“وسكار” تاپسىرۋ ءراسىمى 2020 جىلى اقپاننىڭ سوڭىندا نەمەسە ناۋرىزدىڭ باسىندا لوس-اندجەلەستە (اقش) وتەدى.

“قازاق حاندىعى. التىن تاق” – “قازاق حاندىعى” سەريالىنىڭ كينونۇسقاسى. سەريال مەن فيلم ءىلياس ەسەنبەرليننىڭ “كوشپەندىلەر” رومانىنىڭ ءبىرىنشى كىتابى – “الماس قىلىشتىڭ” جەلىسى بويىنشا تۇسىرىلگەن. فيلمدە 15-عاسىرداعى قازاق حاندىعىنىڭ قۇرىلۋى جايلى باياندالادى.

قازاقستان تاۋەلسىزدىك العان سوڭ العاش رەت 1991 جىلى “وسكارعا” “وتىراردىڭ” كۇيرەۋى ءفيلمىن ۇسىندى. ودان كەيىن اراعا 15 جىل سالىپ، 2007 جىلى بۇل ەل “وسكار” سىيلىعىنا رەسەيلىك رەجيسسەر سەرگەي بودروۆ تۇسىرگەن “موڭعول” ءفيلمىن قوستى. “موڭعول” “وسكاردىڭ” بەس فيلمنەن تۇراتىن شورت-ليستىنە ەندى. بۇل ءفيلمدى تۇسىرگەندەر مەن اكتەرلەردىڭ باسىم بولىگى باسقا ەلدەن بولدى.

2009 جىلى قازاقستان اتىنان “وسكارعا” رەجيسسەر ەرمەك تۇرسىنوۆتىڭ “كەلىن” ءفيلمى قاتىسىپ، ماراپاتتاۋ الدىنداعى قىسقا تىزىمگە ەندى. بىراق سوڭعى شورت-ليستكە ەنبەي قالدى.

Abai.kz