Seysenbi, 12 Qaraşa 2019
46 - söz 545 2 pikir 6 Qaraşa, 2019 sağat 11:46

Cukerberg bank sektorın bağındıra ma?

Mark Cukerbergtiñ Feysbuktegi komandası kriptovalyuta jasaumen aynalısıp jatqanın keşe bildim. Keşe Mark Kongress aldında birqatar swraqtarğa jauap beruge qayta şaqırıldı. Bwl kez onıñ AQŞ dollarına töndirui mümkin qaupi talqılanılıp otır. Odan basqa, äleumettik jeliniñ demokratiyağa tüsirip jatqan köleñkesi de Q&A sessiyasınıñ bastı mäselesine aynaldı.

Sonımen, Feysbuk öziniñ işki jäne mümkin bolsa sırtqı narığına qoldanatın kriptovalyutasın Libra dep ataptı. Ol turalı äzirge mälimet az. Sebebi onıñ pilottıq nwsqası da jariyalanbadı. Biraq Mark Cukerbergtiñ osınday jobası bar ekendigi ükimet adamdarın alañdatıp ülgerdi.

Libra degenimiz ne jäne onıñ artıqşılığı nede? Bwl Feysbuk işindegi universal bank qızmeti. Onıñ alğaşqı nwsqası Paypal qızmetine köbirek wqsaydı. Biraq ol sizdiñ smartfonıñızdağı qolma qol aqşa. Al smartfon sizdiñ ämiyanıñız bolmaq. Keyingi 5 jılda ol tolıqqandı blokçeynge aynaladı. Libra elektrondı valyutasın dükennen nan alğanda, kiim alıp, taksige tapsırıs bergeniñizde jäne kez kelgen saudada paydalana alasız. Bwl narıqtağı qarjı instituttarınıñ 90 payızın narıqtan şığarıp tastauı mümkin. Sol üşin de Wall Street alañdap, Kongresske «dollardı saqtap qalu» operaciyasın orındatıp otır.

Bir sözben aytqanda, Mark Cukerberg Feysbuk pen jarnamağa töleytin klientter arasındağı deldal bankter jäne tranzakciyamen aynalısatın qarjı instituttarınıñ tabısın tübegeyli qısqartıp, sırtqı narıqtağı aqşa aynalımın da öz baqılauına almaq. Barlığı bir jerde. Ol, ärine, qarapayım twtınuşılarğa oñtaylı boluı mümkin. Biraq bankter men älemdegi dollarğa negizdelgen «Ortalıq Bank» jüyesin qwrdımğa jiberui bek mümkin.

Feysbuk qarjı narığındağı jobası jaylı osı jıldıñ mausım ayında jariyaladı. Jospar boyınşa, eger Ükimet pen Wall Street kedergi keltirmese, Libra 2020 jılı iske qosıladı eken. Biraq Wall Street reakciyası üreyge tolğanı sonşa, 4 ayğa jetpey Mark Kongresske gril' boluğa şaqırıldı.

P.S. Libra tömendegi surettegi kompaniyalarlıñ qızmetteriniñ analogına aynala aladı nemese solardıñ qızmetine aynaladı.

Joldas Örisbaydıñ facebook paraqşasınan

Abai.kz

2 pikir