ال، ءسال وزگەشە ويلايتىننىڭ ءبارىن ارانداتۋشى، تۇراقتىلىقتى بۇزۋشى دەپ توماعا-تۇيىق باعىتتا حالىقتى تۇنشىقتىرىپ ۇستاۋ دۇرىس جول ەمەس. مۇنداي جۇيەدە بيلىك پارتياسىنىڭ ءوزى باسەكەنىڭ جوقتىعىنان ەلدى ءتيىمدى باسقارا المايدى. نە وزىنەن كەيىن كەلەتىن ساۋاتتى التەرناتيۆا پارتيانىڭ قۇرىلۋىنا دا جول بەرمەيدى. حالىق ابدەن جالىعىپ ەلدەن قۋىپ شىققاندا التەرناتيۆانىڭ بولماۋى سەبەپتى كىم كورىنگەن بيلىككە كەلەدى. سوندىقتان اشىق باسەكەلى جۇيە قاجەت. وزگەشە ويلايتىننىڭ ءبارى جاۋ ەمەس. مىقتىلار شىقسىن. شىنايى باسەكەدە كۇشتىسى جەڭسىن. بۇكىل الەم وسى باعىتتا دامۋدا. قورقاتىن ەشتەڭە جوق. ءبىز دە سول جولعا ءتۇسۋىمىز قاجەت.

بۇگىنگى ويىننىڭ ءبارى ايتەۋىر بيلىكتە ۇزاق قالۋدىڭ، بىلىكتى ساياساتكەرلەردى تۇنشىقتىرىپ ۇستاۋدىڭ امالى. باسقا ەشتەڭە ەمەس... ءبىزدى ەشقاشان باسەكەگە شىقپايتىن، ءتىپتى ساياسي دەباتقا تۇسپەيتىن پرەزيدەنت، ساياسي ەليتا، ساياساتكەرلەر باسقارىپ كەلدى. باسقارىپ جاتىر. ديۆان باتىرلار سولار نەگىزى. ساياسي الاڭدا، باسەكەلى ورتادا ەمەس، ديۆاندا، جىلى جەردە، كومفورتنىي زونادا وتىرىپ اكىمشىلىك كۇشپەن ەل باسقارۋعا ماشىقتانعان.

باۋىرجان سەرىكبايدىڭ facebook پاراقشاسىنان

Abai.kz