بيىل ەكىباستۇز قالاسىنا قاراستى سولنەچنىي كەنتىنىڭ اباي اتىنداعى №28 جالپى ورتا ءبىلىم بەرەتىن مەكتەبى العاشقى قوڭىراۋ مەرەكەسىن سۋ جاڭا عيماراتتا اتاپ ءوتتى. سالتاناتتى جيىنعا پاۆلودار وبلىسىنىڭ اكىمى بولات باقاۋوۆ تا قاتىستى.

تالاي جىل تار عيماراتتا وتىرىپ، ىزگى ارمانعا قولى جەتكەن ۇستازدار دا، وقۋشىلار دا ءماز-مەيرام.

مەكتەپتەگى ماڭدايشا جازۋلارى لاتىن قارپىمەن جازىلعانىن كورىپ، «حوش» دەستىك. الايدا ءبىر نارسە كوڭىلىمىزدى سۋ سەپكەندەي باستى: مەكتەپتەگى دومبىرا كابينەتىندەگى «كۇي ونەرىنىڭ جاۋھارلارى» تاقتاسىندا كۇيشىلەر سۋرەتتەرىنىڭ اراسىنا ءجۇز جاساعان اقىن جامبىل جاباەۆتى «قونجيتىپ» قويىپتى.

مەكتەپ قۇرىلىسى ءجۇرىپ جاتقان ۋاقىتتا اكىم-قارالاردىڭ قۇرىلىس بارىسىمەن، جاڭا وقۋ جىلىنا ازىرلىكتىڭ جاي-كۇيىمەن بىرنەشە رەت تانىساتىنى بەلگىلى. بۇل جولى دا سولاي بولعان بولار. سوندا ەكىباستۇز قالاسى ءبىلىم ءبولىمىنىڭ باسشىسى جازيرا حامزاباەۆا قايدا قاراعان؟!

مەكتەپ ديرەكتورى ايمان كەنجەباەۆا، جارايدى، حيميا ءپانى مۇعالىمى بولعاندىقتان، جامبىلدىڭ كىم بولعانىن بىلمەيتىن دە شىعار. بىراق باسقاسى باسقا، «لەنينگرادتىق ورەنىمدى» كەزىندە ءدۇيىم جۇرت ءبىلدى ەمەس پە؟! ال قالالىق ءبىلىم ءبولىمىنىڭ باسشىسى – قازاق ءتىلى مەن ادەبيەتى ءپانىنىڭ مۇعالىمى جازيرا امانگەلدىقىزىنا نە جورىق؟!

وسىناۋ كەلەڭسىز جايتتى فەيسبۋكتەگى پاراقشاسىندا جەرگىلىكتى ءتىل جاناشىرى، قوعام بەلسەندىسى قوجاكەلدى الدانوۆ جاريا ەتتى. اتالعان مەكتەپتە بالالارى ءبىلىم الاتىن قوجاكەلدى ءىنىمىز بىلاي دەيدى:

«وسىدان ءبىراز ۋاقىت بۇرىن جامبىلدىڭ سۋرەتىن ايالداماعا قويىپ، استىنا قۇرمانعازى دەپ جازىپ قويعانىن ۇمىتا قويعان جوقپىز. تاپسىرىستى ورىنداۋشى جاۋاپسىز، ساۋاتسىز دەپ، بار كىنəنى سولارعا ارتتىق تا قويدىق. تاپسىرىس بەرۋشى بارلىق ۋاقىتتاعىداي سۋدان تازا، سۇتتەن اق!

قىزىمنىڭ سۋرەتتەرىن قىزىقتاپ وتىرىپ ءبىر ءجəيتتىڭ كۋəسى بولدىم. سۋ جاڭا مەكتەپتەگى بۇگىننىڭ جاڭالىعى بولعان دومبىرا بولمەسى ەكەن. ءبəرى كەرەمەت، كورۋگە ءسəندى-اق!

«كۇي ونەرىنىڭ جاۋھارلارى» دەگەن كورنەكى تاقتاداعى جامبىل جاباەۆتىڭ پورترەتىنە كوزىم ءتۇسىپ، مىرس ەتتىم. «جامبىل كىم؟» - دەدىم قىزىما، يىعىن قيقاڭ ەتكىزدى. تىزەمە وتىرعىزىپ، جامبىل باباسى تۋرالى بار بىلگەنىمدى تىزبەكتەپ بەردىم.

سوندا مەكتەپ باسشىسى بۇل بولمەگە كىرمەگەن بە؟ ۇستازدار شە، جامبىلدى بايقامادى ما؟ Əن-كۇي مۇعالىمى جامبىلعا قاراپ تۇرىپ: «مىناۋ جامبىل جاباەۆ قوي، ول كۇيشى ەمەس!» - دەمەگەن بە؟ مەكتەپتىڭ اشىلۋىندا بولعان وبلىس، قالا، كەنت əكىمدەرى دە سوندا جəكەڭدى تانىماي ما؟

قۇرمەتتى ۇستازدار! دومبىرا كابينەتىندە بولعان بارشا قاۋىم!

جامبىل جاباەۆ اقىن، جىراۋ بولعان. بىراق كۇيشى بولماعان. تەزدەتىپ الىپ تاستاڭىزدار، ءوتىنىش!».

جامبىل بابامىز كەزىندە «مىناۋ تۇرعان ابايدىڭ سۋرەتى مە؟ ولەڭ-ءسوزدىڭ ۇقساعان قۇدىرەتىنە!» دەپ جىرلاعان ەدى. قازىر سولنەچنىيلىق بالالار دا جامبىل جاباەۆ پورترەتىنىڭ جانىنان «مىناۋ «كۇيشى» جامبىلدىڭ سۋرەتى مە!» دەپ وتەتىن بولدى...

اسقار اقبەرگەن، پاۆلودار وبلىسى

قوسىمشا: Abai.kz اقپاراتتىق پورتالى ەركىن اقپارات الاڭى. مۇندا وي جارىستىرىپ، پىكىر الماستىرۋعا اركىم قۇقىلى. جوعارىداعى سپيكەردىڭ پىكىرى رەداكتسيا ۇستانىمىن بىلدىرمەيدى. الداعى ۋاقىتتا ماقالادا ەسىم-سويلارى اتالعان جەكەلەگەن ازاماتتار رەداكتسيامىزعا جاۋاپ بەرۋگە نيەتتى بولسا، ولاردىڭ دا پىكىرىن بەرۋگە ءازىرمىز.

Abai.kz