بەيسەنبى, 28 ناۋرىز 2024
سىعالاپ تۇر سانكتسيا: 3203 15 پىكىر 21 قاڭتار, 2022 ساعات 17:05

ەۋروپارلامەنت قارارى مەن ءسىم-ءنىڭ جاۋابى

ەۋروپارلامەنت قازاقستانعا سانكتسيا سالۋ مۇمكىندىگىن قاراستىرۋدا. «قاسىرەتتى قاڭتار» وقيعاسىنان كەيىن، ەۋروپا ەلدەرى وسىنداي باستامانى كوتەرىپ وتىر. وقيعا بارىسىندا كوپتەگەن ادام قازا تاۋىپ، بەيبىت تۇرعىندار جاپا شەگۋدە، ەلدە رەپرەسسيا ءجۇرىپ جاتىر دەيدى ولار. 

19 قاڭتاردا ەۋروپارلامەنتتە قازاقستانداعى قاڭتار ايىنىڭ باسىنداعى قاندى وقيعالار قارالدى. وتىرىس بارىسىندا ارنايى رەزوليۋتسيا جوباسى تالقىلاندى.

رەزوليۋتسيانى ازىرلەگەن اۆتورلاردىڭ ءبىرى حايدي حاۋتالا: «بەيبىت نارازىلىقتىڭ قالايشا وزبىرلىققا ۇلاسىپ كەتكەنىن، وعان قانداي ەلەمەنتتەر تارتىلعانىن، جاعدايدىڭ ۋشىعۋىنا نە تۇرتكى بولعانىن» انىقتاۋ ءۇشىن وقيعانى حالىقارالىق دارەجەدە تاۋەلسىز تەرگەۋ قاجەتتىگىن ايتتى.

«كىنالىلەر جازالانۋى ءتيىس. كەز كەلگەن جولمەن بيلىكتى ساقتاپ قالعىسى كەلەتىن كلەپتوكراتتارعا قاتاڭ شارا قولدانىلۋى ءتيىس. ءوز حالقىنا قارسى قىلمىس جاساعانى ءۇشىن سوت الدىندا جاۋاپ بەرۋى كەرەك. ەقىۇ، بۇۇ ادام قۇقىقتارى جونىندەگى كەڭەسى، ەو تاۋەلسىز تەرگەۋدى قولعا الۋى ءتيىس», - دەدى حايدي.

ءحايديدىڭ ءسوزىن وزگە دەپۋتاتتار قولدادى. ەۋرودەپۋتات ماركەتا گرەگوروۆا قازاقستان بيلىگىنىڭ باسشىلىعىنا جەكە سانكتسيا سالۋعا ۇندەدى. «وكىنىشكە قاراي، ەو-نىڭ ايماقتا ءۇنى ەستىلمەيدى جانە ول وتە كەش جانە باياۋ رەاكتسيا ءبىلدىردى. سەنىمدى اقتاۋ ءۇشىن ءبىز جوعارى دەڭگەيدەگى شەنەۋنىكتەرگە سانكتسيا سالۋىمىز كەرەك»، – دەدى گرەگوروۆا.

ارينە، بۇل قازاقستان بيلىگى ءۇشىن جاعىمدى جاڭالىق ەمەس. سوندىقتان ءسىم بىردەن ءوز رەاكتسياسىن كورسەتتى.

«قازاقستان رەسپۋبليكاسىنىڭ باسشىلىعى تاپسىرعان رەسمي تەرگەپ-تەكسەرۋ ناتيجەلەرى جاريالانعانعا دەيىن مۇنداي قۇجاتتاردى قابىلداۋ قيسىنسىز دەپ سانايمىز. ونىڭ ناتيجەلەرى حالىقارالىق قوعامداستىققا ۇسىنىلاتىنىن تاعى دا راستايمىز»، - دەلىنگەن ءسىم حابارلاماسىندا. بيلىك بۇل رەزوليۋتسيانى نەگىزسىز دەپ سانايدى جانە «بىرجاقتى» دەپ اتادى.

جالپى ەۋروپارلامەنت ۇسىنعان سانكتسيالار سالىنسا نە بولۋى مۇمكىن. ونىڭ جاعىمدى اسەرى بولۋى ەكىتالاي. اسىرەسە ەۋروپالىق دامۋ بانكىنىڭ بىرقاتار جوبالارى توقتاتىلۋى عاجاپ ەمەس.

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522