ەگيپەتتە جارىق كورگەن جانە اراب الەمىنىڭ بەدەلدى جاڭالىقتار جۋرنالىنىڭ ءبىرى سانالاتىن «ءال-احرام ءال-ارابي» جۋرنالىنىڭ سوڭعى سانىنىڭ مۇقاباسىندا تۇركيا پرەزيدەنتى رەجەپ تايىپ ەردوعاننىڭ سۋرەتى جاريالاندى. مۇقاباسىندا ەردوعاننىڭ سۋرەتىنە «قاساپشى» دەپ جازىلعان.

«ءال-احرام ءال-ارابي» جۋرنالىنىڭ 1.171 سانىندا تۇركيا پرەزيدەنتىنىڭ قانعا بويالعان سۋرەتى قويىلىپ، «قاساپشى» دەگەن اتاۋمەن جاريالانعان. «ءال-احرام» جۋرنالى ەردوعاننىڭ بۇيرىعىمەن سيريانىڭ سولتۇستىك-شىعىسىندا باستالعان اسكەري وپەراتسيادا بەيبىت تۇرعىندار قىرىلدى جانە سول قىرعىنعا ەردوعان جاۋاپتى دەلىنگەن.

«ناتسيست ەردوعان» اتتى ماقالا دوكتور ءايمان سەمير ەردوعاننىڭ سوڭعى كەزدەرى سايلاۋلاردا داۋىس جوعالتۋىنا بايلانىستى نازاردى سىرتقى الەمگە اۋدارتۋ ءۇشىن اسكەري وپەراتسيالار  ۇيىمداستىردى دەپ ايىپتاعان.

جۋرنال «ەردوعان كۇردتەردەن كەك الۋ ءۇشىن وپەراتسياعا كىرىستى» دەپ جازادى. وپەراتسيانىڭ باستالۋىمەن تۇرىك ليراسىنىڭ دوللارعا شاققانداعى باعامىنىڭ  كۇرت تومەندەگەنى يشارات ەتىلگەن ماقالادا ەكونوميكالىق داعدارىس تۋرالى سوزدەردىڭ جەلدەي ەسكەنى، ينۆەستورلاردىڭ ەلدەن قاشقانى، بيلىكتىڭ ورتالىق بانككە جاريا تۇردە ارالاسقانى، تۇركيانىڭ اشىق تۇرمەگە اينالعانى ايتىلعان. ەردوعان 31 ناۋرىزداعى مۋنيتسيپالدىق سايلاۋدا كوپ داۋىس جوعالتقانىنا كۇردتەردى ايىپتادى جانە اسكەري وپەراتسيالار ارقىلى كۇرد حالقىنان كەك الدى دەلىنگەن.

دوكتور سەمير ەردوعاننىڭ حالىقارالىق زاڭدار بويىنشا سوعىستىڭ باستالۋىنا كىنالى سانالاتىن  قىلمىستار جاساعانىن ايتا وتىرىپ، «ونىڭ سيريانىڭ سولتۇستىك-شىعىسىندا قۇرعىسى كەلگەن قاۋىپسىزدىك  ايماعىنىڭ يشيم سودىرلارىنىڭ باسقا ەشكىمگە پايداسى جوق» دەپ مالىمدەيدى.

«اراب ەلدەرىندەگى تۇرىك باسقىنشىلىعىنا قارسى قوزعالىس» دەپ اتالاتىن ماقالانىڭ اۆتورى اديل ابۋ تاليب «اراب مەملەكەتتەرى وداعىنىڭ» قابىلداعان شەشىمىنە نازار اۋداردى.

تاليب بىرنەشە اراب ەلدەرىنىڭ سىرتقى ىستەر مينيسترلەرى قاتىسقان جيىندا تۇركيانىڭ بىرىككەن ۇلتتار ۇيىمىنىڭ قاۋىپسىزدىك كەڭەسىنىڭ شەشىمىنە قايشى ارەكەت ەتىپ، سيريا اۋماعىنا باسقىنشىلىق جاساعانى ايىپتالىپ، سيريانى قايتادان اراب مەملەكەتتەرى وداعىنا قوسۋ ءۇشىن ديپلوماتيالىق قادامدار جاسالاتىنىن اتاپ وتكەن. ماقالادا تۇركيانىڭ سيريا ايماعىنا باسىپ كىرگەنىنە نارازىلىق تانىتىپ، ايىپتاعان ەگيپەتتىڭ كوزقاراسى  اراب ەلدەرىنە  ىقپال ەتكەنى باسا ايتىلعان. «ءال-احرام ءال-ارابي» جۋرنالىندا جازىلعان تاعى ءبىر ماقالادا ەردوعاننىڭ وسمان يمپەرياسىن قايتا جانداندىرۋ تۋرالى  ارمانى بارى دا ايتىلعان.

ماقالادا  ەردوعاننىڭ تەرروريستىك جانە راديكالدى توپتارمەن بايلانىسى دا ايتىلعان. سومالي جانە كاتاردا تۇركيانىڭ اسكەري بازا قۇرعانى، تۇركيانىڭ، سيريا، يراك، ازەربايجان ەلدەرىندە دە اسكەري بازالارىنىڭ بارى جازىلعان. تۇركيانىڭ سيريانىڭ سولتۇستىك-شىعىسىنىڭ ىشكى ىستەرىنە اقش پەن  ەۋروپالىق وداقتىڭ قولداۋىمەن ارالاستى دەپ جازىلعان.

دايىنداعان ەركىن كوشكىنباي

Abai.kz