Premier-ministr Asqar Mamin 12 mausym kýni Jambyl oblysyna júmys saparymen barghan. Ýkimet basshysy onda vaksina shygharatyn biofarmasevtikalyq zauyttyng qúrylysyn bastap bergen bolatyn.

Býgin belgili bolghan aqparattargha qaraghanda, dәl osy saparda ýkimet basshysy mingen úshaqtan aqau shyghyp, apatty jaghdayda qonghan kórinedi. Aldyn ala derekter boyynsha, tikúshaqtyng negizgi su jýiesi isten shyghyp, Taraz qalasynan 180 shaqyrym jerdegi Tasótkel auylyna qonghan. Búl turaly ýkimetting baspasóz qyzmeti resmy habarlady.

- 12 mausymda premier-ministr Asqar Mamin bastaghan Ýkimet delegasiyasy Jambyl oblysyna júmys saparymen baryp, aimaqtaghy memlekettik әleumettik-ekonomikalyq baghdarlamalardyng iske asyrylu barysyn tekserdi.

Aymaqqa issapar barysynda delegasiya «Qazәueqútqaru» AQ tiyesili № UP-MI705 tirkelgen Miy-171 tikúshaghymen Qorday - Taraz baghytynda úshty.

Aldyn ala derekter boyynsha, tikúshaqtyng negizgi su jýiesi isten shyghyp, Taraz qalasynan 180 shaqyrym jerdegi Tasótkel auylyna qonghan. Abyroy bolghanda, jolaushylar men ekipaj mýsheleri aman, әue kemesi býlinbedi, - delingen habarlamada.

Búl aqparatty «Qazәueqútqaru» AQ qoghammen baylanys jónindegi mamany Anar Hamitova da rastap otyr. Onyng aituynsha, qúlap qala jazdaghan tikúshaqta Mamin men Saparbaev bolghan.

- Tikúshaq Jambyl oblysyndaghy Qordayda tәrtipsizdik bolghan aumaqty ainalyp jýrgende eseptegish gidravlikalyq jýie isten shyqqan. Bortta Premier-ministr Asqar Mamin men Jambyl oblysynyng әkimi Berdibek Saparbaev boldy. Barlyghy din-aman ekinshi bortqa otyrghyzyldy. Endi azamattyq aviasiya salasyndaghy uәkiletti organ, yaghny Industriya jәne infraqúrylymdy damytu Ministrligi aqaudy anyqtau ýshin komissiya qúrady. Komissiya tikúshaqtyng búzylu sebepterin anyqtaydy, - depti maman.

Biraq búl úshaqta koronavirus júqtyrghan densaulyq saqtau ministri Eljan Birtanov bolmaghan kórinedi. Búghan deyin Birtanovpen birge jýrgen Bilim jәne ghylym ministri Ashat Aymaghambetov, Jambyl oblysynyng әkimi Berdibek Saparbaev jәne Asqar Maminning test tapsyryp, oqshaulanghany habarlanghan edi.

Abai.kz