11 qazan kýni Europarlament qabyrghasynda ýlken otyrys ótti. Otyrys taqyryby "Euroodaq jәne Qazaqstan". Jiyn parlamentaralyq әriptestik taqyryby ayasynda órbigen bolatyn. Oghan Qazaqstan atynan Linniyk, Sarym, Sqaqova, Aytpaeva syndy deputattar qatysty.

Europarlamenttegi jiyn jayly parlam.kz sayty qazaq tilinde qysqa ghana aqparat berdi.

"Mәjilis deputattary Aygýl Qúspan, Snejanna Imasheva, Aydos Sarym, Ayjan Sqaqova jәne Andrey Linnik Beligiyada ótken "Qazaqstan Respublikasy – Europalyq odaq" (QR-EO) parlamenttik yntymaqtastyq komiytetining kezekti 18-shi otyrysyna qatysty. Is-shara barysynda QR-EO jelisi boyynsha bolashaq yntymaqtastyq ýshin birqatar perspektivalyq baghyttar turaly aityldy. Atap aitqanda, ekonomika, densaulyq saqtau, bilim beru, kólik, ekologiya jәne su resurstary salalaryndaghy yntymaqtastyq mәseleleri talqylandy. Mәjilis deputattary europalyq әriptesterin Memleket basshysy Qasym-Jomart Toqaevtyng qazirgi sayasy bastamalary, koronavirus pandemiyasy jaghdayyndaghy Ýkimetting daghdarysqa qarsy sharalar kesheni, Últtyq qoghamdyq senim kenesining qyzmeti jayynan habardar etti. Óz kezeginde, Europalyq Parlament deputattarynyng tarapynan elimizding sayasy jýiesin janghyrtugha, ólim jazasyn jongha, saylau zannamasyn jetildiru siyaqty qazaqstandyq sayasy reformalargha joghary bagha berildi", - dep jazdy.

Al orys tilinde tabaqtay etip maqala shyghardy. Onda Europarlament qabyrghasynda ne aitylyp, ne talqylanghanyna deyin naqty kórsetilgen. Memlekettik tilde qysqa aqparat qana berip, orys tilinde tolyqtay mәlimet bergenine qarap-aq memlekettik tilding jaghdayyn baghamdaugha bolatyn shyghar.

Kezdesudi Qazaqstan tarapy barynsha jaqsy formatta ótti dese de, Europarlament birqatar súraqtardyng jauaptaryna qanaghattanbaghan siyaqty. Mysaly adam qúqyghy mәselesi boyynsha. Europarlament deputaty Ruza Tun óz Tvitter paraqshasynda kezdesuden keyin bylay dep jazba qaldyrdy.

“Keshegi kezdesu: Europarlament deputattary men qazaqstandyq deputattar. Olar (Qazaqstan deputattary): Adam qúqyghyna kepildik berilgen. Men: Býgin 13 sayasy belsendi sotqa tartyldy ghoy.
Olar: Biz týrmedegi jaghdaydy jaqsartyp jatyrmyz.
Men: Nege qamalghan belsendiler “jýrek talmasynan” kóz júmady?! Biz әriptestikti qalaymyz, alayda biz sanksiyany talap etuge mәjbýrmiz”.

Europarlament deputatynyng sózine qarap, olardyng Qazaqstandaghy adam qúqyghyna qatysty kónilderi tolmaytynyn angharu qiyn emes.

Búl Ruza Tunnyng "Qazaqstangha sanksiya salu kerek" degen alghashqy mәlimdemesi emes. Búghan deyin de ol Qazaqstandaghy adam qúqyghynyng óreskel búzyluyna baylanysty birqatar túlghalargha sanksiya salu kerek degen oiyn aitqan bolatyn.

"Keshe men Qazaqstannyng Ádilet ministri Marat Beketaev myrzamen kezdestim. Ol reformalar boyynsha ýlken josparyn tanystyrdy. Men oghan sayasy tútqyndardyng jәne qudalaugha úshyraghan belsendilerding tizimin úsyndym. Biz әriptestikti qalaymyz, biraq adam qúqyghyn búzushylargha sanksiyany talap etemiz", - dep óz Twitter paraqshasyna 30-qyrkýiekte jazba qaldyrghan bolatyn.

Sanksiya salugha qatysty Qazaqstan deputattary óz pikirlerin bildirdi. Qazaqstan Halyqtyq Partiyasynyng ókili Ayqyn Qonyrov bylay deydi:

"Olardyng óz mәseleleri jeterlik qoy, mening oiymsha olar ózderining saylaushylarynyng nazaryn, mýmkin tútas qoghamnyng nazaryn basqa baghytqa búru ýshin osynday bastamalardy kóterui mýmkin. Men adam qúqyghy mәselesi boyynsha birqatar kemshilikter barymen kelisemin. Bizge jii aryzdar kelip týsedi. Biz olardy qarap, barynsha sheshuge tyrysamyz. Al ekinshi jaghynan búl mәselelerding Europarlamentte kóterilui olardyng qalauynda. Olardyng onday qúqyghy bar. Áriyne әlemdik daghdarys kezinde, әsirese Europa barynsha daghdarysqa enip jatqan sәtte olar aldymen óz mәselesin rettep, artynsha bizge qaraghany dúrys siyaqty. Óitkeni Euroodaqta eki týrli standart bar, ony Europarlamentten de kóruge bolady", - dedi ol.

Jambyl Ahmetbekov bolsa bylay deydi:

"Eger Qazaqstan halyqaralyq qúqyqty taptasa, onda әriyne sanksiya salu kerek. Alayda biz qúqyqty búzghan emespiz. Eger sanksiyagha iliksem men qapalanbaymyn. Eger men zandy búzsam, onda zang aldynda jauap beruge tiyispin".

Songhy uaqytta Qazaqstandaghy adam qúqyghy mәselesi Europarlament qabyrghasynda jii aitylatyn boldy. Belsendiler jekelegen túlghalargha sanksiya salynuy tiyis dese, biylik Batysqa "barynsha reformany iske asyramyz" dep uәde etude.

Ka Myrza

Abai.kz