Almaty qalasy men Almaty oblysy arasyndaghy blok-bekette bolghan qayghyly oqigha jayly aqparat әrtýrli bolyp túr. Aldymen patruli kóligin soqqan jenil avtomobili jýrgizushisi búryn polisiyada júmys istegeni turaly aqparat tarady. Biraq Almaty qalalyq PD baspasóz hatshysy Saltanat Ázirbek búl aqparatty joqqa shyghardy. Artynsha, Almaty polisiya departamentining bastyghy Qanat Taymerdenov kýdiktining polisiyada qyzmet istegenin rastady.

«Ol polisiyada alty jyl qyzmet etti, qyzmettik mindetterin tiyisinshe oryndamaghany ýshin tórt tәrtiptik jaza aldy. Búl onyng ishki ister organdarynan ketuine sebep boldy. Biraq ol odan keyin de ózi ýshin dúrys qorytyndy jasay almady. Zandy búzyp, rólge mas kýiinde otyryp, qylmys jasady», - degen edi Qanat Taymerdenov.

Alayda búl aqparattyng da týbi shiyki sekildi. Óitkeni kólik tizgininde bolghan Azat Azamatovtyng әkesi 31 arnagha bergen súhbatynda apat bolghan kýni úlynyng kezekshilikte bolghanyn aitady.

Ózi de ishki ister organdarynda 28 jyl júmys istegen Talghat Múqashevtyng aituynsha, Azat Azamatovty búrynghy polisiya degen aqparat jalghan. Ol tipti osy aidyng basynda ghana leytenant shenin alghan. Koronavirus kezinde demalyssyz júmysqa shyghyp, sharshap jýrgen.

«Koronavirus ýshin mýlde demalghan joq. 18-19 kýn júmys istedi. Jol apaty tanghy 5-te bolghan, sol uaqytta úiyqtap qalghan boluy mýmkin dep oilaymyn. Adam demalmay júmys istese, rólde otyryp úiyqtap qaluy mýmkin. IYә, ol zang boyynsha jol apaty ýshin jauap berui kerek. Biraq men onyng әriptesterin qasaqana qaghyp óltirdi degenge senbeymin», - dedi Azattyng әkesi.

Ishki ister organdarynda úzaq uaqyt qyzmet etip zeynetke shyqqan Múqashev oqighanyng anyq-qanyghy kameragha týsui kerek ekenin aityp otyr. Ol qúrylghynyng isten shyqqanyna kýmәn keltirdi.

«Qaytys bolghan jigit balasynyng shildehanasyna shaqyrghan eken. Ekeui aralasqan. Sóite túra, qalay qylmysqa bardy dep oilaysyzdar. Qasyndaghy joldasyna qasqyr da qastyq qylmaydy. Búl oqys oqigha ghoy. Qaytys bolghan azamattardyng ata-anasyna, tuystaryna qayghyryp kónil aitamyn», - dedi Múqashev.

Esterinizge sala keteyik, 25 mamyr kýni Almaty oblysy, Qarasay audany, Kóksay yqshamaudanyndaghy blok-bekette bolghan qayghyly oqighadan eki polisiya qyzmetkeri kóz júmdy. Bireui auyr jaraqat alyp, auruhanagha jetkizilgen.

1992 jylghy azamat mingen kólik aldymen baqylau-ótkizu beketine, sosyn polisiya kóligine soghylghan.

Qayghyly oqighadan keyin IIM tekseris jýrgizip, aldyn alu júmystaryn jýrgizude olqylyqtar oryn aldy degen sheshimge toqtaghan. Tәrtip búzghan qyzmetkerlerge der kezinde tiyisti sharalar qoldanylmaghan eken. Sonymen qatar, BAQ-qa aqparatty búrmalap úsynu faktisine de bagha berilgen. Sóitip, ministr Erlan Túrghymbaevtyng búiryghy boyynsha 9 poliyseyge tәrtiptik jaza berilgen. 3 poliysey qyzmetinen bosatylghan.

Abai.kz