كەشە، اتاپ ايتقاندا 8 تامىز كۇنى قازاقستان انقارا ەلشىلىگىنىڭ ۇيىمداستىرۋىمەن ىستامبۇلدان 15 قازاق مەكتەپ وقۋشىسى استانا قالاسىنا اتتاندى. ولار ءبىر كۇن استانانى قىدىرعاننان كەيىن بۋرابايداعى بالداۋرەن وقۋ - ساۋىقتىرۋ ورتالىعىندا ءارى دەمالادى، ءارى قازاقشا ءتىل ۇيرەنىپ ۇلتتىق مادەني قۇندىلىقتار تۋرالى ساباقتارعا قاتىسادى.

وتكەن جىل ىستامبۇلداعى قازاقتار كوپتەپ شوعىرلانعان زەيتىنبۇرىن اۋدانىندا ورنالاسقان اباي اتىنداعى مەكتەپتى ارالاعان قازاقستان انقارا ەلشىسى جانسەيىت تۇيمەباەۆ قازاق وقۋشىلارىن اتامەكەنگە قىدىرتۋعا ۋادە بەرگەن-ءدى.

قازاقستانعا بارعان وقۋشىلاردىڭ 10-ى اباي اتىنداعى مەكتەپ، قالعان بەس بالا وسى اۋدانداعى عازيپاشا جانە ابدىلحاق حاميت اتىنداعى مەكتەپتەردىڭ ۇزدىك وقۋشىلارى اراسىنان تاڭدالدى. سونىمەن قاتار 15 بالاعا ەكى قازاق مۇعالىم باسشىلىق جاساۋدا. ونىڭ ءبىرى اباي اتىنداعى مەكتەپتىڭ مۇعالىمى ايسەل تاڭدوعان، ەكىنشىسى ابدىلحاق حاميت اتىنداعى مەكتەپتىڭ مۇعالىمى جانە بەلگىلى شوقايتانۋشى عالىم ابدىۋاقاپ قارانىڭ زايىبى تايرا قارا.

كەشە، اتاپ ايتقاندا 8 تامىز كۇنى قازاقستان انقارا ەلشىلىگىنىڭ ۇيىمداستىرۋىمەن ىستامبۇلدان 15 قازاق مەكتەپ وقۋشىسى استانا قالاسىنا اتتاندى. ولار ءبىر كۇن استانانى قىدىرعاننان كەيىن بۋرابايداعى بالداۋرەن وقۋ - ساۋىقتىرۋ ورتالىعىندا ءارى دەمالادى، ءارى قازاقشا ءتىل ۇيرەنىپ ۇلتتىق مادەني قۇندىلىقتار تۋرالى ساباقتارعا قاتىسادى.

وتكەن جىل ىستامبۇلداعى قازاقتار كوپتەپ شوعىرلانعان زەيتىنبۇرىن اۋدانىندا ورنالاسقان اباي اتىنداعى مەكتەپتى ارالاعان قازاقستان انقارا ەلشىسى جانسەيىت تۇيمەباەۆ قازاق وقۋشىلارىن اتامەكەنگە قىدىرتۋعا ۋادە بەرگەن-ءدى.

قازاقستانعا بارعان وقۋشىلاردىڭ 10-ى اباي اتىنداعى مەكتەپ، قالعان بەس بالا وسى اۋدانداعى عازيپاشا جانە ابدىلحاق حاميت اتىنداعى مەكتەپتەردىڭ ۇزدىك وقۋشىلارى اراسىنان تاڭدالدى. سونىمەن قاتار 15 بالاعا ەكى قازاق مۇعالىم باسشىلىق جاساۋدا. ونىڭ ءبىرى اباي اتىنداعى مەكتەپتىڭ مۇعالىمى ايسەل تاڭدوعان، ەكىنشىسى ابدىلحاق حاميت اتىنداعى مەكتەپتىڭ مۇعالىمى جانە بەلگىلى شوقايتانۋشى عالىم ابدىۋاقاپ قارانىڭ زايىبى تايرا قارا.

كەشە ىستامبۇل اۋەجايىندا بالالارىن شىعارىپ سالۋعا كەلگەن اتا انالار قازاقستان ەلشىسى جانسەيىت تۇيمەباەۆقا العىستارىن ايتتى. ولار "مىڭ ەستىگەننەن، ءبىر كورگەن" دەيدى. ءبىز قانشا بالالارىمىزعا قازاقپىز، اتامەكەنىمىز قازاقستان دەسەك تە، كوزىمەن كورىپ وزدەرى قىدىرىپ قايتقانعا نە جەتسىن! ءبىزدىڭ بۇكىل ارمانىمىز بالالار اتا تەگىن، انا ءتىلىن، اتا سالت - ءداستۇرىن، اتامەكەنىن ءبىلىپ ءجۇرۋى. مىنە وسى ساپار 13-15 جاس ارالىعىنداعى بالالارىمىزعا ۇلكەن وي سالادى دەگەن ۇمىتتەمىز. بالا جاستان دەيدى عوي. ەلشى جانسەيىت تۇيمەباەۆ وسىنداي يگى ءىز-شارامەن بىزگە ۇلكەن جاقسىلىق جاساپ وتىر. وسى قاسيەتتى ورازا كۇندەرىندە اللا تاعالا تىلەگەن تىلەگىنە جەتكىزسىن، دەپ العىستارىن ايتتى.

زايىبى مۇعالىم تايرا مەن 13 جاسار قىزى نۇربانۋ مەن 15 جاسار ۇلى ءومىرتايدى شىعارىپ سالۋعا اۋەجايعا كەلگەن عالىم ابدىۋاقاپ قارا قازاقستان انقارا ەلشىسى جانسەيىت تۇيمەباەۆتىڭ قازاقستاننىڭ 20 جىلدىعىندا وتە يگىلىكتى ىسكە مۇرىندىق بولىپ وتىرعانىن اتاپ ءوتتى. عالىمنىڭ ايتۋىنشا، بالداۋرەنگە ءبىر قانشا جىلدان بەرى تۇركيادان، ەۋروپادان بالالار شاقىرىلىپ كەلەدى. بىراق كوپتەگەن اتا انا قازاقستانعا دەيىن جول اقىسىنان قينالعاندىقتان بالالارىن جىبەرە الماعان ەدى. ەندى بۇل جولى جول اقىسى دا ەلشىلىك ارقىلى قامتاماسىز ەتىلىپ وتىرعاندىقتان 15 بالا بالداۋرەنگە بارۋعا مۇمكىنشىلىك تاپتى. ولاردىڭ بارلىعىنىڭ تابانى وسى ساپارمەن تۇڭعىش رەت اتامەكەنگە ءتيىپ وتىر. بۇل دا بولسا تاۋەلسىزدىكتىڭ ارقاسى. بۇل ساپار بالالاردىڭ اتامەكەندەرىمەن تانىسۋىنا مۇمكىندىك بەرەدى. پاتريوتتىق سەزىمىن وياتادى. بالا كەزدەگى كورگەن بىلگەندەر ءومىر بويى ۇمىتىلمايتىندىقتان، بۇل ساپار ولاردىڭ ساناسىندا تەرەڭ ءىز قالدىرادى. شەتەل بالالارىن اتامەكەنمەن قاۋىشتىرعان بۇل ساپار ۇردىسكە اينالسا ەكەن!

تۇركيالىق وقۋشى بالالاردىن 25 تامىز كۇنى استانا ارقىلى ىستامبۇلعا قايتاتىنى حابارلاندى.

گۇلميرا اقانقىزى