Beysenbi, 9 Säuir 2020
COVID-19 QAZAQSTANDA. Jwqtırğandar — 764. Jazılğandar — 55. Qaytıs bolğandar — 7
Dep jatır 1405 15 pikir 17 Aqpan, 2020 sağat 17:31

«15 balanı düniege äkelgen anağa 159 mıñ teñge tölenedi»

QR Eñbek jäne halıqtı äleumettik qorğau ministrliginiñ 2019 jılğı jwmıs qorıtındısı jäne 2020 jılğa arnalğan negizgi mindetter boyınşa alqa otırısında vedomstvo basşısı Birjan Nwrımbetov birqatar mälimdeme jasadı. Ministrdiñ aytuınşa, elimizde endi segiz balağa 85 000, on balağa – 106 000, on bes balağa – 159 mıñ teñgeden tölenedi.

«Köpbalalı otbasılarğa tabıstarına qaramastan, balalar sanına qaray saralanğan mölşerde 42 500-den (4 bala) 74 400 teñgege deyin (7 jäne odan da köp bala) tölenetin järdemaqı engizildi. Bwl järdemaqı qazirdiñ özinde şamamen 370 mıñ otbasına tölendi. 2020 jılğa osı maqsattarğa byudjette 177,6 mlrd. teñge qarastırılğan.

Qazirgi uaqıtta 8-şi jäne odan keyingi balağa arnalğan järdemaqılardı şamamen är balağa 4 AEK-ten saralau mäselesin qarastırudamız. Mısalı, 8 balağa beriletin järdemaqı mölşeri 85 mıñ, 10 balağa – 106 mıñ, 15 balağa – 159 mıñ teñgeni qwraydı», - dedi Birjan Nwrımbetov.

Ministrdiñ sözinen wqqanımız, 2020 jılı 1 qañtardan bastap 8-şi jäne odan keyingi balağa beriletin memlekettik järdemaqınıñ mölşeri bekitilgen. Bir qızığı 15 bes balalı otbasığa 159 mıñ teñge beriledi eken. Bizdiñ şendiler oyğa simaytın osınday «köregen» iedeyalardı qaydan tauıp alatınına tañğalmasqa amal joq. Sonı tağı süyinşi swrağanday elge jariyalaydı. Äytpese, 15 bala tapqan anağa mınaday az järdemaqı tağayındau maqtanıp aytatın is emes ekeni sözsiz...

Sonımen qatar Birjan Nwrımbetov jaña täsilderge säykes AÄK toqsan sayın tağayındalatındığın atap ötti. Eger eñbekke qabiletti äleumettik kömek aluşılar jwmısqa ornalasuğa järdemdesu şaralarınan bas tartsa, onda AÄK körsetu bükil otbasına toqtatılatın boladı.

«Ağımdağı jıldıñ 1 aqpanına kömek 37,4 mıñnan astam otbasına nemese 187,3 mıñnan astam adamğa, onıñ işinde 122,9 mıñ balağa tağayındaldı. Sonımen qatar, tabısı az otbasılardıñ balaları üşin kepildendirilgen äleumettik toptama engizildi jäne berile bastadı. Äkimniñ äleumettik mäseleler jönindegi orınbasarları kepildendirilgen äleumettik toptamalardıñ uaqtılı beriluin qamtamasız etui kerek. Tabısı az otbasındağı ärbir balağa memlekettik kömek körsetilui kerek», – dedi ministr.

Abai.kz

15 pikir