ماڭعىستاۋ  وبلىسىنداعى ەرەۋىلشى مۇنايشىلاردىڭ وتباسىلارىنا قولداۋ كورسەتۋ جونىندە قوعامدىق  كوميتەت قۇرىلعانىن حابارلايمىز.

قىمباتتى وتانداستار! شەتەلدىك جانە وتاندىق جۇمىس بەرۋشىلەردەن ەڭبەكاقى تولەۋ جۇيەسىن قايتا قاراۋدى، كاسىپوداق جۇمىسىنا كيلىكپەۋدى  جانە مۇناي ءوندىرۋشى كاسىپورىنداردى  ۇلتتىق مەنشىككە الۋدى تالاپ ەتكەن مۇنايشىلار ەرەۋىلى ءۇشىنشى ايعا سوزىلدى.

ءبىز سىزدەردى ولاردىڭ اشقۇرساق وتىرعان بالا-شاعاسىنا، وتباسىنا كومەكتەسۋگە شاقىرامىز.

ماڭعىستاۋلىق مۇنايشىلار سونشاما ۋاقىتتان بەرى نەلىكتەن ەرەۋىلدى توقتاتپاي وتىر؟ وسى ساۋالعا جاۋاپ ىزدەسەك، ولاردىڭ  «تويىپ سەكىرمەگەنىن»، شىدامدارىنىڭ شەگىنە جەتكەنىن، بۇدان ءارى قوجايىنداردىڭ دەگەنىنە كونە بەرگىسى كەلمەگەنىن كورەمىز. جازدىڭ ىستىق اپتابىندا تولارساقتان مايلى توزاڭ كەشىپ، قىستىڭ ۇسكىرىك ايازىندا، ايدالادا  جۇمىس ىستەۋ توزاقپەن تەڭ. مۇناي ءوندىرۋ  - ەلىمىزدىڭ ەڭ نەگىزگى تابىس كوزى.  شەتكە شىعارىلعان «قارا التىننىڭ» حالقىمىزعا قايتارىمى از. سونى مولىنان ءوڭدىرىپ جاتقان باتىستاعى باۋىرلاستارىمىزدىڭ وزىنە لايىقتى ءومىر سۇرۋلەرىنە جەتەرلىك ەڭبەكاقى تولەمەگەنىن دۇرىس دەي المايمىز. جۇمىس بەرۋشى مەن جۇمىسكەرلەردىڭ اراسىنداعى ماسەلەلەردى زاڭ شەڭبەرىندە شەشۋگە، ازاماتتاردىڭ قۇقىعىن قورعاۋعا، ولاردىڭ الەۋمەتتىك جاعدايلارىن رەتتەۋگە  سەپتەسەتىن كاسىپوداققا دەربەستىك كەرەك. قوجايىنداردىڭ قولايىنا جاعاتىن قۋىرشاق ۇيىم جۇمىسشىلاردىڭ مۇددەسىن كوزدەمەيدى. مۇنايشىلاردىڭ بۇل جونىندەگى تالاپتارى دا ورىندى.

ماڭعىستاۋ  وبلىسىنداعى ەرەۋىلشى مۇنايشىلاردىڭ وتباسىلارىنا قولداۋ كورسەتۋ جونىندە قوعامدىق  كوميتەت قۇرىلعانىن حابارلايمىز.

قىمباتتى وتانداستار! شەتەلدىك جانە وتاندىق جۇمىس بەرۋشىلەردەن ەڭبەكاقى تولەۋ جۇيەسىن قايتا قاراۋدى، كاسىپوداق جۇمىسىنا كيلىكپەۋدى  جانە مۇناي ءوندىرۋشى كاسىپورىنداردى  ۇلتتىق مەنشىككە الۋدى تالاپ ەتكەن مۇنايشىلار ەرەۋىلى ءۇشىنشى ايعا سوزىلدى.

ءبىز سىزدەردى ولاردىڭ اشقۇرساق وتىرعان بالا-شاعاسىنا، وتباسىنا كومەكتەسۋگە شاقىرامىز.

ماڭعىستاۋلىق مۇنايشىلار سونشاما ۋاقىتتان بەرى نەلىكتەن ەرەۋىلدى توقتاتپاي وتىر؟ وسى ساۋالعا جاۋاپ ىزدەسەك، ولاردىڭ  «تويىپ سەكىرمەگەنىن»، شىدامدارىنىڭ شەگىنە جەتكەنىن، بۇدان ءارى قوجايىنداردىڭ دەگەنىنە كونە بەرگىسى كەلمەگەنىن كورەمىز. جازدىڭ ىستىق اپتابىندا تولارساقتان مايلى توزاڭ كەشىپ، قىستىڭ ۇسكىرىك ايازىندا، ايدالادا  جۇمىس ىستەۋ توزاقپەن تەڭ. مۇناي ءوندىرۋ  - ەلىمىزدىڭ ەڭ نەگىزگى تابىس كوزى.  شەتكە شىعارىلعان «قارا التىننىڭ» حالقىمىزعا قايتارىمى از. سونى مولىنان ءوڭدىرىپ جاتقان باتىستاعى باۋىرلاستارىمىزدىڭ وزىنە لايىقتى ءومىر سۇرۋلەرىنە جەتەرلىك ەڭبەكاقى تولەمەگەنىن دۇرىس دەي المايمىز. جۇمىس بەرۋشى مەن جۇمىسكەرلەردىڭ اراسىنداعى ماسەلەلەردى زاڭ شەڭبەرىندە شەشۋگە، ازاماتتاردىڭ قۇقىعىن قورعاۋعا، ولاردىڭ الەۋمەتتىك جاعدايلارىن رەتتەۋگە  سەپتەسەتىن كاسىپوداققا دەربەستىك كەرەك. قوجايىنداردىڭ قولايىنا جاعاتىن قۋىرشاق ۇيىم جۇمىسشىلاردىڭ مۇددەسىن كوزدەمەيدى. مۇنايشىلاردىڭ بۇل جونىندەگى تالاپتارى دا ورىندى.

مۇناي  - جاراتۋشى يەمىزدىڭ حالىققا ارناعان نەسىبەسى. ونىڭ قىزىعىن اقشاسى كوپ، قولىندا بيلىگى بار ات توبەلىندەي ادامداردىڭ كورۋى، مەنشىكتەۋى، يەلەنۋى  - ادىلەتسىزدىك. جەر استىنداعى، ۇستىندەگى قازىنا بايلىقتىڭ يەسى  - قازاق مەملەكەتىندەگى بارشا ازاماتتار، ول حالىقتىڭ يگىلىگىنە جۇمسالۋى ءتيىس. قانشا مۇناي وندىرىلەتىنى، ودان قانشا تابىس تۇسەتىنى، جۇمسالاتىن شىعىن، ءبارى جاريا ەتىلگەندە عانا ادىلەتتىلىككە جول اشىلادى. سوندىقتان ءبىز ماڭعىستاۋلىق مۇنايشىلاردىڭ ءۇشىنشى تالابىن دا قولدايمىز.

جۇمىس بەرۋشىلەر بۇگىنگە دەيىن 400-دەن استام ادامدى جۇمىستان شىعاردى. سوعان قاراماستان،  3 مىڭعا جۋىق مۇنايشى ءالى دە ەرەۋىلدى جالعاستىرىپ جاتىر. جۇمىسسىزدار قاتارىن كوبەيتۋ ايماقتاعى كەدەيشىلىكتى، كۇنكورىس جاعدايىن ودان ءارى كۇرت تومەندەتەدى. مۇنىڭ سوڭى قاقتىعىسقا، قانتوگىسكە اپارىپ سوعۋى ابدەن مۇمكىن.  ءبىزدى بۇل جايت قاتتى الاڭداتادى. الەۋمەتتىك شيەلەنىستىڭ الدىن الۋدىڭ بىردەن-ءبىر جولى  - ەكى جاقتىڭ كەلىسىمگە كەلۋى. بيلىكتەگىلەر مەن كومپانيا يەلەرى كۇش كورسەتۋدەن، قىسىم جاساۋدان  بويلارىن اۋلاق ۇستاپ، مۇنايشىلاردىڭ تالاپتارىنا كەلىسۋى، شەگىنىس جاساۋى ءتيىس. قايسار حالىق دەگەنىنە جەتپەي تىنبايدى. بۇل تاريحتا تالاي رەت قايتالانعان. اقىرى اۋىر زارداپتارعا ۇرىندىراتىن ارەكەتتەن اباي بولعان ءجون.

زيالى قاۋىم وكىلدەرى، قوعام قايراتكەرلەرى، تاۋەلسىز كاسىپوداقتاردىڭ بەلسەندىلەرى، ەركىن اقپارات قۇرالدارىنىڭ باسشىلارى، ىزگى نيەتتى ازاماتتار ەرەۋىلدەۋشى ماڭعىستاۋلىق مۇنايشىلاردىڭ اشىعا باستاعان وتباسىلارىنا  كومەك كورسەتۋ جونىندە قوعامدىق كوميتەت قۇردىق.  وعان قوسىلامىن دەۋشىلەرگە ەسىك اشىق.

كۇندەلىكتى اسقا قاراجات تاپپاي قينالعان ءار اۋلەتتىڭ اسىراۋشىسىنىڭ ورنىنا ءوزىڭىزدى قويىپ كورىڭىزشى. ءار شاڭىراقتى ۇمىتسىزدىك،  شاراسىزدىق، ۇرەي بيلەگەن.  قاسىرەتتەن  كۇرسىنگەن  اتا-انالاردىڭ  كەۋدەسى قاق ايرىلعانداي. نارازىلىق كۇشەيىپ بارادى. ەرەۋىلشىلەردىڭ الدىندا ەكى جول بار. ءبىرىنشىسى  - بالالارىنا  تالعاجاۋ ەتەرلىك تاماق ءۇشىن تىزە بۇگۋ، جۇمىس بەرۋشىنىڭ دەگەنىنە كونىپ، ازىن-اۋلاق ەڭبەكاقىنى مىسە تۇتۋ، جەتىسپەۋشىلىكتىڭ جەتەگىنە قايتا ەرۋ. ەكىنشىسى  - تالاپتارى ورىندالعانشا كۇرەسۋ، ەڭبەكتەرىنە لايىقتى جالاقىعا قول جەتكىزۋ، تۇرمىستارىن تۇزەۋ، دۇرىستاپ ءومىر ءسۇرۋ. بىزدىڭشە، ولار ەكىنشى جولدى تاڭداعان.  بۇل رايلارىنان قايت دەپ ايتۋعا ءبىزدىڭ ارىمىز بارمايدى. وزدەرى شەشەدى.

ءوز قۇقىعىن قورعاپ كۇرەستە جۇرگەن جۇمىسسىز مۇنايشىلاردىڭ بالالارى مەكتەپكە قالاي بارماق؟ اتا-انالارىنىڭ وقۋ قۇرالدارى مەن كيىم-كەشەك الاتىن اقشالارى جوق. ارنايى اشىلعان ەسەپشوتقا تۇسكەن قارجىلار، اركىم اكەلىپ تاپسىرعان بۇيىمدار، كيىمدەر جاعدايى مۇشكىل وتباسىلارىنا تاراتىپ بەرىلەدى. قول ۇشىن سوزىڭىزدار، كومەكتەسىڭىزدەر اعايىن! جاناشىرلىق تانىتايىق، وتانداستار!

ماڭعىستاۋداعى كومەككە ءزارۋ وتباسىلارىنا قولداۋ كورسەتۋ قوعامدىق كوميتەتى اتىنان:

م.شاحانوۆ، «مەملەكەتتىك ءتىل» قوعامدىق قوزعالىسىنىڭ توراعاسى;

گ.بەلگەر، جازۋشى، اۋدارماشى;

ع.قابىشۇلى، جازۋشى، «الاش» سىيلىعىنىڭ لاۋرەاتى;

س.سماتاەۆ، جازۋشى;

يران-عايىپ، دراماتۋرگ، تاۋ-كەن ينجەنەرى، اقىن، مەملەكەتتىك سىيلىقتىڭ لاۋرەاتى;

ت.مەدەتبەك، اقىن، مەملەكەتتىك سىيلىقتىڭ لاۋرەاتى;

ك.بوشاەۆ، سوتسياليستىك ەڭبەك ەرى، سوعىس جانە ەڭبەك ارداگەرى;

ر.سارسەنبايۇلى، «جاس الاش» گازەتىنىڭ باس رەداكتورى;

ە.باپي، «وبششەستۆەننايا پوزيتسيا» گازەتىنىڭ باس وقىرمانى;

س.مۇحتاربەك، «قازاقستان» گازەتىنىڭ باس رەداكتورى;

گ.ەرعاليەۆا،   «Guljan.org.kz» سايتىنىڭ باس رەداكتورى;

ر.تاۋكينا، «جۋرناليستەردى قورعايمىز» قوعامدىق قورىنىڭ پرەزيدەنتى;

ي.ۆينياۆسكي، «ۆزگلياد» گازەتىنىڭ باس رەداكتورى;

م.اسپاندياروۆا، جۋرناليست، قۇقىققورعاۋشى;

ب.اتاباەۆ، «اقساراي» ميۋزيكل-تەاترىنىڭ كوركەمدىك جەتەكشىسى;-

ج.ماماي، «رۋح پەن ءتىل» كلۋبىنىڭ جەتەكشىسى;

ب.تۇمەنوۆا، «امان-ساۋلىق» قوعامدىق قورىنىڭ پرەزيدەنتى;

م.گۋرينا، «ۇلاعاتتى جانۇيا» قوعامدىق بىرلەستىگىنىڭ ءتورايىمى;

ق.يبراگيموۆ، سۋرەتشى;

س.ساپارعالي، قوعام قايراتكەرى;

ب.يمانعازينا، «ءبيبى-انا» مۇگەدەك انالاردىڭ قوعامدىق ۇيىمىنىڭ پرەزيدەنتى;

م.مولدابەكوۆ، «عىلىم قىزمەتكەرلەرى» كاسىپوداعى  قوعامدىق بىرلەستىگىنىڭ توراعاسى;

ە.ۇكتەشباەۆ، «جاڭارتۋ» رەسپۋبليكالىق تاۋەلسىز كاسىپوداعىنىڭ توراعاسى;

ي.كولوۆ، «ادام قۇقىعى جونىندەگى قوعامدىق كوميتەت» قوعامدىق بىرلەستىگىنىڭ توراعاسى;

ا.قۇرمانوۆ، «تالماس» رەسپۋبليكالىق قوعامدىق بىرلەستىگىنىڭ توراعاسى;

م.تايجان، «ب.تايجان اتىنداعى» قوردىڭ پرەزيدەنتى;

ج.قوجىق، «جاس الاش» گازەتىنىڭ ماڭعىستاۋ وبلىسىنداعى مەنشىكتى ءتىلشىسى;

قاراجاتتى مىنا ەسەپشوتقا اۋدارۋلارىڭىزدى سۇرايمىز:

KZ.166015473000003785

قازاقستان رەسپۋبليكاسى حالىق بانكى

ۋتارباەۆا نۇرسۇلۋ جۇمابەكقىزى

بيك HSBKKZKX

رنن: 430718690260