Qalabaev Zamanbek Núrqadilúly...
El shulap jatqannan son, Zamanbek Núrqadilovtyng tuystarynyng shejiresin qarap shyqtym. Sodan úqqanym mynau!
Qalabaydan Kebekbay, Bayqoja, Núrqoja atty ýsh úl tughan.
Kebekbaydan - Núrqadil, Núrqadilden - Zamanbek taraydy.
Demek, Qalabay degen Zәkenning әkesining emes, arghy babasynyng aty. Qújat qate toltyrylyp, tegi men әkesining aty auysyp ketken.
Dúrysy bylay:
- ZAMANBEK (bala)
- NÚRQADIL (әke)
- KEBEKBAY (ata)
- QALABAY (baba)
Albandar shejiresinde de, Qonyrbórik Tamalar shejiresinde de osylay tarqatylghan (dúrysyn bir Alla biledi).
Al, syrqat Raya anamyz Qalabay babanyng taghy bir úly Bayqojadan (Qalabaydyng bel balasynan) tughan qyz.
Raya apay - Qalabaygha nemere.
Zamanbek agha - Qalabaygha shóbere.
Qazaqy jolmen qualasan, syrqat kisi Zәkenning emes, Núrqadilding qaryndasy bolyp shyghady.
Qúdayberdining balasy Shәkәrimning jasy Abaymen qaraylas boldy ghoy. Dәl sol siyaqty Zәkenning jasy kishi әkesining key balalarynan ýlken bolyp túr.
Demek, Raya anamyzdyng kózimen qarasang Zәkeng ekeuining arasy eki ata aralap baryp qosylady.
Al, Zamanbek aghanyng úrpaghy ýshin arada ýsh ata bar.
Núrqadil soghysta qaza tapqan son, anasy Panargýl men Zamanbekti alyp, naghashylaryna kóship ketken.
Endi әmengerlik mәselesine kelsek... Qazaq saltynda bauyr bauyrynyng әieline әmenger bola alady. Al, kishi әkesi (Bayqoja) balasy Núrqadilding (aghasy Kebekbaydyng úly) jesirin әmengerlikke alugha haqysy joq.
Sondyqtan anyghyna kóz jetkizbey jatyp, «tughan bauyry» dep shulaudyng qajeti joq-au! «Tughan bauyry» bolghan kýnning ózinde ony aragha ondaghan jyldar salyp, ýy alu maqsatynda jariya etuding ne keregi bar?
Zәkeng naghashylarynyng qolynda óskendikten, óz tuystaryn keyinnen tapsa kerek.
Ras, eldi dýbirletken súhbatty kórip shyqtym. Dereu kópke qosylyp, az-maz aqsha audardym. Últym dep sheyit ketken arda azamattyng tuysynyng jaghdayy jýrekti auyrtty. Zәkeng qazirgi shendilerdey paraqor bolsa, jaqyndaryn ýlde men býldege orap tastar edi ghoy dep te oiladym. Búl bir.
Ekinshiden, Zәkenning jamaghayyn qaryndasynyng ýisiz-kýisiz jýrui Zamanbek Núrqadilúlynyng arynyng qanday taza ekenine taghy da jariya dәlel boldy.
Súhbatta Zәkeng jamaghayyn Raya qaryndasyna kishkene qyzmet úsynghany (tómennen basta dese kerek), ony qaryndasy qabyl almaghany, keyinnen audan basshylaryna habarlasyp, júmysqa túrghyzghany aitylyp qaldy. Búl da Zәkenning qanday әdil hәm janashyr adam bolghanyn aighaqtay týsti dep oilaymyn!
Demek, әl-әzir býlingen eshteme joq. Tek tuystary tarapy «biz olargha jәrdemdesip túramyz, bizdi nege qaralaydy?» dep ókpelep jatqanyn bayqap qaldym. Er-toqymdy bauyryna alyp tulaghanmen endi eshtene ózgermeydi. «Ózin-ózi ýsh ret atty» degen jalagha da shydaghan halyqpyz ghoy! Búl da, ótedi, ketedi, úmtylady...
Bastysy, el bolyp, jәrdem berip jatyr. Mening biluimshe, ýy alatyn qarjy da jinalyp qalsa kerek. Syrqat anasyn bir ózi qarap jatqan kelinshekting de jaghdayyn týsineyik. Onyng basty maqsaty ýy alu bolghany kórinip túr. Alsyn! Qútty qonys bolsyn!
Biraq deymin de, elding sanasyna kóp kýdik úyalatpay sol ýidi әruaqtyng atyn saudalamay da alugha bolmas pa edi?
Meni osy súraq mazalaydy?
Siz qalay oilaysyz?
P/S... Zәkenning jeti atasy mynanday:
- ZAMANBEK
- NÚRQADIL
- KEBEKBAY
- QALABAY
- DONBAY
- BAYQÚLAQ
- SASYQ
- QANGELDI
- BÚQAR
- TAMA
- JARMAN
- QONYRBÓRIK
Qanat Ábilqayyrdyng Facebook jelisindegi jazbasy
Abai.kz
