Pavlodar qalasynda mәn-manyzy eskirgen keybir kóshelerding atauyn ózgertu jóninde qoghamdyq tyndau ótkizildi. 

Jiyn qazirgi pandemiya jaghdayyna baylanysty ZOOM baghdarlamasy arqyly onlayn tәrtibinde  jýrgizildi de, oghan qalalyq kenesting deputaty Qobylan Kojin moderator boldy. Qala әkimining orynbasary Svetlana Gladysheva auystyrylugha úsynylghan 30 kóshening atauy men jana ataulardy oqyp, tiyisti mәlimetterdi ortagha saldy. Qoghamdyq úiymdar ókilderi, enbek ardagerleri, shygharmashylyq adamdary pikirtalasqa qatysyp, týrli kózqarastary men úsynystaryn bildirdi. 

Talqylaudyng sonynda qalalyq mәslihattyng deputaty Igori Veretnov túrghyndar tarapynan jasalghan keybir eskertpe men ótinishke oray 7 jana ataudy osy joly qaramay, keyinge qaldyru jóninde oy aityp edi, әriptesteri birden maqúldady. Al qalghan 23 kóshe atauynyng auystyryluyn  deputattar toby qoldap dauys berdi.    

Bir әttegene-ayy, ZOOM konferensiyagha 100 adam ghana qatysa alady eken. Nebir til janashyrlary jiyngha kire almay,   qatty qynjyldy! Degenmen aituly oqighagha qyzyghushylyq tanytqan jýzdegen adam feysbuk jelisi arqyly jýrgizilgen tikeley efirdi tamashalau mýmkindigine ie bolyp, qabyldanghan sheshimge rizashylyq sezimderin bildirdi. Aytpaqshy, pavlodarlyq aqyn, enbek ardageri Konstantin Lunin tәrizdi últy orys jerlesterimizding qanshasy kóshe ataularynyng ózgerui qalypty jaghday ekenin әuelden-aq aityp jýr. Biraq tyndaytyn qúlaq qayda?..

Búdan búrynghy maqalamyzda (https://abai.kz/post/130829?fbclid=IwAR2O_4zKiKD0IUiEVT7hiM2MPlQIPYWrWCrX1PdPXlZjTXpKs6u7bqhZo70 ) qala men kóshe ataularyn auystystyrugha jan-tәnimen qarsy keritartpa top jayynda jazghanbyz. Olar búl joly da eski әdetine basyp, instagram әleumettik jelisindegi pavlo.detka, tipavlo.dar, kerek.pv akkaunttary arqyly shu kóterdi! Qazaqstan men ónir tarihynan mýlde habary joq bireuler: «Biz bilmeytin adam attaryn nege kóshelerge qoyady?! –  dep baybalam saldy. Endi bireuleri kóshe atauyna úsynylghan tarihy túlghalardyng esim-soylaryn búrmalap mysqyldap, últy qazaq qogham belsendilerinin  is-әreketterin synap-minedi! ZOOM konferensiyagha kire almaghandary úiymdastyrushylar qasaqana tosqauyl qoydy degen payymdauyn shyndyq esebinde ótkizgisi keldi. Kerisinshe,  pavlo.detka, kerek.pv akkaunttarynda qazaq tili  janashyrlarynyng enuine shekteu qoyylyp, bóget jasalghany jóninde  jaq ashpady. Patshalyq-kenestik dәuirdi kókseushilerding biri onlayn konferensiyanyng aiqyndaghyshy men kiru kody aldyn-ala oblystyq gazetterge jariyalanghanyn  jadynan shygharyp, búl derekterdi tipti kesh bildik dep ezeuredi. Keybireui oblys pen qala basshylaryna aibat shekti! Jergilikti «Irbiys» telearnasy da solardyng soyylyn soqty. Negizgi maqsat: qoghamdyq tyndaudyng zang shenberinde ótkenin teristep, Kenes  kezenin dәripteytin kóshe ataularyn saqtap qalu ekeni әmbege ayan!  

Pavlodar qalasynda 335 kóshenin  62-si (bir derekte 85-si) ghana qazaq tilinde ekenin esterinizge salamyz. Endi búghan 30 kóshe qosylsa da qazaqy ataulardyng sany jalpy ataulardyng jartysyna da jetpeydi eken. Onyng ýstine patsha zamanynda nәreste patshazada Pavel Romanovtyng qúrmetine qoyylghan qala atauy da sol bәz-bayaghy qalpynda túr. 

Qalay desek te, bir jayt anyq: qaladaghy qoghamdyq úiymdar men qalanyng qúrmetti azamattarynyng úsynystary boyynsha tiyisti sheshim shygharghan qalalyq mәslihat deputattaryna әlgi top yqpal ete  almaydy! 

Bizding oblys onomastika sayasatyn jýzege asyru baghytynda elimizding ontýstik pen batys ónirlerinen, Almaty men Núr-Súltan qalalarynan ozyp ketpese de, batyl qimyldap keledi. Eng bastysy, keruenimizding baghyty týzu, barar jeri aiqyn. Endeshe, sonymyzdan baybalam salghan toptyng isine renish bildirgenimiz dúrys emes shyghar...

Arman Qaniy,

Pavlodar qalasy

Abai.kz