III

Quat ekeumiz ertenine tanerteng anket toltyryp bere baryp, sayasy bólimge kórgen-bilgenimizdi týgel tóktik te, molyraq qaghaz kóterip shyqtyq. Ýrimjide gomindannyng barlyq aimaq-audandardaghy ózimiz biletin beyuaz sary, kók kóz jiyren, boz kóz kýrenderimizdi týrmege jighanyn, «Shinjangha basyp kirgen Sovet armiyasy» degen jalamen tónkerisimizdi qaralap jatqan arsyzdyqtaryn feliyetongha* ainaldyrdyq, gazetterde jariyalaugha da, baylanysty oryndargha joldap beruge de qolayly etilip jazyldy. Múnan songhy jazbaghymyz qolbasshylyq shtapqa jaudyng ishki, naqtyly jaghdayynan mәlimet qana edi, Shinjandaghy gomindannyng iyegi dirildep, siraghy qaltyraghanyn, Ýrimjini qos býiirden qysa qoysaq, qúiryghyn qysa zytatynyn, ruhy jaqtan tolyq kýiregenin dәleldeymiz dep úzaq shygharmagha ainaldyryp aldyq. Ásirese osyny bile otyryp osy ózennen ótpey bitimge keluding halyq aldynda zor qylmys bolatyny jónindegi dәleldeuimiz bir tomgha ainaldy. Ezilushi últtardyng ezushi shovnizmshil ýkimetke qarsy tónkerisin buyp tastaghandyq, jenip kele jatqanymyzda jelkemizden basa qoyghandyq bolatyndyghyn kórsetu ýshin Markstik filosofiyagha ekinshi kýni tanerteng sýngip ketip, keshke jaqyn әreng shyghyppyz.

III

Quat ekeumiz ertenine tanerteng anket toltyryp bere baryp, sayasy bólimge kórgen-bilgenimizdi týgel tóktik te, molyraq qaghaz kóterip shyqtyq. Ýrimjide gomindannyng barlyq aimaq-audandardaghy ózimiz biletin beyuaz sary, kók kóz jiyren, boz kóz kýrenderimizdi týrmege jighanyn, «Shinjangha basyp kirgen Sovet armiyasy» degen jalamen tónkerisimizdi qaralap jatqan arsyzdyqtaryn feliyetongha* ainaldyrdyq, gazetterde jariyalaugha da, baylanysty oryndargha joldap beruge de qolayly etilip jazyldy. Múnan songhy jazbaghymyz qolbasshylyq shtapqa jaudyng ishki, naqtyly jaghdayynan mәlimet qana edi, Shinjandaghy gomindannyng iyegi dirildep, siraghy qaltyraghanyn, Ýrimjini qos býiirden qysa qoysaq, qúiryghyn qysa zytatynyn, ruhy jaqtan tolyq kýiregenin dәleldeymiz dep úzaq shygharmagha ainaldyryp aldyq. Ásirese osyny bile otyryp osy ózennen ótpey bitimge keluding halyq aldynda zor qylmys bolatyny jónindegi dәleldeuimiz bir tomgha ainaldy. Ezilushi últtardyng ezushi shovnizmshil ýkimetke qarsy tónkerisin buyp tastaghandyq, jenip kele jatqanymyzda jelkemizden basa qoyghandyq bolatyndyghyn kórsetu ýshin Markstik filosofiyagha ekinshi kýni tanerteng sýngip ketip, keshke jaqyn әreng shyghyppyz.

Qorqynyshyna tәuekel aittyq ta, qoqilana aparyp tapsyrdyq. Búl kýnderdegi jatyn ornymyz shtap kazarmasynda bolatyn. Biz bas qolbasshylyqqa tónkeris jóninen aryz tóndirip jatqanymyzda Tóleughazynyng tórt shәii mening tóbemnen aryz tóndirip jatypty. Ýnireygen ózbegim oghan sóilep otyr eken:

- ...Qazir bizding joghary dәrejeli ofiyserlerimizge de enbekaqy shyqpaydy. Ofiyser-jauyngerlerimiz soghysqa týgel óz erkimen qatynasyp otyr. Olardyng jeke bastaryna ghana túrmys qarajaty beriledi. Barlyq әskery rashotty qazirgi azat ýshin aimaqtyng baylary, bardam azamattary ghana ýstine alghan. Olar da somany óz erikterimen shygharyp jatyr. Siz de Shyghys Týrkistan azamatynyng birisiz. Qane, tónkeriske siz ne qosasyz? Bighabilmen birge armiya qataryna qosylasyz ba әlde rashottyq soma shygharasyz ba?...

- Jana aittym ghoy, taqsyr, -dep Tóleughazy qos qolyn keudesine qoyyp, býktele iyildi, - siniri shyqqan jalang ayaqta ne soma bolmaq, taqsyr-au!

- Olay bolsa, әsker bol, jalang ayaq qaldyrghan gomindangha qarsy túrmaymysyn?!

- Densaulyghym joq, auruly adammyn ghoy, taqsyr-au! Áytpese kәpirmen soghysudan nemdi ayaydy deysiz!

- Dәriger bar, teksertemiz! -dedi aq súry úighyr kýlip jiberip.

- Din islam ýkimeti bolghan song mendey paqyrdy zarlatpay, alal aqymdy alyp berer dep kirip edim. Bolmasa, keteyin endi, keteyin! Balalarym jas, qatyn da dimkas; ýiden shyqqanyma kóp bolghan, shulap, shiqyldap otyrghan shyghar. Qúdaydan kýttim, Bighannyng óz adamgershiligine tapsyrdym!...

Esikke bettey bergen Tóleughazyny túsynda otyrghan Quat ústay aldy. Qatty yzalanyp otyr eken. Bileginen býre týsti:

- Toqta, sen! At әperu ýshin jiyrma-otyz shәiynan keshken qasyndaghy eki qoyshy qalay shydady?! Bir ghana etik ýshin Bighabilding sonynan nege qalmay qoydyng osynsha?

- Nemene, múnyng tórt shәy daghuasy bir ghana etikting mәselesi me?! -dep aq súry ornynan ytyp túrdy.

- Bighabil bolmasa qaraqshygha eki qorjyn shәiyng týgil, janyng da jem bolyp edi ghoy, netken arsyz bәtshaghar edin! -dep tastaghan Quat, bolghan jaydy eki ofiyserge jaylap týsindire bastady...

«Soghys! -dedim men ishimnen. - Qandy auyz qasqyrlar joyylsa, múnday qapteserler qayter deysin?...»

- Shyq! -dep Tóleughazygha ýnireye qaldy ózbek. - Etigindi qazyr aparyp beredi!

- Olay bolsa almadym taqsyr, Qúday aldynda keshtim, qúday aqyn! -dep Tóleughazy qolyn tóbesine qoya jóneldi. - Keshtim, Bighabil, Qúday desken óz kórshim, almaymyn, almadym!

- Múnday tauyq sanghyryghyn jabystyrghan adam pәlege qalady, - dedi aq súry maghan qarap, - ne dese de etigin qaytaryp ber. Eki-ýsh kýn kiygening ýshin bar shәiin aman saqtap jetkizip beripsin, bolmady ma?...

- Bizdi súraghan polktardyng eshqaysysyna bermepti Ádilbek; oqyghan azamattaryn tizimnen sanap kórsetip qaytarypty. Quat ekeumizdi ondaydan múqtajdyghy kóp eki bataliongha bólgenin aitty.

- Eng aldynghy shepte me? -dep súradym.

- IYә, sary ayaqtarynmen әzildesip otyratyn jerde, - dep jymighan polkovnik resmy shyraygha kele qaldy, - biraq, azamattar, soghys shebining әrqanday minutynda da saqtyq kerek ekenin esterinnen shygharmandar!

Ádilbekting meni saqtandyramyn dep «qapyryq tandyrgha» qamap qong qaupinen saqtanu kerek ekeni esime týse qaldy. Tóte qarasty bastyghyma telefonda tapsyra salsa, qantarylghanym ghoy.

- Qúp, joldas polkovniyk, saqtyq kerek ekenin esten shygharmaugha, saqtyqsyz jenisting joq ekenine! -dep aldyna týse qoyyp edim, otyrghan ornymnan qozghalmay kórsetken búl «itaghatshyldyghyma» kýlkim kelip, ózim jymiya qalyppyn.

- E, mine, jaraydy ekensin! -dep ol jymidy. - Komandiyrinning oilaghan oiyna da jauap qaytara alady ekensin!... Sóitse de baldyz ekening esine endi týsti-au deymin. Shyraghym, men talay qandy shayqastan sening әpekeng ýshin de saqtana soghysu jolymen aman kelemin. Áke-sheshendi esinnen shygharmasan, saqtyq ta sonymen birge jýredi!

- Ápekemning sharapaty sizdi qorghap kelgende, әke-sheshemning sharapaty meni qorghay alar!

Quat ekeui qatar kýldi sózime.

- Jaraydy, jete tauyp sóilespese, jendirmeske ketken jigit kórinesin, bala shaghynda «ýndemey jýretin ýidey pәle» dep estip edim, sol ras kórinedi!... Aldynghy kýni ýiine qayta túrudy aitqanymda jylap edin, býgin qúral tiyerde kýlip jiberdin-au, múnyng jayyn da túspaldap otyrmyn... Kek alu joly keninen oilaumen ghana tabylady, -dep qalyp kidirgen Ádilbek saghatyna qarady da, sózin short-short qayyrdy. - Jә, sen osy bólimge keshki saghat toghyzda bir kelip qaytarsyn! Qazir myna qabyrghadaghy qamdau bólimine kirip, myna talondy berinder!...

Aldyn ala toltyrylyp, tanba basylyp qoyghan talondy apardyq ta bir-bir jauyngerlik formaly kiyimdi etigimen kóterip shygha berdik. Belbeu salpynshaqtaryna qaraghanda tym jay jauynger emes siyaqtymyz...

Sayasy bólimdegilerding qaytalap aituy boyynsha, ertenine tanerteng «Tóleughazynyng etigin» aparyp edim, onan sayyn bezektep, azarda-bezer boldy:

- Almaymyn degen song almaymyn, eki dýniyede qaryzy joq, sening azamattyghyna әpergenim bolsyn!

- Qazir alasyn! -dedi Qajiyakbar zekip, -qaytyp barghanda týp eteginen almaqsyng ghoy! Bile bilseng Bighabil qaryzdar emes, oghan sen qaryzdarsyn! Setik sarynyng aidauynan janyndy qútqardy, dalada qaldyrghaly túrghanynda malyndy qútqardy. Eng kem bolghanda sol eki qorjynnyng biri osy ekeuindiki. «Qúday aldynda qaryzy joq» dep sol jardyng ýstinde de aiqaylap eding ghoy! Sol aiqayyndy Qúday da estimep pe edi? Men seni shtapqa aparyp moyyndatyp otyryp, alyp beremin bir qorjyn shәiyndy!

Osy kesimdi quattap qoyshylar kerip ala jónelgende ghana kenk-kenk kýlgen Tóleughazy, qarbanday kelip, etikting ókshesinen býre týsti de ala jóneldi...

Qapteserding túyaghynan basqa adam sausaqtarnynyng bәrin qysysa túryp, qosh aitystyq. Ýy ishimizge jazghan hattardy tapsyryp, auyzsha sәlemdi qosa aittyq ta, eki atty iyelerine jetektetip qala berdik. Tóleughazy eki jýz metrdey jerden at basyn qayta búrdy maghan:

- Seni pirim imam aghzamgha tapsyrdym! «Sauda saqal sipaghansha» deytin «sharighatty» sol kisi shygharypty ghoy, neghúrlym aman qayt, adamgershiliginnen әli de ýmitkermin! -dep jele jóneldi.

- Adamgershilikten adam ghana ýmit kýter, qapteser men taskene adamgershilikten ne kýtetinin de aita ketsenshi! -dep men «ótindim» sonynan...

Maydan qolbasshylyq shtabynda kishi ofiyserlerge arnalghan әskery tәrbie kursysyna kirip edik, ýsh-tórt kýn ótisimen-aq, Quat ekeumizge eki at әkelip taghayyndalghan bataliondarymyz ala jóneldi. Tómen әketti.

Aysyz qaranghy kesh edi, Manas qalasy әlde qayda joghary qalghan siyaqty. Tastaqty ózen arnasynan ótip, sazdy-shalghyndy bir ónirge ilinisimizben Quat qaldy. «Seni qabanmen ghana soghystyrmaq eken» dep qynjyla ótip edim; óz jolym keyiske ainala bastady. Sazda, tastaqta qalyp, qúmgha ainaldy. Jaugha jaqyndau ýmitim kýnshyghysqa qaray oiysuymyzda ghana edi, ony da óshkindetip, soltýstikke qaray qayta býrip aparyp, ýsh-tórt toranghynyng týbindegi jer ýige kirgizdi...

Batalion bastyghy otyz jastar shamasyndaghy dәudey monghol eken. Saldyrlaq minezimen tez shyghysty da, ertenine-aq batalion jaghdayyn týsindirip te, óz jayymdy súrap bilip te boldy, men shtap hatshylyghyna taghayyndalyp kelgen ekenmin. Kómekshi hatshylyqqa momyn ghana bir qazaq jigitti berdi de, maghan shtap bastyghyna kómekshilik qyzmetti qosa tapsyrdy. Jau shebinen mәlimet toptap, qaritagha týsirip túratyn boldym.

Búl tústaghy shep barlaushylarynyng bәri aldymen maghan bayandaydy. Men ýshin bir týrli qyzyqty ýirenu bastaldy. Telefonnan qúlaq, qaritadan bas almay, belgi qoya otyryp, jau bekinisterining әsker sany men qaru-jaraq jaghdaylaryn jazamyn. Key keshterde ózim de ilese baryp, qayta anyqtau arqyly qarsy shepting maghan belgisiz júmbaq syryn qaldyrmaghanday boldym.

Bir jarym apta boyy kýndiz-týni zerttegen nәtiyjemdi sәnqoy seruenshi shtap bastyghyna mәlimdey jýrip, bir kýni kombattyn* aldyna jayyp saldym da, bayanday jóneldim, juan basyn birneshe iyzektetip alghan son, osy qarsydaghy jaudy eki-ýsh jauyngermen ghana baryp, zor qyrghyngha úshyratyp qaytudyng mýmkindigin aittym.

- Ózderi atqylaghanda bolmasa, oq shygharmau búiryghy bizge de týsip otyrmay ma? -dep kombatym kýrsindi. Ózi de ish qústa kórinedi.

- Joldas kombat, ózderin ózderi jarkemdeydi, bizding batalion kýledi de jatady, búiryqty biz búzghan bolmaymyz!

- Ha... ha... ha... múnday qulyq tipti... әr jerde bolghanyn estigenmin! Al, múny qaysy barlaushy tolyq orynday alady deysin, qane?!

- Joldas kombat, men ózim tolyq orynday alamyn.. Mine, myna jyrashyqtan ot tútatyp, myna shúnqyrlardan quzaymyz! Búl jerlerge eki ret baryp qayttym.

- Á! ... myna shepting tu syrtyna ma?!... Kimning búiryghymen bardyn?! -degende kombatymnyng jalpaq beti kýrenitip, qiyq kózi shadyrlana qaldy.

Syzba qaritagha tolyq anyqtap alyp týsirudi búiyrghansyz, «tolyq anyqtau» ýshin bardym.

- Qate týsingensin, tipti! -dep qolyn silkip jiberdi. - Ózing bar demedim tipti; barlaushylardy auystyryp, birining baryp qaytqan jerine ekinshisin jiberip anyqtatu kerek!

- Qúp, joldas kombat, qate týsinippin; birining kirip shyqqan jerine, ekinshisin taghy kirgizuge! -dep qaytalaghanymda kombatym kýlip jiberdi:

- Ózing qyzyq neme ekensing tipti! ... Boldy, múnan song ózing barmaysyn!

- Joldas kombat, dәl osy soyqandau júmysqa ózimdi búiyrynyz.. tym bolmaghanda, myna eki rotasyn myqtap qyrqystyrudy menen basqasy tolyq orynday almaydy; әdis kerek. Jobalaghan ózim ghoy!

- Seni Ádilbek polkovniyk, tipti, telefonda maghan kóp tapsyrdy; múnan song tipti jau shebine kirmeysin!... Qazir men kapitan Jýniske, tipti, ysylghan segiz jauynger jiberudi tapsyryp telefon soghamyn. Sen olargha jaqsylap ýiretip, qaytyp kelesin! Býgin kýn búltty, tipti jaqsy týn bolady, býgin oryndasyn!

- Qúp, joldas kombat, segiz jauynger býgin týnde oryndaugha! Olargha tolyq ýiretip qaytugha!...

Bireuinen jenil batinka súrap kie jóneldim de, aitylghan kapitannyng ýishigine ekintide enbektep kirip, tiktele ches berdim:

- Joldas kapitan, barlaushylarynyzgha býgingi joryq jobasyn tanystyrugha keldim, podporuchik Bighabil!

- Jaraydy, eng myqty mashyqtanghandarynan dayyndadym. Bastyq praporshiyk. Tanystyrugha ghana emes, «tolyq ýiretuge» keldin, otyr!... Aldymen bizge ýiret, aqyldasyp kýreyik! Búl sәtimen oryndalsa, zor qyzmet, sәtsizdikke ainalsa, ótushilerding ólim joly!...

Shaqyrghan politrugi* kirisimen jasap әkelgen jobamdy jayyp saldym. Aldymen ótetin «qyl kópirlerdi», sonan song jaudy sastyratyn, birin-biri oqpen bastyratyn taktikany sóiledim.

- Áy, mynauyng tym qaterli eken! - dep kapitan oilanyp qalghanda, - aldymen oq atqan biz ekenimiz bilinip qalsa, jauapkerlik bizge keledi ghoy! - dep politruk Oshyr tomsardy. Kapitan eseley týsti:

- Myna daldalanatyn shúnqyrlaryndy qaranghyda dәl taba almay qalsa, shataqtyng basy sol bolady!

Onda qaterlerding bolmaytynyn ózimning sol jerge qaranghyda eki ret baryp kórgenim arqyly dәleldep edim. Politruk jabysa týsti:

- Olay bolsa, ózing bastap barsang bolar!

- Bolmaydy, kombat Bighabildi joryqqa jibermey qaytarudy búiyrdy! - dep kapitan toytardy ony. Jol-jónekey dayyndap kelgen ótinishimdi býlk etkizdim:

- Kombat súrasa, «joryq nәtiyjesin osy jerden kórip qaytamyn dep okopta jatyr» dey salynyzdarshy, ózim-aq bastap barayyn.... aman bolsaq týn ortasynan beri qaytyp kelemiz!

- Joryqta ólseng birge ketkening bilinip qalmay ma?!

- Olay bolghanda, «akopta jatamyn dep aldap ketipti» dey salmaysyzdar ma?!...

Osyghan kelistik. Mening ózdigimnen qúlshynghanyma qarap, olar qamsyzdanghanday, tez bekidi. Bauyrymyzben jorghalap, barlaushylar jatqan daldagha bardyq. Komandirleri joryq jayyn qysqasha týsindirip, talap etken qarularymyzdy әperdi de, úyalaryna qaytty.

Ymyrt ýiirilisimen-aq ekige bólinetin jerge jetip alyp mindet bólistik. Qay jerden qanday belgimen úghysatynymyzgha kelisken song praporshikke tórteuin qosyp, soyqandaytyn nysanamyzdyng ong jaghynan ótetin ótkelekti kórsettim. Minalanbaghan jerin tauyp ótip jýrgen praporshik búl saparda da qatelespey tauyp ótse, ol jaq qatersizirek edi.

Jandy qyl ýstinen ótkizetin qyly bizge qaldy. «Eki shyntaqpen ghana sýiretiletin ayaqtargha myqty tәrtip qoldansaq, biz de óte shyghamyz» dep bir-birden shúbala enbektedik. «Núriyashym, sening keging ýshin bәrine de shydaymyn» degen sertpen qatty tistenippin. Týksiygen qara súry búltty qaranghy týn. Kýzding batystan soqqan qara yzghyryghy jalandauyn kýsheyte týsti, tym bayau jyljydyq. Bauyrymyzdaghy irkildegen batpaqty shym әreketke jenil júqa kiyimimizge júmsaq tiygenimen, qarnymyzdan qarmap, ouyp jibererdey zәrli. Kómilgen minanyng qateri búl zәrdi eleter emes; bar zeyinmen sony tekserip, toqtap-toqtap óttik. Eni otyz metrdey ghana keletin osy sazdyng eki jaq qyratyndaghy eki bekinis te, olardyng soltýstik jaq syrtynan sorayghan potay da ýnilip túrghanday kóringenimen, óliktey tynysh. Múnday suyq týnekte apanyna kirip býrispey sary ayaq túrghan ba...

Potaydyng shyghys-ontýstik jaghyndaghy jyrashyqqa ótip ayaldadyq, shyntuaytyna kelgende, múnymyz ayal emes, tyng tyndau edi. Potaydyng shyghys-soltýstik jaq syrtyndaghy shúqanaqtargha ekinshi bólimshemizding jetken-jetpegenin baqylap jatyrmyz. Bireui ýirekshe qyrqyldap qalghanda, bizding bir jigit te ýirekshelep jiberip edi, dayyn otyr eken, ajal múnarasynyng súry irgesine jete qarayyp, jabysa qaldy bireui. Biyiktegi qarauyl kózin mauzermen kózep, shanq etkizgenimde, eki bólimsheden shep jayyp jatqan tórt avtomat birdey ot alyp, ózdi-óz tústarynan «týshkirip» jiberdi de tyna qaldy.

«Tu syrtyn týgel jaylap bolghan jyndar» shýidesi men eki shekesinen bir-aq soqqanday shoshynghan potay qútyra ketti de, bar pәlesin bizding basymyzdan asyra, syrtymyzdaghy óz akoptaryna jaudyrdy. Akoptar da kezek alyp týtkilese jóneldi endi.

Potay irgesindegi bizding azamat belgi kýtip әli jatyr. Basqa jauyngerler ózdi-óz mindetterine alghan nysanalaryna oq shygharghanda, artymyzda qalghan eki bekinisti men atqylap oyattym, ózderining artqy kýshterine «qyzyl tilderin» jalaqtatyp, olar da saqyldady. Jibergen «jyndarymyz» týgel sharpypty, rotalar týgel qútyryp, ózdi-óz jauyn tapqanday, týgel oq jaudyrdy.

«Shabuylgha shyqqan» jauynyng «az emes» ekenin endi «týsindi» bilem, shep syrtyndaghy bir top toghaydan zenbirek kýmp-kýmp ete týsti de, aldynghy bekinister men potay aralyghyna eki snaryat týsip jaryldy.

Potay irgesindegi tas jýrek azamattyng tóbesinen belgi oghym sol sәtte ghana eki ysqyryp ótip edi. Onyng qolyndaghy «bújyr soyqan*» potaydyng tómengi atys auzynan kirip, bir-aq kóterdi, kýiretip týsirdi, biz jyra-jyrany qualap, búgha zytttyq ta, sol oirandalghan potay aldyndaghy soqpaq jolgha týsip, jýgire jóneldik. Búl jol sary ayaqtardyng týnderde aldyndaghy búlaqtan su tasityn joly bolatyn. Mina kómilmegeni belgili edi.

Uaghdaly jerimizge jetip, qúshaqtasa-qúshaqtasa týstik. Týp-týgel aman ekenbiz. Jau rotalary baptaryna týp-týgel jetkendey, ózara shaynasyp-qyrqysyp, saqyldasyp jatyr. Soyqan men lang bizding óz mólsherimizden de kenirek taralyp, tuanyn** qamtyghan siyaqty.

Soyqanshylarymnyng bәrin qúshaqtadym, kóz jasym bәrining betine tamdy. Ásirese, potay qoparghan jalpaq qara jigitimning betinen sýie berippin, jylay berippin. Ózimnen jasy kóp ýlken praporshik sóilegende bir-aq týsindim:

- Joldas podporuchiyk, aiypqa búiyrmanyz, doly ekensiz!... Jenisiniz - jenis, myqtylyghynyz - myqtylyq-aq, al myna jylauynyz ne? -dep kýldi.

- Ayypqa siz de búiyrmanyz, aghay! -dep basymdy kóterip alghanymda, jauyngerler myrs-myrs kýldi. Ózimnen dәrejesi kishi ofiyserge «aghay» dep tik túra qaluym әskery tәrtipten syrt, tyng minez bolyp kórinipti. Men kishi ofiyserge raport bergen jauynger inishe tiktele jauap qayyrdym. - Dolylyq qana emes, jaudyng jauyzdyghy maghan donyzdyq minez de sinirgen shyghar. Jenisimiz - kekting jemisi, myqtylyghymyz - kekting tasqyny, al jylauym - sol kek uynyng basytqysy ghana. Áli talay tasyrmyn, әli talay basarmyn. Rahymet senderge, agha-bauyrlar, qayrat senderdiki! -dep tynghanymda, әskery dәstýr boyynsha segizi birdey izetke kelip, jau jaqyn bolghandyqtan bәseng dauyspen ghana «urra» kóterdi. - Sapqa túryndar, qayttyq! -dep aldyna týse jóneldim.

Jau shebi jýn sabaghan tulaqtay satyrlap-saqyldap jatqanda, biz rotanyng sol jaq býiirinen ilinip edik. Okoptaghy jauyngerlerding shattyq kýlkileri men qysqasha qúttyqtau sózderi, shatyrlaghan qol shapalaqtary estildi. Biz de qol sermep, kýlisip kele jatyr edik, qarsy aldymnan kombattyng ózi shygha keldi. Segizi kilt toqtap, qatar tiktele qaldy da, men ilgerilep shyghyp, raport berdim:

- Sәlem, joldas kombat, «it talastyrugha» ketken segiz jauynger týgel aman qaytty, búiryghynyz tolyq oryndaldy, raport bergen Bighabil!

Kombat ong qolyn shekesinen týsirmey, segiz jauyngerding aldyna baryp toqtady:

- Tabystaryndy batalion atynan qúttyqtaymyn, talastyru emes, býkil bir polk jaudyng qarnyn jaryp qayttyndar! -dep kýlip jiberdi. «Ura!» destik biz. Kombat maghan qaramay, praporshikten bastap bәrining qolyn alyp qúttyqtady. - Qaytyp tamaqtanyndar!... Ayyrym tamaq berilsin! -dep art jaghyndaghy kapitangha búryldy. Meni jazagha qaldyruy edi búl. Izettegi qalpymmen janay qarap túra berdim. Serikterim de oryndarynan qozghala qoymady; tәrtip boyynsha joryqtaghy óz komandiyrining búiryghyn estip taramaq. Biraz ýnsiz qarap túrghan kombat, súraq qoydy maghan:

- Sen tipti búiryqty qalay oryndadyn?!

- Joldas kombat, búiryghynyz boyynsha «tolyq» ýirettim!

- Kimge tolyq ýirettin, tipti?!

- Oryndaushy jauyngerlerge!... Baryp ýiretpesem, minalanghan alaptan ótudi ýirene almaytyn boldy, bastap ótkizip, ber jaghyna qayta kelip, baqylap jattym.

Art jaghynda túrghan kapitan men politruk bastaryn iyzey jymiysty. Jauabymnyng týtini sharpusyz dúrys shyqqanyn bayqap, men jymidym. Jau shebindegi tolassyz shayqasty tyndap túrghan kombat ta jymiyp, kapitangha qarady. Politruk Oshyr kýbirley sóiledi:

- Joldas Sholymbaty, Bighabilding baryp ýiretuine sebep bolghan menmin!

- Óziniz de «tolyq ýiretudi» tapsyrghan ekensiz! - degendi kapitan Jýnis kýmiljitkende ghana shyqty kombat keshirimi:

- Aman qaytqan song bolypty, tipti, kýnәndy bir ret keshtim!... Tamaqtanyndar!... Ekinshi búlay jýrseng bolmaydy!

- Qúp, joldas kombat, bolmaugha!... Tarandar, batyrlar!... tamaqtanyndar!

Soyqandastarym mening jauabyma kýlise tarqady. Kombattyng qúttyqtau qoly olar ashanagha ketken song jetti maghan. Rota basshylary kezektese qúshaqtady.

- Búl ózi, tipti, qabiletti jigit kórinedi. Biraq, tipti, tәrtipsiz! - dep kýlimsiredi kombat. Jau shebinen, endi granat laqtyrysqanday qoparylystar estildi.

- Mine, endi tipti qyrylysty, - dep kýldi Jýnis kapitan, - Bighabilding osy tәrtipsizdigin ózi baryp oryndasyp kelse de keshirinizshi kombat! «Tolyq ýiretu» búiryghynyz tolyqtan da tolyq oryndalghan song bolmady ma? Jau jaq býgin bizge shabuyl jasay almaydy, әitse de, saqtyq ýshin men qala túrayyn, sizder tamaqtanynyzdar!

- Zenbirekteri, tipti, alghashqy bir retten song atylmay qaldy ghoy, -dep kombat kýbirledi, - tegi, tipti, birdene estigen bolar, aldynghy shebine telefon jetkize almay jatyr. Toqtatu búiryghy jete qalsa, mynalar yzamen bizdi atqylauy mýmkin. Onda biz qarsy shara qoldanamyz.

Politruk basqa joramal aitty:

- «Qoyan-qoltyq aralasyp ketken jaugha» zenbirek júmsay ala ma, olar solay týsingendikten oq ata almay qalghan shyghar, kelse, zapas polki keler... Nede bolsa, osyndayda tamaqtanyp alghanymyz dúrys!

- Jýrinder, olay bolsa, Jýnis qana qala túrsyn...

Jer astyndaghy tamaqhanagha ýsheuimiz ghana kirip edik, kombat bir búryshta may sham jaryghymen tamaqtanyp otyrghan soyqandastarymnan praporshikti shaqyryp, tórteu boldyq. Politruk bir bótelke araq әkelip, tórt shynygha bólip qúiyp jatqanda, ýstelge qoyylghan bólkeden eki tilimin eki qolyma alyp, asay berdim. Núriya ólimin estigeli tamaqqa zauqym soqqany osy-aq shyghar, lezde bir shyny sorpa iship, jarty bólke jep jiberippin.

- Býgingi enbekterindi qúttyqtau ýshin kombat araq aldyrdy, - dep Oshyr kózin qulana qysyp qoydy maghan, - kombat joldas, endi sóz sizdiki!

Kombat «qashan men aldyrdym» degen antarylysyn sezdirgisi kelmegendey, politrukke bir qarap qana qoyyp sóiledi:

- Boldy, sharshadyndar, tipti, balshyqqa batyp, ishterine suyq tiygizdinder, eng qaterli jerge baryp, qarsydaghy jauymyzgha qatty oiran saldyndar, tipti, iship qoyyndar!

Araq shynysyn men de qolyma alyp, shaynanday týregelip, qaghystyrdym da, ýsheui iship bolghan son, potay qoparushy jalpaq qarany shaqyrdym.

- Sheuikjan, beri kel! - jauynger sart-súrt basyp kep ong qolyn qúndyzdyqqa qoya túra qalghanda, kombatqa qarap sóiledim. - Joldas kombat, men mýlde ishpeytinmin әri jau arasyna kirgen men emespin, anau soyqandastardyng ókili, duday potaydyng kýlin kókke úshyrghan batyr jauyngerinizdi men qúttyqtaymyn!... Al, qaldyrmay iship jiber, batyrym!

Qaghyp salghan Sheuik:

- Rahmet, joldas podporuchiyk! -dep, shynyny qos qolymen qaytaryp bere sala chesti berdi de, «rúqsat» isharamdy kórgen song kilt búrylyp, ornyna qaytty. Auzyndaghy bólkeni asygha jútyp, kýlimdey sóiledi kombat:

- Sen, tipti asqan qu neme ekensin, búiryq búzghanyndy jasyru ýshin, tipti, men úsynghan araqty da basqagha berdin! Jau shebine kirgendigine, tipti, myna Oshyr ahún kuә!.. Aytshy politruk, «qazaq syghalamasyn, syghalasa kirip ketedi» deytin sóz, tipti, senderden shyqqan ghoy. Syghalau emes, tipti, minaly esiginen kirip alghan qazaq tórine shyqpay qoya ma? Bәri bir ótirik, moyyndauyng kerek! Moyyndamasang Ádilbek polkovnikke mәlimdeymin!

- Joldas kombat, myna otyrghan bәrinen súranyz, men «tolyq ýiretip» qana qayttym.... Polkovnikke olay aitsanyz, meni artqy shepke aidap jiberedi. Al siz búiyntaq hatshynyzdan airylasyz, odan ne payda?

- Rúqsat pa, bayandaugha? - dep bir jauynger kirip kelgende bәrimiz jalt-jalt qarastyq. «Jau shabuyl jasay qaldy ma» dep seziktengen edik. Kelgen jauyngerding raporty basqasha shyqty. - Tómengi qúm jiyekpen ótip bara jatqan jaudyng qaruly bir adamy auyr jaralanyp qolgha týsti, myna alasapyran atys túsynda ótip ketpek shpion bolar dep edik, qazaq eken! Óz atyna óngerip әkele jatqanymyzda ólip ketipti.

Biz qoparyla jýgirdik syrtqa, kýnshyghys jaq sәl bozaryp, tang belgi beripti. Jau bir-birimen әli atysyp jatyr. Ólikke aldymen men jýgirip jetip edim, ýnile qaradym da «ah!» dedim jalghyz-aq, dauysym qatty shyghyp kentipti.

- Kim eken? -dep kombat ta jetip kep, ýnile týsti, - dos adam ba eken?

Shalqasynan jatqan ólikti silkip-silkip qaldym da:

- Ólipti! -dep zekirip jiberdim. «Bir ayauly adamynan airylghan eken» degendey, manaydaghylar maghan ýnile qarasyp qalypty. Men ólik kókiregin tabanymmen basyp túryp sóiledim. - Jau... jau bolghanda da naghyz qara jýrek jau!... Qastandyqtyng talayyn istegen qaraqshy shpion, aty - Kәmen... talay syr ketti myna aram kókireginde! -dep teuip-teuip jiberdim. - tergesek talay tilsim sheshiletin edi ghoy! Nege tiri ústamadyndar?!

- Birneshe jauynger, tipti jalghyz adamdy tiri ústay almaghany ma? -dep kombat shiryqty, - múnday adamdy qanshalyq qaterli bolghanda da tiri ústandar degenim qayda, tipti?!

- Joldas kombat, - dep sholghynshylardyng biri tiktele qoydy, - qolyndaghy qúralyn kóriniz, mine avtomaty... At ýstinen jan-jaghyna jaltaqtap, aqyryn kele jatyr eken. Biz tús-túsynan shygha kelip, qol kóteruge búiyrdyq. Qúralyn kezep túryp, «men óz adamdarynmyn, tospa joldy» dep aqyrdy. Biz parol* súradyq. «Shtaptaryng qayda, sonda bayandaymyn» dep jele jóneldi. Basynan asyra oq shygharyp edik, toqtamady. Ong iyghynan kózep edik, bir oq jauyryn astynan tiyipti...

- Bizdi jappay shayqas әureshiliginde dep týsinip, osy orayda ótip almaq bolghan ghoy, dәmesin qara sasyqtyn! - dep kýldi kapitan. - «Shpion eken desek, qazaq eken» dep shoshypty atushy batyr. Qazaq eken desek, shpion eken ghoy, boldy endi azalanbay-aq qoyalyq, aram syryn bireuinen suyryp alarmyz әli-aq!

Kәmenning kókiregin bir tabanymmen basqan kýii men-zeng bolyp túryp qalyppyn.

- Bighabil! - dep kombat shaqyrghanda, jalt qayrylyp tikteldim. Kәmenning atyna әr jaghynan qarap, ýnilip túr eken ózi.

- Bar, Bighabil! -dep jauap qattym.

- Ólgen shpionda erekshe keging bar kórinedi, kýizelip ketting tipti. Min myna atyna, basymen seniki, qaghaz jazyp bekitip beremin!... Múnday atpen qashsang qútylasyn, qusang jetesin, bolyp túr tipti!

Jau shebindegi soghys tang atqanda toqtady. Birin-biri әbden tanyp, ishegin tarta toqtaghanday, demsiz-qybyrsyz jym-jyrttyq ornay qaldy. «Ólgeni men әskery soghysqa tiri tartylatyndaryn sanasyp-tergesip jatqan bolar» dep kýbirlestik. Telefongha shaqyrylghan kombat jer ýiden tez shyqty. Kapitanmen jeke sóilesip, bir jәiitti qatty tapsyrghanday boldy da, meni shaqyryp erte jóneldi. Daldagha qoyylghan attardy mine shaptyq.

Búrynghy jylqyshy Sholymbaty kapitan synaghan at aitqanynday kórindi. «Jaudy ózara myqtap qyrqystyryp qayttym. Tisimdi shaqyrlatyp jýrgen Kәmen de óltirildi. Minip kelgen myna keri aty maghan tiydi. Biraq kegim osymen ghana tarqar ma, esil Núriyashym!... Qayran arman, orny tolmas qayran jar, orny bitpes jýrek jarasyna ainalyp qala bermek pe! Qaskóiding óz auzynan anyghyna jetip, óz qolymmen óltire almay qaldym-au!... Osy atpen dauyldatyp kirsem Ýrimjige, qyrsam saqshylaryn! Kek kernegen kókiregim sonda kenip, dertim sonda kemir edi ghoy! Tapqyzsam asyl denesin, tym bolmaghanda bir tәulik qúshaqtap jatyp, óz qolymmen jerlesem!...»

Áskery tәrtip boyynsha aldymda kele jatqan kombat, jalt qayryldy maghan:

- Ói, ne bolghan saghan,  tipti? Jylap kele jatypsyn. Jeke basynnyng qanshalyq kegi bolsa da, tipti, qaytpady ma býgin?... Shtapqa Ádilbek polkovnik kelip otyr. Jaugha týndegi salghan shataq jayyn tergemek. General Palinovtyng ózi jiberipti. Bayqauymsha, sen de tergelesing tipti, soghan dayyndal! Men, «it talastyru» jayyn telefonda mәlimdegenimde, sening atyng da shyghyp ketken tipti, jasaghan jobandy maqúldap, rúqsat etkenimdi aitqanmyn. Endi sening mina arasynan bastap ótkenindi aitpaymyn, boldy ma?! Biraq, múnan song mening rúqsatymsyz әreket qylmaysyn!

- Qúp, rahymet joldas kombat! -dep ches berdim, - basqa jauaptan meni әkete almaydy...

Shtapqa Sholymbaty jalghyz jóneldi de, meni ashanagha jiberdi. Jarym saghattan song shaqyrtty. Kirip baryp, polkovnikke ches berdim. Sholymbaty maghan kózin qysyp qoyyp, kýlimsirey shyqty. Ádilbek kóz almay qarap otyryp, bir azdan song otyruyma rúqsat etti:

- Ábden sharshaghan ekensin, otyr! Jaughan oq arasynan jaralanbay shyqtyng ba?

- Polkovnik joldas, men oq tiyetin jerge kirgenim joq, ber jaqta jattym!

- Beker jatqan kisimning týri búlay bolmas! -dep myrs ete týsti Ádilbek. - Súrlanyp, qayraqtay qatyp alghan shyrayyng da aityp túr-au!

- Ózinizge bir aitqan Kәmen shpionnyng óligi ghana qolgha týskenine qatty yzalandym, ózim tergesem, qayraqtay emes, sharyqtay qajap tauysar edim!... Núriyany úrlatudaghy qúpiyasyn da anyqtay almay qaldym ghoy?

- Sóitip, jau shebine ózim kirmedim deysing be? Etiging әneu kóikining astynda túr, ótken suyq týnge kiygen myna batinkannan, anau tizelering men keudelerindegi batpaqtan qalay jaltarar ekensin! Qanshalyq tyrnalasang da ketpepti ghoy!

- Aldynghy shepke tez jetu ýshin jenil batinka kiygenim ras, ol jerde bauyrymen jorghalamay adam jýre ala ma?

- Olay bolsa, mynaghan kel! - dep polkovnik ýstel ýstindegi syzba qaritagha shaqyrdy.

- Aytularynsha, sening jýrgen jering mynau ghana. Múnyng qay jerinde batpaq bar! Kiyimindegi maysa nili men qara batpaq daqtary sening dәl myna batpaqtan, minalardyng arasynan ótkenindi yspattaydy!

- Sol minalardyng shetine qana baryp, ótushilerge kórsetip qaytqanmyn, myna jerde kishkene ghana sazdauyt bar eken, sodan beri enbektep ótip, jatyp baqylaghanmyn!

- Janyng shyqsyn baldyztay, búl jerlerde batpaq joq... Búghan moyyndasan, jaqsy kóretin әpekeng «ýidey pәle» atar ma edi! -dep qarqyldap kýldi Ádilbek. - Kombatyng mening aldymda qanshalyq anqaulyq kórsetip qoyghanyn da bilmeysing ghoy. Tolarsaghynnan qan keshpesen, at jandy kapitan sonshalyq jaqsy atty menshiktep berer me saghan! Jә, búl taqyrypty endi qoya túralyq. Áyteuir joba-úsynysyng da, búl saparyng da tym sәtti bolghan. Ózing aitqan «sabaqtas qyzdyn» da, dostarynnyng da, óz kórgen azabynnyng da kegin neshe eselep qaytardyn, armanyng oryndalypty. Endi ýiine qaytasyn, men rúqsat alyp beremin!

- Jezdetay, aita kórmeniz múny! Ýrimjige soghysyp kirmey toqtay almaspyz!

- Bauyr, endi búlay sóilemegeysin! Men ghana estidim, basqa eshkimge qoyma búl talapty... Osy talapty qoyamyn dep qazir qansha jauyngerding jazalanyp jatqanyn estimepsin. Endi búdan da qatal qaraydy, gomindanmen kelissóz jýrgizilip jatyr. Endigi joryq, sayasy qylmysqa ainalmaq!

- Tónkeristi jol ortada buyp tastamaq pa? Ólispey berispeytin jaugha tendese alatyn jerge jetpey, bitimge kelmek pe halyq? Qaynaghan halyq kegi osymen ghana tarqamaqpa!

- Tendese alatyn bitimge keltirmek. Kommunistik partiyalardyng birtútas basshylyghyna baghynbaghan әrqanday әreketke qatal tiym salu búiryghy bar... Kekting ghana tilin alsaq, kimde kek joq deysin, myna general Palinov ta kegi qaynap túrghan Ilelik orys. Diviziyasynyng barlyq kýshin ontýstik Shinjangha júmyldyryp otyrghan general Ysqaqbekke de, Ýrimjige Altay jaqtan tónip túrghan Dәlelqan diviziyasyna da sol búiryq týsip, tiyp otyr. Soghys talabyn qoishylargha qosylmay, ap-aman qaytyp ket onan da!... Búl jerde beker jatqansha ata-anana baryp, kórine túr, soghys jýrgizuge rúqsat etilse, ózindi men-aq shaqyrtyp alayyn!

 

*  *  *

 

Ádiletti tergeushim, soghysqúmardyng qylmys jolyn osylay bumasa, aram nәpsisinde shek bar ma? Áriyne, búl taraudaghy tyng qylmysyma ghana ýnilersiz. Shatqayaqty aiyrsa, kótenishekting bos qalatynyn qasapshy biledi. Naqtyly «jyn-shaytan» ekendigimdi ashyp tastamadym ba? Jyn bolmasam, gomindang jendetterining qújynaghan ortasynan soghyp, bәrin qútyrta alar ma edim, shaytan bolmasam, ózderi men ózderin qyrylystyra salar ma edim? Mine fakt degen!

Gomindang bolsa da qalay da óz adamdarynyz ghoy, «adamzatty múnshalyq qorlap basynarma!» degen qúpiya ashugha bulygharsyz da, «it basyndy janshyp tastaymyn» dep shaqyldarsyz-aq!

(Jalghasy bar)

«Abay-aqparat»

---

* Feliyeton - shymshymaly, syqaqty qysqa әngime.

* Kombat (oryssha) - batalion komandiyri.

* Politruk - әskery bólimshelerding sayasy júmysyn basqaratyn adam.

* Syrty shaqpaq bújyr, domalaq granat. Tez ot alghyshtyghy men quattylyghynan «bújyr soyqan» atalghan.

** Tuan (hanzusha) - polk.

* Parol - óz adamy ekenin biluge qoldanylatyn jasyryn sóz, shartty belgi.