پرەزيدەنت قاسىم-جومارت توقاەۆ مىرزا!
قازاق حالقى "تار جول، تايعاق كەشۋدىڭ" سان ءتۇرلى قىسپاعىنان وتسە دە، ءوزىنىڭ رۋحاني-مادەني قۇندىلىعىن كوزىنىڭ قاراشىعىنداي ساقتاپ قالعان ۇلت.
بۇگىندە ۇلت رەتىندەگى بىرەگەي بولمىسىمىز بەن رۋحاني مۇرامىزدى جوققا شىعاراتىن جالاڭ قاعيدالارعا نەگىزدەلگەن تەرىس پيعىلدى ءدىني اعىمدار قاپتادى. سولاردىڭ ءبىرى - ءسالافيزم يدەولوگياسى!

ءسالافيزم ۇلتتىق قۇندىلىقتارىمىزدى مانسۇقتايتىن جات ءدىني يدەولوگيا! وتىز جىلدىڭ ىشىندە ونىڭ زالالىن كوردىك جانە بىرلىگىمىزگە سىزات تۇسىرگەنىن كوزى اشىق، كوكىرەگى وياۋ كۇللى جۇرت ءبىلىپ وتىر.
ەلدە بولعان بىرنەشە لاڭكەستىك اكتىلەر مەن سيريا اتتانعان قازاقتار لەگى بۇل سوزگە دالەل.

ەل ازاماتتارى جات ءدىني اعىمنىڭ يدەياسىنىڭ جەتەگىندە جۇرگەندەردىڭ كۇن ساناپ وسۋىنە الاڭداۋلى. ءبىزدىڭ رۋحانياتىمىزعا سەلكەۋ ءتۇسىرىپ، ءدىني الاۋىزدىقتى ورشىتەتىن تەرىس يدەولوگيالارعا بۇگىن تويتارىس بەرمەسەك، ەرتەڭ كەشىگىپ قالامىز.

قوعامدا داۋ تۋدىرعان وسى ماسەلە بويىنشا پىكىرىڭىزدى ءبىلدىرىپ، ناقتى شەشىم قابىلدايدى دەپ سەنەمىز! قوعام ءسىزدىڭ ساليحالى جاۋابىڭىزدى كۇتىپ وتىر!

دينا ەلگەزەكتىڭ facebook پاراقشاسىنان

Abai.kz