قىزىلوردا وبلىسىنىڭ اكىمى قۋانىشبەك ىسقاقوۆ مەديتسينالىق مەكەمەلەرگە ارنايى اۆتوكولىكتەردىڭ كىلتىن تابىستادى.

وبلىستىڭ مەديتسينا مەكەمەلەرىنە 7 مامانداندىرىلعان رەانيموبيل، شاقىرۋلارعا قىزمەت كورسەتەتىن 12 "لارگۋس" جانە 17 "ۋاز" اۆتوكولىگىنىڭ كىلتى تابىستالدى.

ايماق باسشىسى ق.ىسقاقوۆ دەنساۋلىق ساقتاۋ سالاسى قىزمەتكەرلەرىن قۇتتىقتاپ، ەلباسى ن.ءا. نازارباەۆ پەن مەملەكەت باسشىسى ءاربىر جولداۋىندا حالىقتىڭ دەنساۋلىعىن نىعايتۋ جۇمىستارىنا ءمان بەرەتىندىگىن ايتتى. ماسەلەن، بيىلعى جولداۋدا پرەزيدەنت ۇكىمەتكە 5 جىل ىشىندە دەنساۋلىق ساقتاۋ سالاسىنا بارلىق كوزدەردەن جۇمسالاتىن قاراجاتتى ىشكى جالپى ءونىمنىڭ 10 پايىزىنا دەيىن جەتكىزۋ قاجەتتىگىن تاپسىردى.

«دەنساۋلىق ساقتاۋ سالاسىنا قاشاندا قامقورلىق كورسەتىلىپ كەلەدى. سوڭعى 5 جىلدا رەسپۋبليكالىق جانە وبلىستىق بيۋدجەت قاراجاتى ەسەبىنەن، اپاتتى دەپ تانىلعان مەديتسينالىق نىسانداردىڭ 64 پايىزى جاڭادان سالىندى. قىزىلوردا وبلىسى الەۋمەتتىك سالاعا بولىنەتىن قارجى كولەمى جاعىنان رەسپۋبليكا بويىنشا الدىڭعى ورىندا. مەديتسينا قىزمەتكەرلەرىنىڭ جالاقىسى 30 پايىزعا دەيىن كوتەرىلدى. 3 جىل بۇرىن سالانىڭ كادرلارىن دايارلاۋ ماقساتىندا العاشقى گرانتتار ءبولىندى. قازىرگى تاڭدا 30 باكالاۆر مەن 42 رەزيدەنتىمىز جوعارى مەديتسينالىق وقۋ ورىندارىندا ءبىلىم الۋدا»،- دەدى ايماق باسشىسى.

سونداي-اق، ايماق دارىگەرلەرى كورەيا، جاپونيا، رەسەي مەملەكەتتەرىنىڭ ۇزدىك كلينيكالارىندا ۇزاق مەرزىمدى تاجىريبە الماسىپ كەلۋدە.

بۇدان بىرنەشە جىل بۇرىن وبلىستا ءبىر عانا تراۆماتولوگيالىق پۋنكت بولسا. بۇگىندە مەديتسينالىق كومەكتىڭ بۇل تۇرىنە قول جەتىمدىلىكىتى ارتتىرۋ ماقساتىندا قوسىمشا 3 پۋنكت جانە ارال، جاڭاقورعان اۋداندارىندا اۋدانارالىق تراۆماتولوگيالىق بولىمشەلەر اشىلعان.

اتالعان بولىمشەلەر زاماناۋي قۇرال-جابدىقتارمەن جابدىقتالعان.

سونداي اق وبلىستىڭ جەدەل-جاردەم قىزمەتىن ءبىر ورتالىققا ۇيلەستىرىلگەن. ارالدان جاڭاقورعانعا دەيىن ارالىقتاعى شۇعىل مەديتسينالىق كومەككە مۇقتاج ناۋقاستىڭ بارلىق قاجەتتى اقپاراتى ءبىر جەرگە جيناقتالىپ، بۇل ءوز كەزەگىندە جىلدام، ءارى ساپالى كومەك كورسەتۋگە مۇمكىندىك بەرەدى.

Abai.kz