Qazaqtandyq internet-forumdarda senzuragha qarsy narazylyq bildiruge ýndegen belgi osylay beynelengen. Almaty, mamyr, 2009 j.

EQYÚ Qazaqstan parlamenti sәrsenbi kýni qabyldaghan zang jobasy elde internet erkindigi men sóz bostandyghyn shekteytinin eskertip, preziydent Núrsúltan Nazarbaevty ol zangha qol qoymaugha shaqyrdy. Múnyng aldynda Jurnalisterdi qorghau komiyteti de osynday ýndeu jasaghan bolatyn.
EQYÚ-nyng aqparat erkindigi jónindegi ókili Miklosh Harasty Qazaqstan preziydenti Núrsúltan Nazarbaevqa joldaghan hatynda el parlamentining sәrsenbi kýni maqúldaghan internetke qatysty zang jobasyna syn aitqan.
«Senat engizgen azdaghan ózgeristerge qaramastan, búl zang jalpy alghanda internet pen aqparat erkindigin shekteydi. Ol zannyng kýshine enui - Qazaqstannyng búqaralyq aqparat qúraldaryn retteudi demokratiyalandyru isindegi keri qadam boluy mýmkin» delingen Miklosh Harastiyding Qazaqstan preziydentine jazghan hatynda.
Miklosh Harastiyding aituynsha, EQYÚ-nyng ol basqaratyn kensesi kezinde osy zang jobasy aqparat erkindigi men sóz bostandyghynyng talaptaryna qanshalyqty sәikes keletindigine zandyq túrghyda saraptama jýrgizip, Qazaqstan biyligine qúqyqtyq jәrdem kórsetken. Ol boyynsha әzirlengen úsynystar Qazaqstan biyligine biylghy aqpan aiynda berilip, sәuir aiynda Astanada tanystyrylghan.
Miklosh Harasty Qazaqstan búl zang jobasynyng EQYÚ-nyng talaptary men mindettemelerine qarama-qayshy keletin tústaryna preziydent Nazarbaevtyng nazaryn audarghan:
– Blogtar, chattar, forumdar jәne ózge de internet-resurstardy dәstýrli búqaralyq aqparat qúralyna tenestiru internetti paydalanu qúqyghyn esh negizsiz shekteydi.
– Kez-kelgen búqaralyq aqparat qúralynyng júmysyn nemese habar taratuyn toqtatugha negiz bolatyn sebepterding tizbesi úlghayady.
– Qazaqstan azamattarynyng sheteldik búqaralyq aqparat qúraldarynan nemese kez-kelgen sheteldik internet-resurstan aqparat alu erkindigi shekteledi.
Núrsúltan Nazarbaevqa jazghan hatynyng sonynda EQYÚ-nyng ókili Miklosh Harasty eger Qazaqstan preziydenti osy zang jobasyna veto qoysa, onda búl Qazaqstannyn, EQYÚ-na tóraghalyq mindetine kiriser aldynda, osy halyqaralyq úiymnyng baspasóz erkindigin qamtamasyz etu jóninde óz moynyna alghan mindettemelerin tolyghymen qúrmetteytindigining aiqyn belgisi retinde qabyldanuy mýmkin ekendigin jazady.
Múnyng aldynda Qazaqstan basshylyghyna dәl osynday ýndeudi shtab-pәteri Niu-Yorkte ornalasqan Jurnalisterdi qorghau komiyteti beyýkimettik úiymy da jasap, preziydent Núrsúltan Nazarbaevty internetti baqylaytyn zang jobasyna veto qonggha shaqyrghan bolatyn. Atalghan komiytetting Europa men Ortalyq Aziya boyynsha baghdarlamasynyng ýilestirushisi Nina Ognyanova mausymnyng 24-i kýni Azattyq radiosyna bergen súhbatynda bylay degen edi:
«Qazaqstan parlamenti mausymnyng 24-inde maqúldaghan búl zang jobasy endi birneshe aidan keyin Europadaghy qauipsizdik jәne yntymaqtastyq úiymyna tóragha bolatyn memleket ýshin sәtsiz qadam bolyp tabylady. Biz búny Qazaqstannyng adam qúqyqtary men baspasóz erkindigi jaghdayyna qatysty keri qadam bolady dep sanaymyz. Biz preziydent Núrsúltan Nazarbaevty atalghan zangha veto qongha shaqyramyz».
Sәrsenbi kýni Qazaqstan Parlamentining Mәjilisi aqparattyq-kommunikasiyalyq jeliler mәseleleri jónindegi zannamagha Senat úsynghan ózgeristermen kelisip, týpkilikti qabyldaghan song zang jobasy qol qong ýshin el preziydentine jiberildi.
Zannamagha engizilgeli otyrghan búl ózgerister boyynsha Qazaqstandaghy barlyq internet-resurstar dәstýrli BAQ-qa tenestiriledi. Sonday-aq búl qújat zannamagha sәikes kelmeytin Qazaqstanda taralatyn sheteldik BAQ ónimderine qatysty shaghymdanushynyng mekeni boyynsha jәne jauapkerding qatysuynsyz sot óndirisining bolu mýmkindigin de qarastyrady.

«Azattyq» radiosy 25 mausym 2009 jyl