سەيسەنبى, 29 قاراشا 2022
انىق 3018 2 پىكىر 18 قاراشا, 2021 ساعات 14:42

ەڭبەك ميگرانتتارى: قىتاي ازاماتتارىنىڭ سانى باسىم

قازاقستاندا قانشا ەڭبەك ميگرانتى بار؟ بۇل سۇراق كوپشىلىكتى ويلاندىراتىنى انىق. الەمدە پاندەميا جالعاسۋدا جانە مەملەكەتتەر ءۇشىن ءار جۇمىس ورنى ماڭىزدى. رەسەي ەڭبەك ميگرانتتارىنا قاتىستى ارنايى زاڭ شىعارعاننان كەيىن، باستى كوشتىڭ ءبىرى قازاقستان بولا ما دەگەن دە كۇدىك تۋىندادى. 

2021 جىلعى 1 قاراشاداعى جاعداي بويىنشا 16 059 شەتەلدىك ازامات جەرگىلىكتى اتقارۋشى ورگانداردىڭ رۇقساتى بويىنشا قازاقستان رەسپۋبليكاسىنىڭ اۋماعىندا ەڭبەك قىزمەتىن جۇزەگە اسىرۋدا. رەسمي مالىمەتتى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى جاريالادى.

شەتەلدىك جۇمىس كۇشىن (بۇدان ءارى – شجك) تارتۋعا بەرىلگەن رۇقساتتاردىڭ ىشىندە مىناداي ساناتتار بار: ءبىرىنشى سانات – 647 (باسشىلار جانە ولاردىڭ ورىنباسارلارى), ەكىنشى سانات – 3 222 (قۇرىلىمدىق بولىمشەلەردىڭ باسشىلارى). تارتىلعان شجك-ءنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 7 746 ادام جانە 718 ادام. سونداي-اق ماۋسىمدىق جۇمىستارعا – 1 769 ادام، ال كورپوراتيۆتىك اۋىستىرۋ شەڭبەرىندە – 1 957 ادام تارتىلعان.

قازىرگى ۋاقىتتا قازاقستاندا شجك پايدالاناتىن 1 739 جۇمىس بەرۋشى بار. ولاردا شامامەن 458 مىڭنان استام قازاقستان ازاماتتارى جۇمىس ىستەيدى، بۇل جالپى جۇمىسشىلار سانىنىڭ 97%-ىن قۇرايدى.

ەڭبەكشى ميگرانتتار شىعاتىن نەگىزگى ەلدەر كەلەسى: قىتاي – 4 068 ادام، تۇركيا – 2 069 ادام، وزبەكستان – 1 782 ادام، ءۇندىستان – 1 212 ادام، ۇلىبريتانيا – 1 047 ادام.

ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا، قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 جىلى كۆوتا مولشەرى جۇمىس كۇشىنە شاققاندا 0,31%-دى نەمەسە 29,3 مىڭ بىرلىكتى قۇرادى.

Abai.kz

2 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1507
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1597
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1762