جۇما, 10 ءساۋىر 2020
COVID-19 قازاقستاندا. جۇقتىرعاندار — 781. جازىلعاندار — 60. قايتىس بولعاندار — 8
دەپ جاتىر 1407 15 پىكىر 17 اقپان, 2020 ساعات 17:31

«15 بالانى دۇنيەگە اكەلگەن اناعا 159 مىڭ تەڭگە تولەنەدى»

قر ەڭبەك جانە حالىقتى الەۋمەتتىك قورعاۋ مينيسترلىگىنىڭ 2019 جىلعى جۇمىس قورىتىندىسى جانە 2020 جىلعا ارنالعان نەگىزگى مىندەتتەر بويىنشا القا وتىرىسىندا ۆەدومستۆو باسشىسى ءبىرجان نۇرىمبەتوۆ بىرقاتار مالىمدەمە جاسادى. ءمينيستردىڭ ايتۋىنشا، ەلىمىزدە ەندى سەگىز بالاعا 85 000, ون بالاعا – 106 000, ون بەس بالاعا – 159 مىڭ تەڭگەدەن تولەنەدى.

«كوپبالالى وتباسىلارعا تابىستارىنا قاراماستان، بالالار سانىنا قاراي سارالانعان مولشەردە 42 500-دەن (4 بالا) 74 400 تەڭگەگە دەيىن (7 جانە ودان دا كوپ بالا) تولەنەتىن جاردەماقى ەنگىزىلدى. بۇل جاردەماقى قازىردىڭ وزىندە شامامەن 370 مىڭ وتباسىنا تولەندى. 2020 جىلعا وسى ماقساتتارعا بيۋدجەتتە 177,6 ملرد. تەڭگە قاراستىرىلعان.

قازىرگى ۋاقىتتا 8-ءشى جانە ودان كەيىنگى بالاعا ارنالعان جاردەماقىلاردى شامامەن ءار بالاعا 4 اەك-تەن سارالاۋ ماسەلەسىن قاراستىرۋدامىز. مىسالى، 8 بالاعا بەرىلەتىن جاردەماقى مولشەرى 85 مىڭ، 10 بالاعا – 106 مىڭ، 15 بالاعا – 159 مىڭ تەڭگەنى قۇرايدى», - دەدى ءبىرجان نۇرىمبەتوۆ.

ءمينيستردىڭ سوزىنەن ۇققانىمىز، 2020 جىلى 1 قاڭتاردان باستاپ 8-ءشى جانە ودان كەيىنگى بالاعا بەرىلەتىن مەملەكەتتىك جاردەماقىنىڭ مولشەرى بەكىتىلگەن. ءبىر قىزىعى 15 بەس بالالى وتباسىعا 159 مىڭ تەڭگە بەرىلەدى ەكەن. ءبىزدىڭ شەندىلەر ويعا سيمايتىن وسىنداي «كورەگەن» يەدەيالاردى قايدان تاۋىپ الاتىنىنا تاڭعالماسقا امال جوق. سونى تاعى ءسۇيىنشى سۇراعانداي ەلگە جاريالايدى. ايتپەسە، 15 بالا تاپقان اناعا مىناداي از جاردەماقى تاعايىنداۋ ماقتانىپ ايتاتىن ءىس ەمەس ەكەنى ءسوزسىز...

سونىمەن قاتار ءبىرجان نۇرىمبەتوۆ جاڭا تاسىلدەرگە سايكەس ااك توقسان سايىن تاعايىندالاتىندىعىن اتاپ ءوتتى. ەگەر ەڭبەككە قابىلەتتى الەۋمەتتىك كومەك الۋشىلار جۇمىسقا ورنالاسۋعا جاردەمدەسۋ شارالارىنان باس تارتسا، وندا ااك كورسەتۋ بۇكىل وتباسىنا توقتاتىلاتىن بولادى.

«اعىمداعى جىلدىڭ 1 اقپانىنا كومەك 37,4 مىڭنان استام وتباسىنا نەمەسە 187,3 مىڭنان استام ادامعا، ونىڭ ىشىندە 122,9 مىڭ بالاعا تاعايىندالدى. سونىمەن قاتار، تابىسى از وتباسىلاردىڭ بالالارى ءۇشىن كەپىلدەندىرىلگەن الەۋمەتتىك توپتاما ەنگىزىلدى جانە بەرىلە باستادى. اكىمنىڭ الەۋمەتتىك ماسەلەلەر جونىندەگى ورىنباسارلارى كەپىلدەندىرىلگەن الەۋمەتتىك توپتامالاردىڭ ۋاقتىلى بەرىلۋىن قامتاماسىز ەتۋى كەرەك. تابىسى از وتباسىنداعى ءاربىر بالاعا مەملەكەتتىك كومەك كورسەتىلۋى كەرەك», – دەدى مينيستر.

Abai.kz

15 پىكىر