Seysenbi, 15 Mausym 2021
Kýbirtke 2072 19 pikir 30 Mamyr, 2020 saghat 11:24

«Qughyn-sýrgin qúrbandaryn aqtau ýshin memlekettik komissiya qúrudy tapsyrdym»

Memleket basshysy Qasym-Jomart Toqaevtyng Sayasy qughyn-sýrgin jәne asharshylyq qúrbandaryn eske alu kýnine oray ýndeui

Qúrmetti otandastar!

HH ghasyrdyng 20-50 jyldaryndaghy sayasy qughyn-sýrgin zobalany – halqymyzdyng tarihyndaghy qasiretti kezen.

Qazaqstan tәuelsizdik alghannan keyin osy nәubetting qúrbandaryn mәngi este qaldyru ýshin memlekettik dengeydegi tiyisti sharalardy jýzege asyra bastady.

1993 jyly «Jappay sayasy qughyn-sýrgin qúrbandaryn aqtau turaly» zang qabyldandy.

1997 jyly Elbasy N.Nazarbaevtyng Jarlyghymen 31 mamyr Sayasy qughyn-sýrgin qúrbandaryn eske alu kýni retinde belgilendi.

Kenes zamanynda ómir sýrgen halyqtargha «ýlken terrordyn» orasan zor qasiret әkelgeni esimizde. Zúlmat jyldarda Qazaqstangha KSRO-nyng týkpir-týkpirinen bes millionnan astam adam jer audaryldy.

100 myngha juyq azamatymyz qughyn-sýrginge úshyrap, sonyng 20 mynnan astamy atyldy.

Jazyqsyz jazalanghandardyng qatarynda Á. Bókeyhan, A. Baytúrsynúly, M. Tynyshbaev, M. Dulatúly, T. Rysqúlov, M. Júmabaev, S. Seyfulliyn, I. Jansýgirov, B. Mayliyn, S. Asfendiyarov siyaqty kórnekti memleket jәne qogham qayratkerleri, basqa da últ ziyalylary bar.

Otanyn satqandar әielderining Aqmola lageri («ALJIYR») sol jyldardaghy qatygezdik pen jauyzdyqtyng qara tanbasynday boldy. Múnda sayasy tútqyndardyng jaqyn tuystary, әielderi men balalary qamaldy.

Býgin biz újymdastyru jyldarynda ashtyqqa úshyraghandardy, sonday-aq tughan jerinen ketuge mәjbýr bolghandardy da eske alamyz. Búl zobalannyng qasiretin ýsh milliongha juyq adam tartty.

Sol jyldardaghy orasan zor adam shyghyny men taghdyr tauqymeti әrbir azamattyng jýregine jara saldy.

Totalitarizmnen zardap shekken kóptegen últ ókilderi ýshin qazaq jeri qútty mekenge ainaldy. Ata-babalarymyzdan daryghan qaysarlyq pen tózimdilikting arqasynda qatang synnan abyroymen ótip, birtútas últ retinde biriguge mýmkindik aldyq.

Býginde respublika ónirlerinde «Qazaq halqyna – myng alghys» monumentteri ornatylghan. Búl – qazaq júrtynyng aq peyili men danalyghyna degen sheksiz rizashylyqtyng belgisi.

Tarihy әdildikti qalpyna keltiru júmystaryn ayaqtap, sayasy qughyn-sýrgin qúrbandaryn aqtau ýshin arnayy memlekettik komissiya qúrudy tapsyrdym.

Biz jazyqsyz jazalanghandardyng әrqaysysyn este saqtau arqyly ghana kemel keleshekke jol ashamyz. Bolashaqtyng berik negizi Tәuelsizdikten bastau alady.

Ótken ghasyrdaghy eng qily kezenning birinde jazyqsyz japa shekkenderding ruhyna taghzym etu –  barshamyzdyng perzenttik boryshymyz.

Qasym-Jomart Toqaev,

Qazaqstan preziydenti.

Abai.kz

19 pikir