سارسەنبى, 13 قاراشا 2019
46 - ءسوز 552 2 پىكىر 6 قاراشا, 2019 ساعات 11:46

تسۋكەربەرگ بانك سەكتورىن باعىندىرا ما؟

مارك تسۋكەربەرگتىڭ فەيسبۋكتەگى كومانداسى كريپتوۆاليۋتا جاساۋمەن اينالىسىپ جاتقانىن كەشە ءبىلدىم. كەشە مارك كونگرەسس الدىندا بىرقاتار سۇراقتارعا جاۋاپ بەرۋگە قايتا شاقىرىلدى. بۇل كەز ونىڭ اقش دوللارىنا ءتوندىرۋى مۇمكىن قاۋپى تالقىلانىلىپ وتىر. ودان باسقا، الەۋمەتتىك جەلىنىڭ دەموكراتياعا ءتۇسىرىپ جاتقان كولەڭكەسى دە Q&A سەسسياسىنىڭ باستى ماسەلەسىنە اينالدى.

سونىمەن، فەيسبۋك ءوزىنىڭ ىشكى جانە مۇمكىن بولسا سىرتقى نارىعىنا قولداناتىن كريپتوۆاليۋتاسىن Libra دەپ اتاپتى. ول تۋرالى ازىرگە مالىمەت از. سەبەبى ونىڭ پيلوتتىق نۇسقاسى دا جاريالانبادى. بىراق مارك تسۋكەربەرگتىڭ وسىنداي جوباسى بار ەكەندىگى ۇكىمەت ادامدارىن الاڭداتىپ ۇلگەردى.

Libra دەگەنىمىز نە جانە ونىڭ ارتىقشىلىعى نەدە؟ بۇل فەيسبۋك ىشىندەگى ۋنيۆەرسال بانك قىزمەتى. ونىڭ العاشقى نۇسقاسى Paypal قىزمەتىنە كوبىرەك ۇقسايدى. بىراق ول ءسىزدىڭ سمارتفونىڭىزداعى قولما قول اقشا. ال سمارتفون ءسىزدىڭ ءاميانىڭىز بولماق. كەيىنگى 5 جىلدا ول تولىققاندى بلوكچەينگە اينالادى. Libra ەلەكتروندى ۆاليۋتاسىن دۇكەننەن نان العاندا، كيىم الىپ، تاكسيگە تاپسىرىس بەرگەنىڭىزدە جانە كەز كەلگەن ساۋدادا پايدالانا الاسىز. بۇل نارىقتاعى قارجى ينستيتۋتتارىنىڭ 90 پايىزىن نارىقتان شىعارىپ تاستاۋى مۇمكىن. سول ءۇشىن دە Wall Street الاڭداپ، كونگرەسسكە «دوللاردى ساقتاپ قالۋ» وپەراتسياسىن ورىنداتىپ وتىر.

ءبىر سوزبەن ايتقاندا، مارك تسۋكەربەرگ فەيسبۋك پەن جارناماعا تولەيتىن كليەنتتەر اراسىنداعى دەلدال بانكتەر جانە ترانزاكتسيامەن اينالىساتىن قارجى ينستيتۋتتارىنىڭ تابىسىن تۇبەگەيلى قىسقارتىپ، سىرتقى نارىقتاعى اقشا اينالىمىن دا ءوز باقىلاۋىنا الماق. بارلىعى ءبىر جەردە. ول، ارينە، قاراپايىم تۇتىنۋشىلارعا وڭتايلى بولۋى مۇمكىن. بىراق بانكتەر مەن الەمدەگى دوللارعا نەگىزدەلگەن «ورتالىق بانك» جۇيەسىن قۇردىمعا جىبەرۋى بەك مۇمكىن.

فەيسبۋك قارجى نارىعىنداعى جوباسى جايلى وسى جىلدىڭ ماۋسىم ايىندا جاريالادى. جوسپار بويىنشا، ەگەر ۇكىمەت پەن Wall Street كەدەرگى كەلتىرمەسە، Libra 2020 جىلى ىسكە قوسىلادى ەكەن. بىراق Wall Street رەاكتسياسى ۇرەيگە تولعانى سونشا، 4 ايعا جەتپەي مارك كونگرەسسكە گريل بولۋعا شاقىرىلدى.

P.S. Libra تومەندەگى سۋرەتتەگى كومپانيالارلىڭ قىزمەتتەرىنىڭ انالوگىنا اينالا الادى نەمەسە سولاردىڭ قىزمەتىنە اينالادى.

جولداس ءورىسبايدىڭ facebook پاراقشاسىنان

Abai.kz

2 پىكىر