25 قازان كۇنى الماتى قالاسىنداعى "الماتى قوناق ۇي̆ىندە" شەتەلدە ءبىلىم الۋ جونىندە «Kazakhstan Education Fair 2019» حالىقارالىق كورمەcى ءوتتى.

Nova Education كومپانياسىنىڭ ۇي̆ىمداستىرۋىمەن وتكەن كورمەگە ءبىلىم جانە عىلىم مينيسترلىگى قولداۋ ءبىلدىرىپ وتىر.

جوبانىڭ ماقساتى – شەتەلدىك جانە وتاندىق الدىڭعى قاتارلى ۋنيۆەرسيتەتتەردە ءبىلىم الۋ مۇمكىندىگى تۋرالى كەشەندى اقپارات ۇسىنۋ; عىلىم، ءبىلىم جانە يننوۆاتسيا سالالارىندا الەمدىك جانە قازاقستاندىق ءبىلىم بەرۋ مەكەمەلەرىمەن سەرىكتەستىك باي̆لانىستاردى نىعاي̆تۋ.

كورمەدە باكالاۆريات، ماگيستراتۋرا، دوكتورانتۋرا (PhD), شەتەلدىك وقۋ ورىندارىنا تۇسۋگە ارنالعان داي̆ىندىق كۋرستارى، بىلىكتىلىكتى ارتتىرۋ كۋرستارى، سەمينار، ترەنينگ، كادر داي̆ىنداۋ جانە قاي̆تا دايارلاۋ باعىتتارى بوي̆ىنشا شەتەلدىك جانە وتاندىق جوعارى وقۋ ورىندارىنىڭ جاڭا وقۋ باعدارلامالارى ۇسىنىلدى.

حالىقارالىق «Kazakhstan Education Fair 2019» ءبىلىم كورمەسىنە قازاقستانمەن قاتار، اقش، گەرمانيا، گونكونگ، قىتاي̆، وڭتۇستىك كورەيا، پولشا، رەسەي̆ جانە ۇلىبريتانيانىڭ الدىڭعى قاتارلى ۋنيۆەرسيتەتتەرى قاتىسادى. 40-تان استام جوعارعى وقۋ ورنى ءوز ستەندتەرىن ۇسىندى.

ءبىر اي̆تا كەتەرلىگى، شەتەلدە ءبىلىم الۋ جونىندەگى «Kazakhstan Education Fair 2019» حالىقارالىق كورمەسى Nova Education كومپانياسىنىڭ قاتىسۋىمەن وسىمەن قاتارىنان بەسىنشى جىل ۇي̆ىمداستىرىلعالى وتىر. جىلدان جىلعا شەتەلدە ءبىلىمىن جالعاستىرعىسى كەلگەن جاستار اراسىندا كورمەگە دەگەن قىزىعۋشىلىق ارتىپ كەلەدى.

ءبىلىم سالاسىندا توعىز جىلدىق تاجىريبەگە يە NOVA Education كومپانياسى شەتەلدە ءبىلىم العىسى كەلەتىن جاستارعا قىزمەت كورسەتەدى. NOVA Education كاسىبي قىزمەت كورسەتكەن جىلدار ارالىعىندا 906 ستۋدەنت كومپانيانىڭ قىزمەتىنە جۇگىندى. ولاردىڭ بارلىعى نە وقۋىن تابىستى اياقتاپ ەلگە ورالعان، نە تابىستى ءبىلىم الىپ جاتىر. كومپانيا قازىرگى تاڭدا شەتەلدە جوعارى ءبىلىم، شەتەلدە ءتىل كۋرستارى، ءبىلىم كۋرستارىن جانە ءبىلىم ساپارلارىن ۇي̆ىمداستىرۋ سەكىلدى باعىتتاردا ماماندانعان.

ەردەن شايماردان، NOVA Education كومپانياسىنىڭ ديرەكتورى:

- بۇل جوبانىڭ قاتارىنان ءوتىپ جاتقانىنا 5 جىل بولدى. شەتەلدەگى سەرىكتەس وقۋ ورىندارىن شاقىرىپ، بەسىنشى رەت وتكىزىپ وتىرمىز. شەتەلگە شىعىپ وقىعىسى كەلگەن وقۋشىلارعا باعىت بەرۋمەن اينالىسىپ كەلەمىز. قانداي قۇجات دايىنداۋ كەرەك، قانداي ەمتيحان تاپسىرۋ كەرەك، سونىڭ ءبارىن قاداعالاپ، جول سىلتەپ وتىرامىز. بالا شەتەلدىك وقۋ ورىندارىنا وقۋعا ءتۇسىپ جاتسا، ۆيزاسىن الۋعا، سول جاققا بارىپ ورنالاسۋىنا كومەكتەسەمىز. 

ءبىزدىڭ باستى جۇمىسىمىز، شەتەلدىك جانە ءوز ەلىمىزدەگى جەتەكشى وقۋ ورىندارىن وسىندا شاقىرىپ، تالاپكەرلەردىڭ ولارمەن كەزدەسۋىنە مۇمكىندىك جاساۋ. وقۋشىلار مەن ستۋدەنتتەر ءوزى تۇسكىسى كەلگەن ۋنيۆەرسيتەتتىڭ وكىلىمەن سويلەسىپ، وزىنە قاجەتتى اقپاراتتى تولىق الا الادى. بۇل جوبانى بالاعا الەمدىك دەڭگەيدە مۇمكىندىك بەرۋ، تاڭداۋ ەركىن بەرۋ دەپ تۇسىنۋگە بولادى. بۇندا بالالارمەن قاتار اتا-انالاردى دا شاقىرامىز. بالاسىمەن بىرگە تاڭداۋ جاسايدى. 

بيىل 60-تاي جوعارى وقۋ ورىندارى كەلىپ وتىر. كانادا، امەريكا، انگليا، گونكوكگ، فرانتسيا سىندى الىس-جاقىن شەتەلدەردەن كەلگەن ۋنيۆەرسيتەتتەردەن بولەك، ءوز ەلىمىزدەن دە بىرنەشە وقۋ ورنى قاتىسىپ وتىر. بۇل جۇمىستاردىڭ ءبارى ءبىلىم جانە عىلىم مينيسترلىگىنىڭ رۇقساتىمەن جانە قولداۋىمەن جۇزەگە اسىپ وتىر. 

ءبىزدىڭ جوبانىڭ ارقاسىندا جىلىنا 70-80 وقۋشى شەتەل اسىپ وقيدى. كوبى شىعىس ەۋروپاعا بارادى. رەسەي اساتىندار دا كوپ. گونكونگ جانە كورەيا وقۋ ورىندارىنا دا سۇرانىس بار. ال اقش، كانادا سىندى الىس شەتەلدەرگە باراتىندار از، ول جاقتىڭ وقۋ اقىسى دا جوعارى بولعانى ءۇشىن شىعار. سوڭعى كەزدەرى شۆەيتساريا ەلىنىڭ ۋنيۆەرسيتتەرى ۇسنىپ وتىرعان تۋريزم، قوناقۇي بيزنەسىن باسقارۋ سىندى ماماندىقتارعا سۇرانىس ارتىپ كەلەدى.

ءادىلجان، City University of Hong Kong ستۋدەنتى: 

- نۇر-سۇلتان قالاسى نۇرسۇلتان زياتكەرلىك مەكتەبىنىڭ تۇلەگىمىن. قازىر گونكونگتا وقىپ جاتىرمىن. ءبىرىنشى كۋرسقا بيىل باردىم. تىلدەن ەش قيىندىق جوق، قىتاي ءتىلىن ۇيرەنۋگە مىندەتتەمەيدى. ساباقتار اعىلشىن تىلىندە ءجۇرىپ جاتىر. 

شەتەلدە وقىسام دەگەن ارمانىما وسى كورمەنىڭ كومەگى ءتيدى. ەلوردادا NOVA Education ۇيىمداستىرعان كورمەگە قاتىسىپ، وسى كومپانيانىڭ كومەگىمەن وقۋعا تۇستىك. 

بيزنەس-ەكونوميكا ماماندىعى بويىنشا وقىپ جاتىرمىن. العاش بارعاندا ءسال قينالعان ەدىم. بىراق ءبىر-ەكى اپتا كولەمىندە ۇيرەنىپ كەتتىم. گونكونگتا تۇرمىس قىتايدان گورى ەۋروپاعا بەيىم. تاماعىنا دا، تۇرمىسىنا دا بەيىمدەلۋ وڭاي.

العاش وقۋعا تۇسكەن كەزدە سول جاقتاعى ەلىمىزدىڭ باس كونسۋلىمەن كەزدەستىك. گونكونگتا 200-دەن استام قازاقستاندىق ستۋدەنت وقيدى ەكەن. ولاردىڭ كوبى بيزنەس سالاسىندا، IT سالاسىندا ءبىلىم الىپ جاتىر. مەن وقىپ جاتقان ۋنيۆەرسيتەتتە 34 قازاق ءبىلىم الۋدا. ءبارىمىز گرانتتا وقيمىز، شاكىراتقى الامىز. بۇل ۇلكەن مۇمكىندىك دەپ سانايمىن. بۇندايدى كوپ وتانداسىمىز بىلمەيدى. سول ءۇشىن دە شەتەلگە وقۋعا ءتۇسۋدىڭ جولىن تاپپاي جۇرەدى. سول ءۇشىن وسىنداي كورمەلەردىڭ ماڭىزى زور دەپ ەسەپتەيمىن. 

Abai.kz