ەكى ميلليون قازاقستاندىق كەدەيلىك شەگىندە ءومىر ءسۇرىپ جاتىر. بۇل اتاۋلى الەۋمەتتىك كومەك الۋعا قۇجات تاپسىرعاندار سانىنا بايلانىستى شىققان رەسمي اقپارات، - دەپ حابارلايدى "حابار 24".

ااك از قامتىلعان ازاماتتارعا جانە تابىس مولشەرى تومەن وتباسىلارعا بەرىلەدى. بۇگىندە ەكى ميلليون ادامعا نەمەسە 405 مىڭ وتباسىعا ااك تولەنىپ جاتىر. وسى ماقساتتا مەملەكەت بيۋدجەتىنەن 204,5 ميلليارد تەڭگە بولىنگەن. ونىڭ 70 پايىزى تولەنىپ قويدى.

وڭىرلەرگە ءبولىپ قاراستىراتىن بولساق، ااك-ءتى ەلىمىزدىڭ وڭتۇستىك ايماقتارى كوبىرەك الادى ەكەن - 65 پايىزدان اسادى، بۇل تۇركىستان، جامبىل جانە الماتى وبلىستارى مەن شىمكەنت قالاسى. الماتى قالاسى مەن پاۆلودار جانە سولتۇستىك قازاقستان وبلىستارىندا ااك الۋشىلار سانى ايتارلىقتاي از.

Abai.kz