بۇگىن وبلىس اكىمى قۋانىشبەك ىسقاقوۆ «ماعجان ي ك» جشس كۇرىش اقتاۋ زاۋىتىنىڭ سالتاناتتى اشىلۋىنا قاتىستى. زاۋىت ساعاتىنا 5 توننا كۇرىشتى وندەۋگە قۋاتتى.

كومپانيا 2005 جىلى قۇرىلعان. 2009 جىلعا دەيىن تەك كۇرىش وسىرۋمەن اينالىسىپ، كەيىن كۇرىشتىڭ ەليتا تۇقىمىن ءوندىرۋدى جولعا قويعان. كومپانيانىڭ ەگىس كولەمى 2005 جىلى - 600 گەكتار بولسا، 2008 جىلى – 5300 گەكتارعا جەتكەن.

جاڭا كاسىپورىندا قۋاتتىلىعى ساعاتىنا 5 توننا كۇرىش وندەي الاتىن وڭتۇستىك كورەيانىڭ «DAEWON GSI» كۇرىش وندىرۋدەگى تسيفرلى تەحنولوگياسى پايدالانىلادى. زاۋىت جاڭا تەحنولوگيانىڭ ارقاسىندا ءبىر ورتالىقتان اۆتوماتتاندىرىلعان جۇيە ارقىلى باسقارىلادى.

بۇل زاۋىتتىڭ ازىرگە قازاقستاندا انولوگى جوق. سونداي-اق، كومپانيانىڭ تەحنيكالىق پاركى 90 پايىزعا جوعارى تەحنولوگيالىق «Claas»، «John Deere»، «Case» ماركالى كومبايندارىمەن جاڭارتىلعان. كۇرىش جانە جوڭىشقا تۇقىمدارى گەرمانيالىق Petkus جوعارى تەحنولوگيالىق تۇقىم تازارتۋ زاۋىتىندا قايتا وڭدەلەدى.

««ماعجان ي ك» كومپانياسى سىرداريا اۋدانى ناعي ءىلياسوۆ اۋىلىنىڭ 55-60 پايىز ەڭبەككە قابىلەتتى ازاماتتارىن جۇمىسپەن قامتىپ وتىر. اۋىلدى كوگالداندىرىپ، كوركەيتۋ ءۇشىن دە كومپانيا تاراپىنان دەمەۋشىلىك جاساۋ جۇمىستارى جولعا قويىلعان. ايماقتاعى كۇرىش سالاسىنىڭ تاعى دا ءبىر زاۋىتپەن تولىعۋى، ازىق – تۇلىك ساپاسىنىڭ قاۋىپسىزدىگى مەن، ەل ەكونوميكاسىنا جاڭا سەرپىلىس بەرەتىنىنە سەنەمىن»،- دەدى ايماق باسشىسى.

كۇرىش وندىرىسىندە 100 پايىز جوعارى رەپرودۋكتسيالى تۇقىمداردى پايدالانۋعا قول جەتكىزىپ، سوڭعى جىلداردا كۇرىش ءوندىرىسى 22 پايىزعا ارتقان. ءوڭىردىڭ باستى داقىلى – كۇرىشتىڭ تۇقىمىن ساۋىقتىرۋ جانە ۆەگەتاتسياسى قىسقا، باسەكەگە قابىلەتتى وتاندىق سورتتاردىڭ ۇلەسىن ارتتىرۋ باعىتىندا دا بىرنەشە جوبالار ىسكە اسىرىلۋدا.

اتاپ ايتقاندا، بيىل «سىر سۇلۋى»، «اي-كەرىم» جانە باسقا دا وتاندىق سورتتار بىرنەشە شارۋاشىلىقتاردا ەگىلىپ، عالىمداردىڭ باقىلاۋىندا بولدى.

مامانداردىڭ باعالاۋىنشا كۇرىشتىڭ بۇل سورتتار ساپاسى جاعىنان رەسەيلىك سورتتاردان كەم تۇسپەيدى.

بيىل وبلىس بويىنشا 87,9 مىڭ گەكتار جەرگە كۇرىش ەگىلدى.

Abai.kz