بۇگىن كۇن تəرتىبىندە تۇرعان مəسەلە وتە وزەكتى. مەن əرىپتەسىم مۇرات
باقتيارۇلىنىڭ ايتقان سوزدەرىنە تولىق كەلىسەمىن. ەلىمىزدەگى كەز كەلگەن زاڭنىڭ ساپاسى ءبىرىنشى كەزەكتە دۇرىس بولۋى كەرەك.

قازاقستان پرەزيدەنتى «ەستيتىن مەملەكەت» قۇرامىز دەگەندى ايتتى. مەنىڭ
ويىمشا، بىزگە «كورەتىن مەملەكەت» دەگەن دە كەرەك بولادى. قابىلدانعان زاڭ جۇمىس ىستەۋ كەرەك. ول ءۇشىن زاڭنىڭ ءتىلى جۇمىس ىستەۋ كەرەك. اۋدارما ارقىلى قابىلدانعان زاڭنىڭ جۇزەگە اسۋى، ومىردە قولدانىلۋى وتە قيىن.

ءبىزدىڭ قازاقتا «كورمەيىن دەسەم – كوزىم بار» دەگەن ءسوز بار. مəسەلەن، بۇگىنگى
دايىندالعان اقپاراتتىق-انىقتامالىق ماتەريالداردىڭ 48-ءشى بەتتەگى ورىسشاسىندا: «ودناكو ۆ ناستوياششەە ۆرەميا ودنوي يز گلاۆنىح بەد كازاحستانسكوي زاكونوۆورچەسكوي دەياتەلنوستي نازىۆاەتسيا پرەسلوۆۋتوە «مەلكوتەمە». ەندى وسىنىڭ قازاقشاسىندا اۋدارىلعانى قالاي؟ «قازىرگى ۋاقىتتا قازاقستاندىق زاڭ شىعارۋ قىزمەتىنىڭ باستى بەدىنىڭ ءبىرى «ۇساق-تۇيەك» دەپ اتالادى» دەيدى، «گلاۆنىح بەد» دەگەندى «باستى بەدى» دەپ اۋدارادى. ەندى وسىنداي ۇساق-تۇيەك دەپ وتىرعان نəرسەمىزدىڭ بارلىعى ءبىزدىڭ مەملەكەتتىك ءتىلىمىزدىڭ مəرتەبەسىن تومەندەتەتىن نəرسە دەپ قابىلدايمىن. سوندىقتان
كەز كەلگەن زاڭدى قابىلداۋ كەزىندە مەملەكەتتىك ءتىلدى قۇرمەتتەۋدى وتىنەر ەدىم.

نۇرتورە ءجۇسىپ، سەنات دەپۋتاتى،

(قر پارلامەنتى سەناتىندا «زاڭ شىعارۋ پروتسەسىن ودان ءارى جەتىلدىرۋ» تاقىرىبىندا وتكەن پارلامەنتتىك تىڭداۋداعى سويلەگەن ءسوزى).

Abai.kz