Songhy aida kezinde Qazaqstan siyaqty Sovet týrmesinen shyqqan qatarynan eki elde bolyp qayttym. Birinshisi - Resey basyp alghan Qyrym týbegin qaytarmaq taghdyrlas Ukraina, ekinshisi - sol Resey kómegimen Armeniya 1990-jyldary Qarabaqtaghy basyp alghan jerin qaytarghan bauyrlas Ázirbayjan. Búl saparlar barysynda nazar audararlyq, ýirenip-jiyrenetin tústar jetip artylady. Ol jayly Alla qalasa әli bayanday jatarmyn. Ázirshe bir ghana túsqa kónil bóludi jón kórdim - onysy Ukrainanyng bolsyn, Ázirbayjannyng bolsyn, óz tilderine degen qúrmeti. Sondaghysy osy ataudaghy últtardyng memleketi ekeni әuejaydan bastap bilinedi. Ukrainada týrim orysqa úqsamasa da, amalsyz oryssha súraghyma jergilikti kez-kelgen azamat, arasynda ózim kórgen tatar men ózbek, qalypty týrde tek Ukrain tilinde jauap qaytardy. Ázirbayjanda barlyq shendi sózin óz tilinde bastaydy, bolmay bara jatsa ghana orysshagha kóshedi. Bizde qalay? Mýlde basqasha. Kim kinәli degen súraq payda bolady. Kópshilik әdette biylikti aiyptaydy. Meyli. Tek sol Ukraina men Ázirbayjan balasynyng óz tilin qúrmetteude jogharygha qarap qalghanyn bayqamadym. Ózderining qúlqy. Endeshe óz elimizde jýrip óz tilimizde sóilemeui ýshin basqany aiyptaghandy qalay ataugha bolady?

Ps. Stambuldan úshar aldynda әuejaydyng terminaldarynda tiyisti baghytta úshpaq jolaushylardyng óz tilinde sóilegenin kórdim. Tek Qazaq terminalynda, tolghan Qazaq balasy otyrghan jerde ghana bóten elding tili saltanat qúryp túrdy. Eng ókinishtisi - búny men ghana emes, bizding orysqúldyqty kórip bas shayqaytyn әlemning barlyghy da kórude.

Rasul Júmaly

Abai.kz