Düysenbi, 1 Mausım 2020
COVID-19 QAZAQSTANDA. Jwqtırğandar — 11308. Jazılğandar — 5404. Qaytıs bolğandar — 41
Bilik 1129 1 pikir 8 Mamır, 2020 sağat 13:08

Memleket basşısı Jeñis künimen qwttıqtadı

Memleket basşısı Qasım-Jomart Toqaev Jeñis künimen qwttıqtadı.

Qwrmetti otandastar!

Barşañızdı Wlı Otan soğısındağı Jeñistiñ 75 jıldığımen şın jürekten qwttıqtaymın!

Bwl mereyli mereke qanqwylı jaudı küyrete jeñip, tuğan jerin qorğap qalğan äkelerimiz ben atalarımızdıñ öşpes erligin däripteydi.

Qazaqstandıqtar qiın-qıstau kezeñde batırlıq pen janqiyarlıqtıñ jarqın ülgisin körsetti. Maydanğa attanğan 1 million 200 mıñ azamatımızdıñ jartısı elge oralğan joq.

Talğat Bigeldinov, Sergey Luganskiy, Leonid Beda, Äliya Moldağwlova, Mänşük Mämetova, Ivan Pavlov, Bauırjan Momışwlı, Sağadat Nwrmağambetov, Mälik Ğabdullin, Hiuaz Dospanova, Raqımjan Qoşqarbaev jäne basqa dañqtı batırlarımızdıñ esimderi mäñgi este saqtaladı.

Soğıs jıldarında Qazaqstanğa köşirilgen jüzdegen öndiristik jäne önerkäsiptik käsiporındarda mıñdağan otandasımız eñbek etip, Wlı Jeñisti jaqındatuğa üles qostı. Ärbir on oqtıñ toğızı Qazaqstanda öndirilgen qorğasınnan qwyıldı. Auıl halqı jauıngerlerdi azıq-tülikpen qamtamasız etu üşin ayanbay ter tökti.

Biz erjürek ağa buınnıñ aldında mäñgi qarızdarmız. Olardıñ qaysarlığı men tözimdiliginiñ, tabandılığı men  patriottığınıñ arqasında beybit zamanda ömir sürip, jarqın bolaşağımızğa jol aştıq.

Biıl mereke küni özgeşe ahualğa twspa-tws kelse de maydangerlerdiñ eşbiri eleusiz qalğan joq.

Ardagerlerimizge mıqtı densaulıq jäne baq-bereke tileymin!

Elimizde ärdayım beybitşilik pen tınıştıq bolsın!

Abai.kz

1 pikir