Qazaqstanda qansha enbek migranty bar? Búl súraq kópshilikti oilandyratyny anyq. Álemde pandemiya jalghasuda jәne memleketter ýshin әr júmys orny manyzdy. Resey enbek migranttaryna qatysty arnayy zang shygharghannan keyin, basty kóshting biri Qazaqstan bola ma degen de kýdik tuyndady. 

2021 jylghy 1 qarashadaghy jaghday boyynsha 16 059 sheteldik azamat jergilikti atqarushy organdardyng rúqsaty boyynsha Qazaqstan Respublikasynyng aumaghynda enbek qyzmetin jýzege asyruda. Resmy mәlimetti Qazaqstan Respublikasy Enbek jәne halyqty әleumettik qorghau ministrligi jariyalady.

Sheteldik júmys kýshin (búdan әri – ShJK) tartugha berilgen rúqsattardyng ishinde mynaday sanattar bar: birinshi sanat – 647 (basshylar jәne olardyng orynbasarlary), ekinshi sanat – 3 222 (qúrylymdyq bólimshelerding basshylary). Tartylghan ShJK-ning negizgi bóligi ýshinshi (mamandar) jәne tórtinshi (bilikti júmysshylar) sanattargha jatady – tiyisinshe 7 746 adam jәne 718 adam. Sonday-aq mausymdyq júmystargha – 1 769 adam, al korporativtik auystyru shenberinde – 1 957 adam tartylghan.

Qazirgi uaqytta Qazaqstanda ShJK paydalanatyn 1 739 júmys berushi bar. Olarda shamamen 458 mynnan astam Qazaqstan azamattary júmys isteydi, búl jalpy júmysshylar sanynyng 97%-yn qúraydy.

Enbekshi migranttar shyghatyn negizgi elder kelesi: Qytay – 4 068 adam, Týrkiya – 2 069 adam, Ózbekstan – 1 782 adam, Ýndistan – 1 212 adam, Úlybritaniya – 1 047 adam.

Esterinizge sala keteyik, ishki enbek naryghyn qorghau maqsatynda, QR Enbek jәne halyqty әleumettik qorghau ministrligi jyl sayyn elimizge sheteldik mamandardy tartugha arnalghan kvota belgileydi. 2021 jyly kvota mólsheri júmys kýshine shaqqanda 0,31%-dy nemese 29,3 myng birlikti qúrady.

Abai.kz