Keshe Qazaqstan premieri Asqar Mamin Mәskeuge bardy. Resey premieri Mihail Mishustinmen kezdesip, ekijaqty kelissózder ótkizdi. Mamin men Mishustin ekiaradaghy sauda-sattyqty úlghaytu jayyn sóz etken. Odan bólek, qarjylyq-investisiyalyq, tranzittik-transporttyq, auyl sharuashylyq jәne múnay-gaz, himiya salasynda, energetikalyq jәne gharysh salalarynda t.b. әriptestikti arttyru boyynsha әngimelesken. Múnyng barlyghy әriyne, EAEO deytin aty ekonomikalyq, zaty sayasy odaqtyng shenberinde atqarylady.  

Sol bir alqa-qotan jiynda (kelissóz kezinde) Resey premieri Mihail Mishustin әzil-shynyn aralastyryp: «sheteldik investisiya» degendi «bauyrlas elding investisiyasy» desek dúrys», - dep sóileydi.

Sózbe-sóz: «Siz sheteldik tikeley investisiya degendi aitqanda, men Reseydi búl túrghydan, statistikalyq esepte «bauyrlas kórshi» dep aitqym keledi. Búl әriyne, әzil», - depti.

Al biyl ghana Resey preziydentining arnayy Jarlyghymen «Dostyq» ordenin keudesine taqqan Asqar Mamin birinshi jarty jyldyqtyng esep-qisaby boyynsha Qazaqstangha Reseyden tartylghan tikeley investisiyalar kólemi 20 payyzgha óskenin aitypty. 2021 jyldyng 8 aiynda eki el arasyndaghy tauar ainalymy 27 payyzgha artyp, 14,7 mlrd dollardy qúrapty. Búl esepti jyl sonyna deyin 20 mlrd dollargha jetkizu kózdelip otyr eken. Dәl qazir elimizde Resey kapitaly bar 10 mynnan tastam kәsiporyn tirkelgen. Búl Qazaqstandaghy shetelding qatysy bar kәsiporyndardyng jalpy sanynyng 36,1 payyzy. Sonday-aq, ónerkәsiptik kooperasiya salasynda jalpy somasy 1,7 mlrd dollardy qúraytyn taghy 8 birlesken joba iske asyrylyp jatyr eken. Solay...

Aytpaqshy, QR Ýkimet basshysynyng resmy saytyndaghy aqparatta Resey premierining «bauyrlas kórshi» jayly aitqan әzili turaly bir auyz sóz aitylmaghan.

Al orys aqparaty «bauyrlas kórshi» degendi jarysa jazyp jatyr. Resey Ýkimetining resmy sayty Mamin men Mishustin әngimesining stenogrammasyn jariyalapty. Onda da Mishustinning «bauyrlas kórshi» jayly aitqandary anyq jarzylghan.

Taqyrypqa túzdyq retinde: RF preziydenti Vladimir Putinning 2021 jyldyng 5 mausymyndaghy №340-shy jarlyghymen QR premier-ministri Asqar Mamin Reseyding Dostyq ordenimen marapatalghan. Putinning Jarlyghynda: «Gharysh kenistigin zertteu jәne paydalanu, halyqtar arasyndaghy dostyqty nyghaytu salasyndaghy halyqaralyq yntymaqtastyqty damytugha qosqan zor ýlesi ýshin Qazaqstan Respublikasynyng premier-ministri Mamin Asqar Úzaqpayúly «Dostyq» ordenimen marapattalsyn», - dep anyq jazylghan.

Aytpaqshy, búl Asqar Úzaqbayúlynyng Mәskeuden alghan alghashqy ordeni emes. 2010 jyly Orys pravoslav shirkeuining nemese Mәskeu patriarhatynyng «Orden Svyatogo blagovernogo knyazya Daniila Moskovskogo» deytúghyn ordenin taqqan. Onan son, 2019 jyly EAEO-nyng «Euraziyalyq ekonomikalyq odaqtyng damuyna qosqan ýlesi ýshin» degen medali taqqan.

Mamin men Mishustin osyghan deyin tamyz aiynda jolyqqan. Qazaqstan astanasynda Mishustin «orys tilinin, orys tildilerding qúqyghyn qorghap» ketken. Dәl sol uaqytta Reseylik BAQ: «Qazaqstanda orys tilinin, orys tildilerding qúqyghy taptalyp jatyr», - dep oibaygha basyp jatqan. Orys aqparatynyng aiqay-shuyna Qazaqstan biyligi de aralasyp, aqtala sóilep jatqan.

Sony menzegen Mishustin Maminge qarata: «Sizdi jәne Qazaqstan basshylyghyna orys tiline degen múqiyat kónilderiniz ýshin alghys aitqym keledi. Orys tili Qazaqstanda resmy statusqa iye. Ol últaralyq hәm memleketaralyq qarym-qatynastaghy negizgi instrument bolyp otyr. Men ýshin Qazaqstangha jasalghan әrbir saparym erekshe mәnge iye. Biz Qazaqstanmen dostyq, bauyrlyq, odaqtastyq qarym-qatynastarymyzdy baghalaymyz», - dep sóilegen.

Týiin: Songhy uaqytta oryspen (Reseymen – red.) ortaq kóbeyip kele jatqany qazaq qoghamyn alandatyp otyrghany shyndyq. «Ortaq aqsha», «ortaq sport», «ortaq mәdeniyet», «ortaq medisina», «ortaq aqparattyq kenistik», «ortaq zeynetaqy», «ortaq enbek kýshi», «ortaq sauda kenistigi» t.b.

Arysyn aitpaghanda, keyingi bir-eki jyldyng sheginde Resey tarapynan Qazaqstannyng territoriyalyq tútastyghyna qatysty agressiyanyng kóbeygeni de belgili. Kremli biyligining týrli lauazymdy shendileri qazaq jerine kóz alartyp, territoriyalyq tútastyghyn moyyndamaytyn, arandatushylyq әreketterdi ýdetti.

Euraziyalyq ekonomikadyq odaqtyng týp maqsaty – KSRO-ny qayta qúru ekenin sarapshylar aituday-aq, aityp keledi. Shyn mәninde, býgingi Qazaqstan paydasynan pәlesi kóp EAEO-nyng ekonomikalyq tútqynyna ainalghan. «Ayta-ayta Altaydy, Jamal apay qartaydy», degendeymiz, qazir. EAEO kýn sanap sayasilanyp bara jatqany turaly san ret jazdyq. Dabyl qaqtyq. Naqty derekter keltirdik. Alayda, estir qúlaq bolsa, kәne?..

Núrgeldi Ábdighaniyúly

Abai.kz