10-17 qarasha aralyghynda Mongholiya astanasy Úlan-Batyr qalasyndaghy «Buyant Ukhaa» sport sarayynda bokstan jastar arasyndaghy Aziya chempionaty ótti. Turinge 2001-2002 jyldary dýniyege kelgen boksshylar qatysty. 

Jas boksshylar arasynda ótken qúrlyq birinshiligi Qazaqstan qúramasy ýshin tabysty boldy deuge tolyq negiz bar. Sebebi, bizding boksshylar búl synda 6 altyn, 6 kýmis, 2 qola medali alyp, jalpy komandalyq esepte birinshi oryngha ie boldy. Al Ózbekstan qúramasy ekinshi oryngha jayghasty.

Kezekti chempionattyng jartylay finalyna 15 qazaqstandyq boksshy joldama alghan. Olardyng toghyzy jigit, altauy búrymdy boksshy bolatyn.

Jartylay finalgha jetken jigitter: Bazarbayúly Múhammedsabyr (49 keli), Mahmud Sabyrhan (52), Beybarys Jeksen (56), Darhan Dýisebay (64), Marghúlan Aydarúly (69), Azamat Bektas (75), Erasyl Jaqpekov (81), Toghambay Saghyndyq (91) jәne Sabyrghaly Amanat (+91).

Qyzdar - Aneli Sakysh (51 keli), Úljanay Mamutova (60), Baljan Asqar (64), Maya Beysebaeva (69), Araylym Baqytjanqyzy (81) jәne Gýlsaya Erjan (+81).

Atalghan 15 boksshynyng ýsheui 1/2 finalda sýrinip, qola medaldi qanaghat tútty. Olar: Marghúlan Aydarúly (69 keli), Erasyl Jaqpekov (81) jәne Baljan Asqar (64).

Osylaysha finalgha Qazaqstan qúramasynan on eki boksshy shyqty. Al Ózbekstan, Qytay jәne Ýndistan qúramalarynan alty, Taylandtan tórt, Japoniya, Taypey, Qyrghyzstan jәne Ontýstik Koreyadan bir boksshy finalgha joldama aldy.

Aqtyq synda júdyryqtasqan 12 qazaqstandyqtyng altauy altyn medali aldy. Ókinishtisi, finalgha shyqqan bes búrymdy boksshymyzdyng beseui de kýmis medali aldy.

Qazaqstandyq er boksshylardyng qatysuymen ótken finaldyq jekpe-jekterding nәtiyjeleri:

49 keli Múhammedsabyr Bazarbayúly - Selay Soy (Ýndistan) - 4:1
52 keli Mahmud Sabyrhan - Suhet Suravut (Tayland) - 5:0
56 keli Beybarys Jeksen - Hurshidbek Rasuljonov (Ózbekstan) - 5:0
64 keli. Darhan Dýisebay - Javlonbek Yuldoshev (Ózbekstan) - 5:0
75 keli Azamat Bektas - Suhrobjon Kaimov (Ózbekstan) - 1:4
91 keli Toghambay Saghyndyq - Samadov Amirshoh (Ózbekstan) - 5:0
+91 kg. Amanat Sabyrghaly - Yu Dong Djin (Ontýstik Koreya) - 5:0.

Finalda óner kórsetken búrymdy boksshylarymyz: 

Aneli Sakysh (51 keli),
Úljanay Mamutova (60),
Maya Beysebaeva (69),
Araylym Baqytjanqyzy (81),
Gýlsaya Erjan (+81).

Erler arasyndaghy jalpykomandalyq esep:

1. Qazaqstan — 6-1-2 (9)
2. Ózbekstan — 3-3-2 (8)
3. Japoniya — 1-0-2 (3).

Quanysh Qappas

Abai.kz