Qazaqstan tәuelsizdigin jariyalaghannan keyin ekonomikalyq tyghyryqqa tap boldy. Zauyt-fabrikalar toqtap, halyq kýnkóris qamymen dala kezip ketti. Mәdeniyet, óner, ruhaniyat salasynyng hali tipti mýshkil edi.

Alayda Elbasy Núrsúltan Nazarbaevtyng útqyr sheshimderining arqasynda, azghantay uaqyttyng ishinde ekonomikanyng damuy jana qarqyngha týsti. Elde sayasy reformalar qolgha alynyp, halyqtyng túrmysy jaqsardy. Mәdeniyetke jan bitip, el azamattarynyng dýniyetanymy keneydi.

– Eng bastysy tәuelsizdikting qadir-qasiyetin eshqashan da joghaltpauymyz qajet jәne ony tereng týsine biluimiz kerek. Alghashqy jyldary kóp qiynshylyq kórdik. Ruhany salalarymyz derlik aqsap jatty. Auyl-auyldardaghy dýrkiregen mәdeniyet ýileri tútastay jabylyp, meyramhanalargha, dýkenderge ainalyp ketkenin kórdik. Kitaphanalar jabylyp, kitaptar otyngha ketken kezder de boldy. Múnyng bәri jýrekke auyr tiydi, biraq biz búl qiynshylyqtan ensemizdi týsirmey ótip shyqtyq, –  deydi Qazaqstannyng enbek sinirgen qayratkeri, rejisser Saylau Kamiyev.

Elordalyq «Bәiterek» tobynyng әnshisi Saylau Kamiyev býginde elding týpkir-týpkirinde jaghday jaqsarghanyn aitty. Oghan gastroliderge shyqqan saparlarynda kórgen sәtteri dәlel bolghan.

– Toqsanynshy jyldardyng basynda joghalyp ketken dýniyelerding barlyghy qazir ayaghynan túrdy. Qalada bolsyn, auylda bolsyn, mәdeniyet ýilerining tamasha ghimarattary salyna bastady. Olardyng ishi – halyqqa, sahnasy ónerge toldy. Biz әlemning teng mýshesine ainaldyq. Qazaq ónerine dýiim júrt sýisinip qaraytyn boldy. Dimash onyng bir ghana dәleli. Kino salasy da bir tóbege ainaldy. Múnyng barlyghy da tәuelsizdigimizding arqasy dep bilemin, – deydi rejisser Saylau Kamiyev.

Abai.kz