Europarlament Qazaqstangha sanksiya salu mýmkindigin qarastyruda. «Qasiretti qantar» oqighasynan keyin, Europa elderi osynday bastamany kóterip otyr. Oqigha barysynda kóptegen adam qaza tauyp, beybit túrghyndar japa shegude, elde repressiya jýrip jatyr deydi olar. 

19 qantarda Europarlamentte Qazaqstandaghy qantar aiynyng basyndaghy qandy oqighalar qaraldy. Otyrys barysynda arnayy rezolusiya jobasy talqylandy.

Rezolusiyany әzirlegen avtorlardyng biri Haydy Hautala: «beybit narazylyqtyng qalaysha ozbyrlyqqa úlasyp ketkenin, oghan qanday elementter tartylghanyn, jaghdaydyng ushyghuyna ne týrtki bolghanyn» anyqtau ýshin oqighany halyqaralyq dәrejede tәuelsiz tergeu qajettigin aitty.

«Kinәliler jazalanuy tiyis. Kez kelgen jolmen biylikti saqtap qalghysy keletin kleptokrattargha qatang shara qoldanyluy tiyis. Óz halqyna qarsy qylmys jasaghany ýshin sot aldynda jauap berui kerek. EQYÚ, BÚÚ Adam qúqyqtary jónindegi kenesi, EO tәuelsiz tergeudi qolgha aluy tiyis», - dedi Haydiy.

Haydiyding sózin ózge deputattar qoldady. Eurodeputat Marketa Gregorova Qazaqstan biyligining basshylyghyna jeke sanksiya salugha ýndedi. «Ókinishke qaray, EO-nyng aimaqta ýni estilmeydi jәne ol óte kesh jәne bayau reaksiya bildirdi. Senimdi aqtau ýshin biz joghary dengeydegi sheneunikterge sanksiya saluymyz kerek», – dedi Gregorova.

Áriyne, búl Qazaqstan biyligi ýshin jaghymdy janalyq emes. Sondyqtan SIM birden óz reaksiyasyn kórsetti.

«Qazaqstan Respublikasynyng basshylyghy tapsyrghan resmy tergep-tekseru nәtiyjeleri jariyalanghangha deyin múnday qújattardy qabyldau qisynsyz dep sanaymyz. Onyng nәtiyjeleri halyqaralyq qoghamdastyqqa úsynylatynyn taghy da rastaymyz», - delingen SIM habarlamasynda. Biylik búl rezolusiyany negizsiz dep sanaydy jәne «birjaqty» dep atady.

Jalpy Europarlament úsynghan sanksiyalar salynsa ne boluy mýmkin. Onyng jaghymdy әseri boluy ekitalay. Ásirese Europalyq Damu bankining birqatar jobalary toqtatyluy ghajap emes.

Abai.kz