قازاقستان پرەزيدەنتى قاسىم-جومارت توقاەۆ Instagram جەلىسىندەگى پاراقشاسىندا 3 قازاندا سوچيدە "ۆالداي" فورۋمىنا قاتىسقانى جايلى باياندادى، - دەپ حابارلايدى اباي-اقپارات.

"جۋىردا سوچيدە وتكەن ۆالداي فورۋمىندا الەمدىك ساياساتتاعى شىعىس پەن ەۋرازيانىڭ ءرولى تۋرالى قىزۋ پىكىرتالاس ءوربىدى. سوندا قازاقستاننىڭ دا، رەسەيدىڭ دە ازيا مەن ەۋروپانىڭ ورتاسىندا جاتقان ەۋرازيالىق مەملەكەتتەر ەكەنىن مارتەبەلى ساراپشىلاردىڭ ەستەرىنە سالۋىما تۋرا كەلدى. ءبىز گەوگرافيالىق جاعىنان دا، تاريحي تۇرعىدان دا، مەنتالدىق ەرەكشەلىگىمىزبەن دە بايلانعانبىز. وسىنىڭ ءبارى ساياساتقا، ءومىر سالتىمىزعا، حالىقتارىمىز بەن مەملەكەتتەرىمىزدىڭ تاعدىرىنا ىقپال ەتەدى", - دەپ جازدى ول.

سونداي-اق مەملەكەت باسشىسى يوسيف ءستاليننىڭ ءومىربايانىنان مىسال كەلتىردى. "1940 جىلى جاپونيانىڭ سىرتقى ىستەر ءمينيسترىن قابىلدايدى. سوندا ستالين جاپونيانىڭ سوۆەت وداعىنا شابۋىل جاساۋى ىقتيمال ەكەنىن بىلە تۇرا، ء"بىز، ازياتتار، بىرگە بولۋىمىز كەرەك" دەگەن ەكەن. ارينە، مەن ءستاليننىڭ جاقتاۋشىسى ەمەسپىن، دەگەنمەن، ونىڭ پىكىرىمەن كەلىسەمىن: ءبىز، ەۋرازيالىقتار، بىرگە بولۋىمىز كەرەك", - دەدى پرەزيدەنت.

Abai.kz