پارلامەنت سايلاۋىن قازىرگى زاڭمەن وتكىزەتىنى تۇسىنىكتى بولدى
ۇلتتىق كەڭەستىڭ وتكەن وتىرىسىندا جەكە تۇلعالاردىڭ بانكروتتىعى، زەينەتاقى رەفورماسىنىڭ تۇجىرىمداماسى، تاعىسىن تاعى بىردەڭەلەر قارالىپتى. الداعى وتىرىسىندا قارجى-بيۋدجەت جۇيەسىن دامىتۋدى تالقىلايدى ەكەن.
ۇلتتىق كەڭەستىڭ نەگىزگى ماسەلەمەن اينالىسپاي، ءىستى وسىلاي سوزباقتاۋىنان بيلىكتىڭ قىر استىنداعى پارلامەنت سايلاۋىن "سايلاۋ تۋرالى", "ساياسي پارتيالار تۋرالى" قازىرگى زاڭمەن وتكىزەتىنى تۇسىنىكتى بولدى. وندا نۇرسۇلتان مەن قاسىم-جومارت شۋحرات بوپ قالا بەرەدى.
سايلاۋ قارساڭىندا قاتتى شيرىققان قوعامدىق كوڭىل كۇيدىڭ اۋانى وسى زاڭداردى وزگەرتۋ ەدى عوي. اپاي-توپاي يناۋگۋراتسيا وتكىزىپ، جاڭا پرەزيدەنت ۇسىنا قويعان بيلىكتىڭ "ۇلتتىق كەڭەس قۇرايىق، ماسەلەنى كوشەدە ەمەس، كەڭسەدە شەشەيىك" دەپ جىك-ءجىپار بولعانى سولتۇعىن. ونى ۇمىتقانىمىز جوق. حالىق زەينەتاقى رەفورماسىنىڭ بىردەڭەسىنىڭ سىردەڭەسىن تالقىلاپ بەرىڭدەر دەگەن جوق. ولار ەكىنشى، ءۇشىنشى كەزەكتەگى ماسەلەلەر.
ەگەر، ۇلتتىق كەڭەس "سايلاۋ تۋرالى، ساياسي پارتيالار تۋرالى زاڭ قاراستىرىلا باستادى، اناۋ ورگانعا ءتۇستى، مىنا جەردەن ءوتتى دەيتىن ءۋاج ايتار بولسا، ونىڭ ءبارى جاي انشەيىن شىعارىپ سالما اڭگىمە. بىرىنشىدەن ونداي قيمىل جوق، ەكىنشىدەن بيلىك ساياسي زاڭداردى قايتا قابىلدايمىز دەسە باياعىدا كىرىسەر ەدى، وعان كوپ بولسا ەكى-ءۇش اپتا جەتەر ەدى. ويتكەنى دايىن زاڭ جوبالارى بار.
دەمەك "ۇلتتىق كەڭەستى حالىقتىڭ سايلاۋ كەزىندەگى تەمپەراتۋراسىن ءتۇسىرۋ، ۋاقىت سوزۋ ءۇشىن عانا قۇرىپ وتىر" دەگەن پىكىرلەر راستالا باستادى دەگەن ءسوز. شىنىندا، قوعامنىڭ اشۋ-ىزاسى تارقادى، تاز قالپىنا ءتۇستى، باسقا نە كەرەك؟
اسىلحان ماماشۇلىنىڭ facebook پاراقشاسىنان
Abai.kz
