل ءبىر جەرگە جۇمىس سۇراپ بارسا، جاسىڭ ۇلكەن دەپ، جۇمىسقا قابىلدامايدى. جۇمىسسىز ساندالىپ، نە ىستەرىن بىلمەي، بالالاردىڭ، كۇيەۋىنىڭ قولىنا قاراپ ءمۇساپىر حالگە ءتۇسىپ، ءۇنسىز، لاجسىز، داۋسى ەش جەرگە جەتپەي جۇرگەن ايەلدەر مىڭ-مىڭداپ ، ( سۇرەك-سۇرەك تەپ) ءجۇرمىز. ال جۇمىستاعى ايەلدەر، جاسى 58, 59 جاستا، تالتەڭ، تالتەڭ ەتىپ، جۇمىسقا جاراماي، لاجسىز جۇمىستا جۇرگەندەرى دە مىڭ-مىڭداپ سانالادى. انالارعا دەگەن ، وكىمەتتىڭ ارنايى دايىنداعان قورلىعى دەپ، قابىلداپ وتىرمىز ءبىز. ءبىز بيلىكتەگى جىلى جەر، جۇمساق كرەسلودا وتىرعان انالار ەمەسپىز. ءبىز كادىمگى قارا جۇمىس جاساپ جۇرگەن انالارمىز دەپ ، جان ايقاي مەن جۇرگەن انالار دا مىڭ -تىڭداپ. ەندى نە ىستەيمىز؟

الدە وڭكەي كەمپىر، شالدار سىزدەن رۇقسات بولسا بەيبىت شەرۋگە شىعايىق پا؟ ءبىز دە ادام بىز عوي.

شاشىمىز اپپاق، اياقتارىمىز قالتاڭ، قالتاڭ ەتىپ جاستاردىڭ ، نەمەرەمىزدەي بالالارمەن تالاسىپ، تىرمىسىپ، جەك كورىنشى كورىنىپ جۇرە بەرەلىك پە؟
بيلىك وكىلدەرى، مينيسترلەر، دەپۋتاتتار ءبارىڭدى دە اسىل انا دەگەن انا، ايەل دۇنيەگە اكەلدى عوي.

ەندى ءبىز اسىل انا ەمەس، بەيشارا، ءمۇساپىر انا دەگەن اتقا يە بولىپ قالدىق. شىنىمەن دە جاستار باسقاشا كوزبەن قارايتىنى حاق. بۇگىنگى قازاقستاننىڭ زاڭىن بىلمەيتىن جاستار، اپاي ۇيىڭىزدە، نەمەرەڭىزدى قاراپ جاتپايسىز با دەپ جيىركەنىشپەن قارايدى. ولار ويلايدى اقشا ءۇشىن ءجۇر دەپ. ءبىزدى بۇلاي قورلاماساڭىزدار ەكەن، ءوتىنىش.

پەنسيا جاسىن ۇلعايتۋ، كۇنىمىزدەن بۇرىن كورگە قاراي، مادەنيەتتى ، ىڭ-شىڭسىز عانا سۇيرەۋ سەكىلدى كورىنەدى.

ايدانا بالتاباەۆانىڭ facebook پاراقشاسىنان

Abai.kz